完整藏文原文 · 德格版页 当前仅加载第 55 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
སླར་ཡང་ལོག་ནས་འདྲོན་པ་ཕལ་པོ་ཆེ་གཞན་དག་ཀྱང་སྒྲོལ་ལོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཡང་ཇི་ལྟ་བུའི་ཐེག་པའི་ལམ་ལ་གནས་པའི་སེམས་ཅན་དཔག་ཏུ་མེད་པ་དག་ལ་ལམ་སྟོན་
D132.055.0268a01.01ཏེ། ཉན་ཐོས་ཀྱི་ཐེག་པའི་ལམ་ལ་གནས་པའི་སེམས་ཅན་དག་ལ་ནི་ཉན་ཐོས་ཀྱི་ཐེག་པའི་ལམ་སྟོན། རང་སངས་རྒྱས་ཀྱི་ཐེག་པའི་ལམ་ལ་གནས་པའི་སེམས་ཅན་དག་ལ་ནི་རང་སངས་རྒྱས་ཀྱི་ཐེག་པའི་ལམ་སྟོན། སངས་རྒྱས་ཀྱི་ཐེག་པའི་ལམ་ལ་གནས་པའི་སེམས་ཅན་
D132.055.0268a02.01དག་ལ་ནི་ཐེག་པ་ཆེན་པོའི་ལམ་སྟོན་ཏེ། ངེས་པར་འབྱུང་བ་དེ་དག་ལ་སོ་སོ་ཅི་རིགས་པར་ལམ་བསྟན་ནས་སླར་ལོག་སྟེ། སེམས་ཅན་གཞན་དག་ཀྱང་སྒྲོལ་བར་བྱེད་པས་དེའི་ཕྱིར་སྐྱེས་བུ་དམ་པ་དེ་ནི་ལམ་མཚོན་པ་ལྟ་བུ་ཞེས་བྱའོ། །བློ་གྲོས་བརྟན་པ་འདི་ལྟ་སྟེ། དཔེར་ན་གྲུ་ལེགས་
D132.055.0268a03.01པར་སྦྱར་བ་བྱས་པ་ནི་སེམས་ཅན་ཚད་མེད་པ་བསྒྲལ་བའི་ཕྱིར། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་ཞིང་བསྒྲལ་ནས། སེམས་ཅན་གཞན་བསྒྲལ་བའི་ཕྱིར་སླར་ཡང་ཕ་རོལ་གྱི་འགྲམ་ནས་ཚུ་རོལ་གྱི་འགྲམ་དུ་འོང་ངོ་། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་
D132.055.0268a04.01བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཡང་འཁོར་བའི་རྒྱུན་ལ་གནས་པའི་ཆུ་བོ་བཞིས་དེད་པའི་སེམས་ཅན་དག་མཐོང་ནས་དེ་དག་འཁོར་བའི་རྒྱུན་ལས་བསྒྲལ་བའི་ཕྱིར་སེམས་ཅན་དེ་དག་ཇི་ལྟར་མོས་པ་བཞིན་དུ་མྱ་ངན་ལས་འདའ་བ་སྟོན་པར་བྱེད་དེ། དཔའ་བར་
D132.055.0268a05.01འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་དེ་གལ་ཏེ་ཉན་ཐོས་ཀྱི་ཐེག་པས་འདུལ་བའི་སེམས་ཅན་དག་མཐོང་ན། དེ་དག་ཡོངས་སུ་མྱ་ངན་ལས་བཟླ་བའི་ཕྱིར། དེ་ཡང་དེ་དག་དང་ལྷན་ཅིག་ཏུ་ཡོངས་སུ་མྱ་ངན་ལས་ཀྱང་འདའ་ལ། དེ་དཔའ་བར་འགྲོ་བའི་ཏིང་ངེ་
D132.055.0268a06.01འཛིན་འདི་ཉིད་ཀྱི་སྟོབས་བསྐྱེད་པས་སླར་སྐྱེ་བར་ཡང་སྟོན་ཏོ། །དེ་གལ་ཏེ་རང་སངས་རྒྱས་ཀྱི་ཐེག་པས་འདུལ་བའི་སེམས་ཅན་དག་མཐོང་ན། དེ་དག་ཡོངས་སུ་མྱ་ངན་ལས་བཟླ་བའི་ཕྱིར་དེ་ཡང་དེ་དག་དང་ལྷན་ཅིག་ཏུ་ཡོངས་སུ་མྱ་ངན་ལས་ཀྱང་འདའ་ལ། དེ་དཔའ་བར་
D132.055.0268a07.01