完整藏文原文 · 德格版页 当前仅加载第 55 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་ན་མི་རྣམས་ཀྱི་ཚེའི་ཚད་ནི་ལོ་འབུམ་ཚང་བར་གྱུར་ཏེ། མ་ཚང་བར་འགའ་ཡང་འཆི་བའི་དུས་བྱེད་པ་མེད་དོ། །འཇམ་དཔལ་གྲོང་ཁྱེར་འབྱུང་བ་མེད་ཅེས་བྱ་བ་དེར་རྒྱལ་པོ་རྣམ་པར་རྒྱལ་བ་ཞེས་བྱ་བ་ཞིག་བྱུང་སྟེ། འཇམ་དཔལ་རྒྱལ་པོ་རྣམ་པར་རྒྱལ་བ་ཞེས་
D132.055.0315b01.01བྱ་བ་དེ་ལ་བུ་སྟོང་ཡོད་པར་གྱུར་ཏོ། །ཡང་འཇམ་དཔལ་རྒྱལ་པོ་རྣམ་པར་རྒྱལ་བ་ཞེས་བྱ་བ་བུ་སྟོང་དང་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་ཆོས་ཏ་ལ་ལའི་སྒྲོན་མ་ཉན་ཐོས་ཀྱི་དགེ་འདུན་དང་བཅས་པ་ལ་ན་བཟའ་དང་། བཤོས་དང་། མལ་སྟན་དང་། ན་
D132.055.0315b02.01བའི་གསོས་སྨན་དང་། ཡོ་བྱད་རྣམས་ཀྱིས་བསྙེན་བཀུར་བྱས་པར་གྱུར་ཏོ། །བདེ་བའི་ཡོ་བྱད་ཐམས་ཅད་ཀྱིས་ཀྱང་བཀུར་སྟིར་བྱས་པར་གྱུར། བླ་མར་བྱས་པར་གྱུར། བསྟི་སྟང་བྱས་པར་གྱུར། རིམ་གྲོ་བྱས་པར་གྱུར། མཆོད་པ་བྱས་པར་གྱུར་ཏོ། །འཇམ་
D132.055.0315b03.01དཔལ་དེ་ནས་རྒྱལ་པོ་རྣམ་པར་རྒྱལ་བ་བུ་སྟོང་དང་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་ཆོས་ཏ་ལ་ལའི་སྒྲོན་མ་ལ་ཆོས་ཀྱི་རྣམ་གྲངས་འདི་ཀུན་ཞུས་པར་གྱུར་ཏོ། །དེ་བཞིན་གཤེགས་པ་དེས་ཀྱང་དེའི་ལྷག་པའི་བསམ་པ་མཁྱེན་ནས་ཆོས་ཀྱི་རྣམ་གྲངས་འདི་བཤད་པར་
D132.055.0315b04.01གྱུར་ཏེ། ཐོས་མ་ཐག་ཏུ་རྒྱལ་པོ་རྣམ་པར་རྒྱལ་བ་དེ་བུ་སྟོང་དང་ལྷན་ཅིག་ཏུ་ཆོས་ཤེས་པར་གྱུར་ཏོ། །ཆོས་ཀྱི་རྣམ་གྲངས་འདི་ཐོས་ནས་སྤོབས་པ་རྒྱུན་མི་འཆད་པ་ཐོབ་པར་གྱུར་ཏོ། །འཇམ་དཔལ་དེ་ལྟ་བས་ན་ད་ལྟར་རམ། དེ་བཞིན་གཤེགས་པ་འདས་ཀྱང་རུང་སྟེ། རིགས་
D132.055.0315b05.01ཀྱི་བུའམ། རིགས་ཀྱི་བུ་མོ་གང་ལ་ལ་སྤོབས་པ་རྒྱུན་མི་འཆད་ཅིང་སྤོབས་པ་ཐོགས་པ་མེད་པ་འདི་འདོད་པ་དེས་ཟབ་པ་ཆགས་པ་མེད་པ་འདི་འདྲ་བའི་གནས་ཀྱི་ཆོས་ལ་བརྩོན་པར་བྱ། བསླབ་པར་བྱའོ། །ཆོས་ཀྱི་ཚིག་ཟབ་མོ་འདི་ལྟ་བུ་གཟུང་བར་བྱའོ། །ཀུན་ཆུབ་པར་
D132.055.0315b06.01བྱའོ། །ཁ་དོན་དུ་བྱའོ། །ཆོས་ཟབ་མོའི་རྣམ་གྲངས་འདི་ལྟ་བུ་ཀུན་ཆུབ་པར་བྱས་ནས་གཞན་ལ་ཡང་བསྟན་པར་བྱའོ། །ཆོས་ཐམས་ཅད་ལ་སེར་སྣ་མེད་པར་བྱའོ། །དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་
D132.055.0315b07.01