完整藏文原文 · 德格版页 当前仅加载第 55 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཆོས་སུ་རྟོགས་པ་དང་། ཆོས་ཀྱི་ཚིག་རབ་ཏུ་དབྱེ་བ་ཐམས་ཅད་བསྟན་པ་ལ་མཁས་པ་ཤེས་པ་དང་། འགྲེ་བ་དང་འགྲེ་བ་མ་ཡིན་པ་ལ་མཁས་པ་ཤེས་པས་རྣམ་པར་དཔྱོད་པ་དང་། ཟུང་གི་རིམ་པ་དང་། སྣྲེལ་ཞིའི་རྒྱུད་བསྟན་པ་ཤེས་པ་དང་། བདུད་ཀྱི་ལས་ཐམས་ཅད་ལས་ཡང་
D132.055.0261b01.01དག་པར་འདའ་བ་ཤེས་པ་དང་། ཐབས་ཆེན་པོ་ལ་མཁས་པས་ཤེས་རབ་དང་། ཡེ་ཤེས་ཀྱི་འོད་ཟེར་གཏོང་བ་དང་། ལུས་དང་། ངག་དང་། ཡིད་ཀྱི་ལས་ཡེ་ཤེས་སྔོན་དུ་འགྲོ་བ་དང་། མངོན་པར་འདུ་མི་བྱེད་པའི་རྫུ་འཕྲུལ་མངོན་དུ་གྱུར་ཅིང་ཐོབ་པ་དང་། སོ་སོ་ཡང་དག་པར་རིག་པ་
D132.055.0261b02.01བཞིས་སེམས་ཅན་གྱི་ཁམས་ཐམས་ཅད་ཚིམ་པར་བྱེད་པ་དང་། ཆོས་ཀྱི་དབྱིངས་ཐམས་ཅད་ཀྱིས་ཀླས་པར་རྣམ་པར་འཕྲུལ་པ་སྟོན་པ་དང་། བསྡུ་བའི་དངོས་པོ་བཞིས་སེམས་ཅན་ཐམས་ཅད་ཡོངས་སུ་འཛིན་པ་དང་། འཇིག་རྟེན་གྱི་ཁམས་ཐམས་ཅད་དུ་སེམས་ཅན་གྱི་ཐ་སྙད་
D132.055.0261b03.01ཐམས་ཅད་རྟོགས་པ་དང་། སྒྱུ་མ་ལྟ་བུའི་ཆོས་སྒྲུབ་པ་ལ་ཐེ་ཚོམ་མེད་པ་དང་། སྐྱེ་བ་ཐམས་ཅད་ལ་དབང་ཐོབ་པ་ཡོངས་སུ་རྫོགས་པ་དང་། ཡོ་བྱད་ལ་དབང་ཐོབ་པ་དང་། སེམས་ཅན་ཐམས་ཅད་བསམ་པ་བཞིན་དུ་ཚིམ་པར་བྱེད་པ་དང་། ཚུལ་ཁྲིམས་འཆལ་པ་དང་། ཚུལ་ཁྲིམས་
D132.055.0261b04.01དང་ལྡན་པ་ལ་སྦྱིན་གནས་སུ་སེམས་མཉམ་པ་དང་། བྱང་ཆུབ་སེམས་དཔའི་གསང་བ་ཐམས་ཅད་ཐོབ་པ་དང་། འཇིག་རྟེན་གྱི་ཁམས་ཐམས་ཅད་དུ་འོད་ཟེར་གཏོང་བ་དང་། ཐམས་ཅད་མཁྱེན་པའི་རྒྱ་མཚོ་དུག་ཅན་པ་གཏིང་དཔག་དཀའ་བ་ཤེས་པ་དང་། སེམས་ས་དང་། ཆུ་དང་།
D132.055.0261b05.01མེ་དང་། རླུང་དང་། མཉམ་པ་དང་། ཚིག་བསྟན་པ་ཐམས་ཅད་ལ་ཆོས་ཀྱི་འཁོར་ལོ་སྐོར་བ་དང་། དེ་བཞིན་གཤེགས་པའི་ས་ལ་འཇུག་པ་དང་། མ་བསྟན་པར་རང་གིས་བཟོད་པ་དང་། ཡེ་ཤེས་ཐོབ་པ་དང་། རིན་པོ་ཆེ་ལྟ་བུའི་སེམས་བསྐྱེད་པས་ཀུན་ནས་ཉོན་མོངས་པ་ཐམས་
D132.055.0261b06.01ཅད་ཀྱི་དྲི་མས་མི་གོས་པ་དང་། སྤུ་གཅིག་གི་ཁུང་བུར་ཆུའི་ཕུང་པོ་ཐམས་ཅད་ཆུད་པར་བྱེད་ལ། ཆུ་ན་གནས་པའི་སེམས་ཅན་ལ་ཡང་གནོད་པར་མི་འགྱུར་བ་དང་། དགེ་བའི་རྩ་བ་ཚད་མེད་པའི་བསོད་ནམས་{སྩོགས་,སོགས་}པའི་སྙིང་པོ་ཡོངས་སུ་བསྔོ་བ་ལ་མཁས་པའི་བྱ་བ་ཤེས་པ་དང་།
D132.055.0261b07.01