完整藏文原文 · 德格版页 当前仅加载第 55 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་དེ་བཞིན་དུ་སྐྱེས་བུ་དམ་པ་བསམ་གྱིས་མི་ཁྱབ་པའི་ཆོས་དང་ལྡན་པ་འདི་དག་ནི་ཇི་ལྟ་ཇི་ལྟར་བརྟགས་པ་དེ་ལྟ་དེ་ལྟར་བསམ་གྱིས་མི་ཁྱབ་པའི་ཆོས་སྟོན་པར་བགྱིད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་རྒྱལ་བའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་
D132.055.0306a01.01ལྡན་འདས་བདག་ཇི་ལྟར་སེམས་པ་ལྟར་ན། གང་དཔའ་བར་འགྲོ་བའི་ཏིང་ངེ་འཛིན་འདིའི་ཚར་ཕྱིན་པ་དེ་ནི་ཉན་ཐོས་ཀྱི་ཐེག་པ་ཚར་ཕྱིན། དེ་ནི་རང་སངས་རྒྱས་ཀྱི་ཐེག་པ་ཚར་ཕྱིན། དེ་ནི་ཐེག་པ་ཆེན་པོ་ཚར་ཕྱིན་པ་ལགས་པ་སྙམ་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་
D132.055.0306a02.01དེ་དེ་བཞིན་ཏེ། གང་དཔའ་བར་འགྲོ་བའི་ཏིང་ངེ་འཛིན་འདི་ཚར་ཕྱིན་པ་དེ་ནི་འབྱུང་བའི་ལམ་ཐམས་ཅད་ཚར་ཕྱིན་ཏོ། །དེ་ནས་གནས་བརྟན་འོད་སྲུང་ཆེན་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་
D132.055.0306a03.01ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཇི་ལྟར་བཀའ་སྩལ་པའི་དོན་བདག་གིས་འཚལ་ཅིང་བདག་སེམས་པ་ལྟར་ན། འཇམ་དཔལ་གཞོན་ནུར་གྱུར་པས་ནི་སྔོན་སངས་རྒྱས་ཀྱི་མཛད་པ་བགྱིས། སྔོན་བྱང་ཆུབ་ཀྱི་
D132.055.0306a04.01སྙིང་པོ་བསྟན། སྔོན་ཆོས་ཀྱི་འཁོར་ལོ་བསྐོར། སྔོན་ཡོངས་སུ་མྱ་ངན་ལས་འདས་པ་བསྟན་པ་སྙམ་བགྱིད་དོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། འཇམ་
D132.055.0306a05.01དཔལ་གཞོན་ནུར་གྱུར་པས་ནི་སྔོན་སངས་རྒྱས་ཀྱི་བྱ་བ་བྱས། སྔོན་བྱང་ཆུབ་ཀྱི་སྙིང་པོ་བསྟན། སྔོན་ཆོས་ཀྱི་འཁོར་ལོ་བསྐོར། སྔོན་ཡོངས་སུ་མྱ་ངན་ལས་འདའ་བར་བསྟན་ཏོ། །འོད་སྲུང་སྔོན་བྱུང་བ་འདས་པའི་དུས་བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡངས་
D132.055.0306a06.01པ། ཚད་མེད་པ། བསམ་གྱིས་མི་ཁྱབ་པ་དེའི་ཕ་རོལ་གྱི་ཡང་ཆེས་ཕ་རོལ་ཏུ་ཕྱིན་པ་དེའི་ཚེ་དེའི་དུས་ན། ལྷོ་ཕྱོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་སུམ་སྟོང་འདས་པ་ན་འཇིག་རྟེན་གྱི་ཁམས་མཉམ་པ་ཞེས་བྱ་བ་རི་དང་རྡོ་མེད་པ། བོང་བ་དང་། གྱོ་མོ་དང་།
D132.055.0306a07.01