完整藏文原文 · 德格版页 当前仅加载第 55 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་པ་དག་ནི་ཚད་མེད་པས། །ཐོས་པ་རྒྱ་མཚོ་ཐོབ་པར་འགྱུར། །ཐོས་པ་ཚོལ་བས་ངོམས་པ་མེད། །འཇིག་རྟེན་ཆོས་དང་འཐུན་འཇུག་པ། །འཇིག་རྟེན་གྱིས་ནི་མི་གོས་ཏེ། །མཚེའུའི་པད་མ་ཇི་བཞིན་ནོ། །དེ་ནི་སྔ་དྲོ་གཅིག་ཏུ་ཡང་། །བསྐལ་པ་མང་པོ་སྟོན་པར་བྱེད། །བདག་ནི་གླེན་པ་
D132.055.0264b01.01ལྐུགས་པ་ཡི། །དབྱིབས་དག་ཏུ་ནི་སྟོན་པར་བྱེད། །ལག་ན་རྡོ་རྗེ་སྟོང་དག་དང་། །འགྲོགས་ཤིང་སེམས་ཅན་སྨིན་པར་བྱེད། །རང་བྱུང་བ་ནི་རྟག་ཏུ་ཤེས། །དེ་ཉིད་ལ་ནི་རྟོག་པར་བྱེད། །བསྐལ་པ་བསམ་གྱིས་མི་ཁྱབ་པའི། །ཚེ་ནི་སྐད་ཅིག་གཅིག་ལ་སྟོན། །དེ་ནི་ཉན་ཐོས་རང་རྒྱལ་གྱི། །
D132.055.0264b02.01བྱེད་པ་དག་ཀྱང་སྟོན་པར་བྱེད། །བྱང་ཆུབ་སེམས་དཔའི་སྤྱོད་པ་ལ། །རྟག་པ་ཁོ་ནར་རྗེས་སུ་འཇུག །སེམས་ཀྱིས་རྟག་ཏུ་ཞི་བ་དང་། །ཉེ་བར་ཞི་ཞིང་ཕུང་པོ་མེད། །སེམས་ཅན་དགའ་བར་བྱེད་པ་ཡི། །སིལ་སྙན་དཀྲོལ་བ་ཀུན་ཀྱང་ཤེས། །སངས་རྒྱས་རྣམས་ལ་ཕྱག་འཚལ་དང་། །
D132.055.0264b03.01བསྙེན་བཀུར་བྱ་བ་གཏོང་མི་བྱེད། །མཐོང་བ་དང་ནི་ཐོས་པ་ཡིས། །སེམས་ཅན་མང་པོ་སྨིན་པར་བྱེད། །སྐད་ཅིག་ཏུ་ནི་སྣ་ཚོགས་པའི། །སེམས་ཅན་དག་ནི་སྟོན་པར་བྱེད། །དཔའ་བོ་ལ་ལར་བཙས་པ་དང་། །མངོན་པར་འབྱུང་དང་འཆི་བ་སྟོན། །ལ་ལར་ཡོངས་སུ་མྱ་ངན་འདའ། །ལ་ལར་
D132.055.0264b04.01འཁོར་ལོ་བསྐོར་བའོ། །ལ་ལར་བདུད་རྣམས་རབ་ཏུ་འཇོམས། །ལ་ལར་དཀའ་བ་སྤྱོད་བྱེད་ཀྱང་། །སེམས་ཅན་ཐར་པར་བྱ་བའི་ཕྱིར། །ཤིན་ཏུ་མྱ་ངན་མི་འདའོ། །དཔའ་བར་འགྲོ་བའི་ཏིང་འཛིན་གྱི། །ཡུལ་ནི་འདི་འདྲ་འདི་ཡིན་ཏེ། །གང་གིས་ཏིང་འཛིན་དེ་ཐོབ་པ། །དྲི་མེད་དེ་ལྟར་
D132.055.0264b05.01རྣམ་པར་རྩེ། །བློ་གྲོས་བརྟན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་ཅེས་བྱ་སྟེ། དེ་ཡང་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ཡིན་ནོ། །གཞན་དག་ཀྱང་དཔག་ཏུ་མེད་པ་ཡོད་དོ། །བློ་གྲོས་བརྟན་པ་དེ་ལྟར་ན་དཔའ་བར་འགྲོ་བའི་ཏིང་ངེ་འཛིན་ནི་ཚད་མེད་པ་བསྟན་པའོ། །སངས་རྒྱས་ཐམས་
D132.055.0264b06.01ཅད་ཀྱི་སྤྱོད་ཡུལ་དང་ཡུལ་བཀོད་པ་སྟོན་པའོ། །སེམས་ཅན་ཐམས་ཅད་ཉེ་བར་འཚོ་བའོ། །འགྲོ་བ་ཐམས་ཅད་ལ་ཕན་འདོགས་པའོ། །བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ནི་བཤད་པ་གཅིག་ཏུ་མི་བལྟ། སྤྱོད་ཡུལ་གཅིག་ཏུ་མ་ཡིན། རྣམ་པ་གཅིག་ཏུ་མ་ཡིན། དམིགས་པ་
D132.055.0264b07.01