完整藏文原文 · 德格版页 当前仅加载第 55 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡང་བ་མེད་གྱུར་པ། །དེ་ནི་མྱ་ངན་འདས་ཞེས་བྱ། །ཆོས་ཀུན་མངོན་པར་འདུས་མ་བྱས། །སེམས་ཅན་དག་ཀྱང་དེ་ན་མེད། །སེམས་ཅན་རང་བཞིན་གང་ཡིན་པ། །དེ་ནི་གཟུངས་ཞེས་བྱ་བ་ཡིན། །ཆོས་རྣམས་ཐམས་ཅད་མ་བྱས་ཏེ། །བྱེད་པ་པོ་ཡང་དེ་ན་མེད། །གང་དག་ལས་
D132.055.0314a01.01ཀྱི་བྱ་བ་མེད། །དེ་ནི་གཟུངས་ཞེས་བྱ་བ་ཡིན། །མིག་ནི་ཡོད་པ་མ་ཡིན་པས། །ཆོས་རྣམས་ཐམས་ཅད་མཐོང་བ་མེད། །གང་ན་མིག་ནི་མི་དམིགས་པ། །དེ་ན་མེད་ཅེས་བྱ་བ་ཡིན། །སེམས་ནི་ཡོད་པ་མ་ཡིན་པས། །ཆོས་རྣམས་རྣམ་པར་ཤེས་དང་བྲལ། །སེམས་དང་ཤེས་པ་མེད་པས་
D132.055.0314a02.01ན། །རྣམ་པར་ཤེས་པ་མེད་པ་ཡིན། །གང་ན་ཤེས་དང་དེ་བཞིན་དུ། །མི་ཤེས་པ་ཡང་མེད་པ་དང་། །གང་ན་སེམས་ནི་ཡོད་མ་ཡིན། །དེ་ཙམ་གྱིས་ནི་ཡེ་ཤེས་སོ། །ཇི་ཙམ་དུ་ནི་རྣམ་རྟོག་པ། །ཡེ་ཤེས་དང་ནི་མི་ཤེས་འགྱུར། །རྟོག་དང་སྒྲིབ་པ་མེད་གྱུར་ན། །དེ་ལ་ཡེ་ཤེས་ཞེས་ཀྱང་
D132.055.0314a03.01བྱ། །ཆོས་རྣམས་ཐམས་ཅད་དངོས་པོ་མེད། །མིང་ཙམ་དུ་ཡང་བཤད་པ་སྟེ། །ཡེ་ཤེས་དང་ནི་མི་ཤེས་པ། །དེ་ཡང་དེ་བཞིན་ཤེས་པར་གྱིས། །ཆོས་རྣམས་ཐམས་ཅད་མེད་པ་སྟེ། །འདི་ན་ཅི་ཡང་ཡོད་མ་ཡིན། །གང་ན་ཆོས་རྣམས་ཡོད་མིན་པ། །དེ་ནི་ཆོས་ཀྱི་མཆོག་ཡིན་ནོ། །
D132.055.0314a04.01ཆོས་རྣམས་ཐམས་ཅད་རང་བཞིན་གྱིས། །ཚད་མེད་པར་ནི་བསྟན་པ་སྟེ། །སེམས་ཅན་རང་བཞིན་གང་ཡིན་པ། །དེ་ནི་གཟུངས་ཞེས་བྱ་བ་ཡིན། །ཆོས་རྣམས་ཐམས་ཅད་གསོག་ཡིན་ཏེ། །དེ་ལ་སྙིང་པོ་ཡོད་མ་ཡིན། །གང་ན་སྙིང་པོ་ཡོད་མིན་པ། །དེ་ནི་གཟུངས་ཀྱི་མཚན་ཉིད་ཡིན། །ཆོས་
D132.055.0314a05.01རྣམས་ཐམས་ཅད་གཉེན་པོ་མེད། །དེ་ལྟར་མཚན་ཉིད་གཅིག་པ་སྟེ། །མཚན་ཉིད་མེད་པའི་ཆོས་རྣམས་ཀྱི། །གཉེན་པོ་ཡོད་པ་མ་ཡིན་ནོ། །ཆོས་ཀུན་བྱེ་བྲག་མེད་པ་སྟེ། །དམ་པ་དང་ནི་ཐ་མ་མེད། །འདི་ལ་འདྲ་བ་གང་ཡང་མེད། །དེ་ཡི་ཕྱིར་ནི་གཟུངས་ཞེས་བྱ། །མཚུངས་ཤིང་མཉམ་པར་
D132.055.0314a06.01ཞུགས་པས་ན། །ཆོས་ཀུན་ལ་ནི་སྣ་ཚོགས་མེད། །གང་ན་སྣ་ཚོགས་ཡོད་མིན་པ། །དེ་ནི་གཟུངས་ཞེས་བྱ་བ་ཡིན། །ཆོས་རྣམས་ཐམས་ཅད་མེད་པས་ན། །འདིར་ནི་འོང་བ་ཡོད་མ་ཡིན། །འདིར་ནི་གཞན་ཡང་འཕོ་བ་མེད། །དེར་ནི་ཆོས་ཀྱི་ཆོས་ཉིད་ཡིན། །ཆོས་རྣམས་ཐམས་ཅད་མ་འོངས་
D132.055.0314a07.01