完整藏文原文 · 德格版页 当前仅加载第 55 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་སེམས་དཔའི་ཚིག་{བླ་དགས་,བླ་དྭགས་}སོ། །བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་དེ་ལ་ནི་ཕ་རོལ་ཏུ་ཕྱིན་པ་དྲུག་པོ་འདི་དག་མ་བསྟན་པར་ཚེ་རབས་ཐམས་ཅད་དུ་རྟག་ཏུ་འཇུག་པར་འགྱུར་རོ། །གོམ་པ་འདོར་བ་ཐམས་ཅད་ལ་ཡང་
D132.055.0270b01.01ཕ་རོལ་ཏུ་ཕྱིན་པ་དྲུག་པོ་འདི་དག་འཇུག་པར་འགྱུར་རོ། །དབུགས་རྔུབ་པ་དང་། འབྱུང་བ་ཐམས་ཅད་ལ་ཡང་ཕ་རོལ་ཏུ་ཕྱིན་པ་དྲུག་པོ་འདི་དག་འཇུག་པར་འགྱུར་རོ། །སེམས་བསྐྱེད་ཅིང་སེམས་བསྐྱེད་པ་ཐམས་ཅད་ལ་ཡང་ཕ་རོལ་ཏུ་ཕྱིན་པ་དྲུག་པོ་འདི་དག་འཇུག་པར་འགྱུར་རོ། །དེ་ཅིའི་
D132.055.0270b02.01ཕྱིར་ཞེ་ན། འདི་ལྟར་བློ་གྲོས་བརྟན་པ་བྱང་ཆུབ་སེམས་དཔའ་དེའི་ལུས་ནི་ཆོས་ཀྱི་རང་བཞིན་ནོ། །གནས་པ་ནི་ཆོས་ཀྱི་རང་བཞིན་ནོ། །བློ་གྲོས་བརྟན་པ་འདི་ལྟ་སྟེ། དཔེར་ན་རྒྱལ་པོ་འམ། བློན་པོས་ཡན་ལག་གི་ཚོགས་འབུམ་དང་ལྡན་པའི་སྤོས་ཀྱི་ཕྱེ་མ་བཏགས་པ་རྡུལ་ལྟ་བུ་ཞིབ་མོར་
D132.055.0270b03.01བྱས་པ་སྦྱར་བ་ལས་མི་ལ་ལ་ཞིག་འོངས་ཏེ། ཀྱེ་ལྷ་སྤོས་ཀྱི་ཕྱེ་མའི་ཚོགས་སྦྱར་བ་འདི་ལས་སྤོས་གཞན་དང་མ་འབགས་པ། སྤོས་གཞན་དང་མ་འདྲེས་པའི་ཡན་ལག་གཅིག་ཅིག་བླང་བར་འཚལ་ལོ་ཞེས་དེ་སྐད་ཟེར་ན། བློ་གྲོས་བརྟན་པ་དེ་ཇི་སྙམ་དུ་སེམས། སྤོས་ཀྱི་ཕྱེ་མ་སྦྱར་
D132.055.0270b04.01བ་དེ་ལས་སྤོས་གཞན་དང་མ་འབགས་པ། སྤོས་གཞན་དང་མ་འདྲེས་པའི་ཡན་ལག་གཅིག་བླང་བར་ནུས་སམ། གསོལ་པ། བཅོམ་ལྡན་འདས་དེ་ནི་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་བརྟན་པ་དེ་བཞིན་དུ་བྱང་ཆུབ་སེམས་དཔའ་དེའི་ལུས་ཡུན་རིང་
D132.055.0270b05.01པོ་ནས་ཕ་རོལ་ཏུ་ཕྱིན་པ་ཐམས་ཅད་ཀྱིས་བསྒོས་པ་དང་། ཕ་རོལ་ཏུ་ཕྱིན་པ་ཐམས་ཅད་ཀྱིས་བསྒོས་པའི་སེམས་དང་། སེམས་ལས་བྱུང་བ་ཐམས་ཅད་འབྱུང་བར་འགྱུར་ཏེ། དེའི་སེམས་བསྐྱེད་ཅིང་སེམས་བསྐྱེད་པ་ཐམས་ཅད་ལ་ཕ་རོལ་ཏུ་ཕྱིན་པ་དྲུག་པོ་དག་འབྱུང་བར་འགྱུར་རོ། །
D132.055.0270b06.01བློ་གྲོས་བརྟན་པ་ཇི་ལྟར་ན་བྱང་ཆུབ་སེམས་དཔའ་དེའི་སེམས་བསྐྱེད་པ་ཐམས་ཅད་ལ་ཕ་རོལ་ཏུ་ཕྱིན་པ་དྲུག་པོ་དག་འབྱུང་བར་འགྱུར་ཞེ་ན། བློ་གྲོས་བརྟན་པ་འདི་ལྟར་གང་སེམས་ཀྱིས་བཏང་བ་དང་། སྤངས་པ་དང་། མངོན་པར་མ་ཞེན་པ་དེ་ནི་དེའི་སྦྱིན་པའི་ཕ་རོལ་ཏུ་ཕྱིན་པའོ། །
D132.055.0270b07.01