完整藏文原文 · 德格版页 当前仅加载第 55 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་བོ། །བློ་གྲོས་བརྟན་པ་དེ་ལ་དཔའ་བར་འགྲོ་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ། ནམ་མཁའི་ཁམས་བཞིན་དུ་སེམས་བསྐྱེད་པ་ཤིན་ཏུ་ཡོངས་སུ་སྦྱང་བ་བྱས་པ་དང་། སེམས་ཅན་ཐམས་ཅད་ཀྱི་སེམས་ལ་རྟོག་པ་མངོན་སུམ་དུ་གྱུར་པ་དང་། སེམས་ཅན་ཐམས་ཅད་ཀྱི་དབང་པོ་
D132.055.0260b01.01མཆོག་དང་། མཆོག་མ་ཡིན་པ་ཤེས་པ་དང་། གནས་དང་གནས་མ་ཡིན་པ་ལ་རྣམ་པར་ལྟ་བ་མངོན་སུམ་དུ་གྱུར་པ་དང་། ལས་རྣམ་པར་འབྱེད་པ་ཐམས་ཅད་ལ་ལས་ཀྱི་རྣམ་པར་སྨིན་པ་ལ་འཇུག་པ་ཤེས་པ་དང་། མོས་པ་སྣ་ཚོགས་ལ་འཇུག་པ་མི་བརྗེད་པ་དང་། ཁམས་སྣ་ཚོགས་
D132.055.0260b02.01དང་། ཁམས་དུ་མ་དག་མངོན་སུམ་དུ་གྱུར་པ་དང་། ཚངས་པའི་དབྱངས་དང་། ཏིང་ངེ་འཛིན་གྱིས་རྣམ་པར་རྩེ་བ་དང་། རྡོ་རྗེ་ལྟ་བུའི་ཏིང་ངེ་འཛིན་མཐོང་ཞིང་ཤེས་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་གཅིག་ཏུ་གྱུར་པ་དང་། ཐམས་ཅད་དུ་འགྲོ་བའི་ལམ་
D132.055.0260b03.01ཤེས་པས་རྣམ་པར་ལྟ་བ་དང་། སྔོན་གྱི་གནས་རྗེས་སུ་དྲན་པའི་ཤེས་པ་ལ་སྒྲིབ་པ་མེད་པ་དང་། ལྷའི་མིག་ཐོགས་པ་མེད་པས་མཐོང་བ་དང་། ཟག་པ་ཟད་པར་བྱ་བ་དང་། སྤང་བར་བྱ་བའི་ཕྱིར་དུས་གཅིག་ཏུ་འཐོབ་པ་ཤེས་པ་དང་། གཟུགས་དང་གཟུགས་མེད་པའི་མཉམ་པ་ཉིད་ལ་
D132.055.0260b04.01འཇུག་པ་ཤེས་པ་དང་། གཟུགས་ཐམས་ཅད་སྟོན་ཅིང་རྣམ་པར་འཕྲུལ་པས་རྣམ་པར་རྩེ་བ་དང་། སྒྲ་སྐད་ཐམས་ཅད་བྲག་ཅའི་སྒྲ་དང་མཉམ་པ་དང་། དབྱངས་ཀྱི་ཡན་ལག་རྣམ་པར་དག་པ་དང་། གཟུངས་ལ་འཇུག་པ་ཤེས་པ་དང་། སེམས་ཅན་ཐམས་ཅད་ལེགས་པར་བཤད་པས་
D132.055.0260b05.01ཚིམ་པར་བྱེད་པ་དང་། སོ་སོ་ཅི་རིགས་པར་ཆོས་འཆད་པ་དང་། དུས་དང་དུས་མ་ཡིན་པ་ལ་རྣམ་པར་ལྟ་བ་དང་། དབང་པོ་འགྱུར་བ་ཤེས་པ་དང་། ཆོས་འཆད་པ་དོན་མེད་པ་མ་ཡིན་པ་དང་། ཡང་དག་པའི་མཐའ་ལ་འཇུག་པ་ཤེས་པ་དང་། སེམས་ཅན་ཐམས་ཅད་རབ་ཏུ་གཟུང་
D132.055.0260b06.01བ་དང་། ཚར་གཅད་པ་ལ་མཁས་པ་ཤེས་པ་དང་། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པ་དང་། སྤྱོད་ལམ་མ་བརྟགས་པ་དང་། རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ཐམས་ཅད་ཡང་དག་པར་བཅོམ་པ་དང་། ཆོས་ཀྱི་དབྱིངས་ཐ་མི་དད་
D132.055.0260b07.01