完整藏文原文 · 德格版页 当前仅加载第 55 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་གཞན་དུ་ཡང་ཆོས་ཀྱི་འཁོར་ལོ་སྐོར་ལ། འདིར་ཡང་བྱང་ཆུབ་སེམས་དཔར་གྱུར་པར་སྣང་ངོ་། །དེའི་ཚེ་ཚངས་པ་དེས་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཏིང་ངེ་འཛིན་གང་ལ་གནས་ན་འདི་འདྲ་བའི་རྣམ་པར་འཕྲུལ་པར་འགྱུར། དེ་དག་གིས་སྨྲས་པ།
D132.055.0276b01.01ཚངས་པ་འདི་ནི་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ལོ། །རིགས་ཀྱི་བུ་དེའི་ཚེ་བདག་འདི་སྙམ་དུ་སེམས་ཏེ། རིགས་ཀྱི་བུ་འདི་ལྟར་འདོད་པ་ལ་ཡང་ཡོངས་སུ་སྤྱོད་ཅིང་རྒྱལ་སྲིད་ཀྱང་ཡོངས་སུ་སྡུད་ལ་ཏིང་ངེ་འཛིན་ཀྱང་ཐོབ་པ་ནི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྩལ་ངོ་
D132.055.0276b02.01མཚར་ཏོ་སྙམ་མོ། །རིགས་ཀྱི་བུ་བདག་གིས་དེ་ཐོས་ནས་བྱང་ཆུབ་སེམས་དཔའ་ལ་ཤིན་ཏུ་སྟོན་པར་འདུ་ཤེས་མངོན་པར་བཞག་གོ། །བདག་གིས་དད་པ་ཡང་རྙེད་ནས་བདག་གིས་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། བདག་ཀྱང་
D132.055.0276b03.01ཡེ་ཤེས་དང་། ཡོན་ཏན་གྱི་ཆོས་འདི་ལྟ་བུ་དང་ལྡན་པར་གྱུར་ཅིག་ཅེས་བགྱིས་སོ། །རིགས་ཀྱི་བུ་འདི་ལ་ནི་བདག་ཕྱོགས་ཙམ་ཞིག་མངོན་དུ་གྱུར་གྱི། དཔའ་བར་འགྲོ་བའི་ཏིང་ངེ་འཛིན་འདིའི་ཡོན་ཏན་གྱི་བྱེ་བྲག་ནི་བསམ་གྱིས་མི་ཁྱབ་བོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་
D132.055.0276b04.01དཔའ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་སྦེད་པའི་ལྷག་པའི་བསམ་པ་བསྟན་པ་ནི་ངོ་མཚར་ཏེ། དེ་ནི་དགེ་བའི་བཤེས་གཉེན་བཅོམ་ལྡན་འདས་ཀྱིས་ཡོངས་སུ་ཟིན་པས་འདི་ལྟ་སྟེ་དཔེར་ན། ད་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D132.055.0276b05.01རྫོགས་པའི་སངས་རྒྱས་རྣམ་པར་འཕྲུལ་པ་བཞིན་དུ་བཅོམ་ལྡན་འདས་ལྷའི་བུ་སྦེད་པ་འདི་ཡང་རིང་པོ་མི་ཐོགས་པར་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་ཏེ་རྣམ་པར་འཕྲུལ་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །དེ་ནས་བཅོམ་ལྡན་འདས་ལ་
D132.055.0276b06.01བྱང་ཆུབ་སེམས་དཔའ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་འདི་ན་བྱང་ཆུབ་སེམས་དཔའ་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་གང་ལ་ལ་དག་འདུས་པ་མཆིས་སམ། དེ་ནས་འཁོར་དེ་ན་ལྷའི་བུ་སངས་རྒྱས་བློ་གྲོས་མངོན་སུམ་ཞེས་བྱ་བ་འདུས་
D132.055.0276b07.01