完整藏文原文 · 德格版页 当前仅加载第 55 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཐོབ་ནས་མིང་ཅི་ཞེས་བྱ་བར་འགྱུར། བཅོམ་ལྡན་འདས་དེའི་ཚེ་དེའི་དུས་ན་འཇིག་རྟེན་གྱི་ཁམས་འདི་མིང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་བརྟན་པ་བསྐལ་པ་བཟང་པོ་འདི་འདས་ཤིང་སངས་རྒྱས་སྟོང་ཡོངས་སུ་མྱ་ངན་ལས་འདས་
D132.055.0283b01.01ནས་བསྐལ་པ་དྲུག་ཅུ་རྩ་གཉིས་ན་སངས་རྒྱས་འབྱུང་བར་འགྱུར་ཏེ། དེ་ན་རང་སངས་རྒྱས་ཀྱང་བྱེ་བ་ཁྲག་ཁྲིག་བརྒྱ་ཕྲག་སྟོང་འབྱུང་བར་འགྱུར་རོ། །བློ་གྲོས་བརྟན་པ་བསྐལ་པ་དྲུག་ཅུ་རྩ་གཉིས་པོ་དེ་དག་འདས་ནས་ལྷའི་བུ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
D132.055.0283b02.01རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དྲི་མ་མེད་པར་གྲགས་པའི་རྒྱལ་པོ་ཞེས་བྱ་བར་འགྱུར་རོ། །བློ་གྲོས་བརྟན་པ་དེའི་ཚེ་དེའི་དུས་ན་མི་མཇེད་ཀྱི་འཇིག་རྟེན་གྱི་ཁམས་འདི་ནི་མཐོང་ན་དད་པ་ཞེས་བྱ་བའི་འཇིག་
D132.055.0283b03.01རྟེན་གྱི་ཁམས་སུ་འགྱུར་ཏེ། བློ་གྲོས་བརྟན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞིང་མཐོང་ན་དད་པ་ཞེས་བྱ་བའི་འཇིག་རྟེན་གྱི་ཁམས་དེ་ན་སེམས་ཅན་དེ་དག་ཐམས་ཅད་དད་པ་རྙེད་པས་མཛེས་པར་འགྱུར་ཏེ། དེ་ན་སེམས་ཅན་
D132.055.0283b04.01གང་ཡང་འདོད་ཆགས་ཀྱིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར། ཞེ་སྡང་གིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར། གཏི་མུག་གིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར་ཏེ། སེམས་ཅན་དེ་དག་ཐམས་ཅད་ཆོས་སྤྱོད་པ་དང་ལྡན་ཞིང་ཆོས་ལ་དད་པ་རྙེད་པར་
D132.055.0283b05.01འགྱུར་རོ། །བློ་གྲོས་བརྟན་པ་དེ་བཞིན་གཤེགས་པ་འོད་དྲི་མ་མེད་པར་གྲགས་པའི་རྒྱལ་པོའི་ཚེའི་ཚད་ནི་བསྐལ་པ་བར་མ་བཅུའི་ཚད་དུ་འགྱུར་རོ། །སེམས་ཅན་རྣམས་ནི་ཐེག་པ་གསུམ་གྱིས་ངེས་པར་འབྱུང་བར་འགྱུར་རོ། །དེ་ན་བྱང་ཆུབ་སེམས་དཔའ་དཔའ་བར་འགྲོ་བའི་ཏིང་ངེ་འཛིན་ཐོབ་
D132.055.0283b06.01པ་དང་། ཆོས་ཐམས་ཅད་ལ་རྣམ་པར་འཕྲུལ་པ་དང་ལྡན་པ་ནི་ཚད་མེད་པར་འགྱུར་རོ། །བློ་གྲོས་བརྟན་པ་དེའི་ཚེ་དེའི་དུས་ན་གང་བདུད་དང་། བདུད་ཀྱི་རིས་ཀྱི་ལྷ་འབྱུང་བ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པར་འགྱུར། སེམས་ཅན་ཐམས་ཅད་ལ་སྙིང་
D132.055.0283b07.01