完整藏文原文 · 德格版页 当前仅加载第 55 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། གདན་ཇི་ལྟར་བཤམས་པ་ཉིད་ལ་བཞུགས་ནས་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་སེམས་ཅན་རྣམས་ཀྱི་དགེ་བའི་རྩ་བ་སྤེལ་བའི་ཕྱིར་དེ་བཞིན་གཤེགས་པ་རྣམས་མཐོང་བའི་ཆོ་འཕྲུལ་དེ་བཞིན་གཤེགས་པས་བསྟན་ཏོ། །བློ་གྲོས་
D132.055.0308a01.01བརྟན་པ་དེ་བཞིན་གཤེགས་པ་མཐོང་བའི་ཆོ་འཕྲུལ་འདིས་ལྷ་དང་མི་བརྒྱད་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཡང་དཔའ་བར་འགྲོ་བའི་ཏིང་ངེ་འཛིན་འདིའི་མཐར་ཕྱིན་པ་དང་། མུར་ཐུག་པ་བསྟན་པ་བཤད་པའི་ཚེ་བྱང་ཆུབ་སེམས་དཔའ་བློ་གྲོས་བརྟན་པས་
D132.055.0308a02.01དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་གྱུར་ཏོ། །བྱང་ཆུབ་སེམས་དཔའ་གཞན་ལྔ་བརྒྱས་ཀྱང་དཔའ་བར་འགྲོ་བའི་ཏིང་ངེ་འཛིན་འདི་ཐོབ་མ་ཐག་ཏུ་ཕྱོགས་བཅུར་སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་ཡང་མཐོང་བར་གྱུར་ཏོ། །ཆོས་ཐམས་ཅད་ཀྱི་ཚུལ་ལ་འཇུག་པ་ལ་ཡང་སྣང་བ་
D132.055.0308a03.01ཐོབ་པར་གྱུར་ཏོ། །ས་བཅུ་པ་ཡང་ཐོབ་ཅིང་སངས་རྒྱས་ཀྱི་ཆོས་ཐམས་ཅད་ལ་དབང་བསྐུར་བ་ཡང་ཐོབ་བོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །སྣང་བ་ཆེན་པོས་ཀྱང་ཁྱབ་པར་གྱུར་ཏོ། །སྟེང་གི་བར་སྣང་ལ་ལྷའི་སིལ་སྙན་བརྒྱ་སྟོང་དག་ཀྱང་
D132.055.0308a04.01དཀྲོལ་བར་གྱུར་ཏོ། །མེ་ཏོག་གི་ཆར་ཡང་བབ་བོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་དཔའ་བར་འགྲོ་བའི་ཏིང་ངེ་འཛིན་ལོང་ཤིག །ཟུང་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་
D132.055.0308a05.01ཤོད་ཅིག །དེ་ནས་བཅོམ་ལྡན་འདས་ལ་བརྒྱ་བྱིན་རི་རབ་ལྷུན་པོ་རྩེ་མོ་འཛིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་ལགས། གནས་བརྟན་ཀུན་དགའ་བོ་དྲན་པའི་ཡེ་ཤེས་ཕྱོགས་གཅིག་པ་དང་ལྡན་པ། ཕ་རོལ་གྱི་སྒྲའི་རྗེས་སུ་མཆིས་པ་ལ་དཔའ་བར་འགྲོ་བའི་ཏིང་ངེ་འཛིན་
D132.055.0308a06.01དཀོན་མཆོག་འདི་གཏད་པར་མཛད་དམ། བཅོམ་ལྡན་འདས་བདག་གི་བདེན་པའི་ཚིག་གི་བདེན་པ་གང་གིས་དཔའ་བར་འགྲོ་བའི་ཏིང་ངེ་འཛིན་འདི་ད་ལྟར་དང་ཕྱི་མའི་ཚེ་ལྔ་བརྒྱ་པ་ཐ་མ་ལ་རྒྱས་པར་བགྱིད་པའི་བདེན་པའི་ཚིག་གི་བདེན་པ་དེས་བྱ་རྒོད་ཀྱི་ཕུང་པོའི་རིའི་ཁོ་ར་ཁོར་ཡུག་ན་ཤིང་
D132.055.0308a07.01