完整藏文原文 · 德格版页 当前仅加载第 55 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །ཐོས་ནས་ཀྱང་ཁྱེད་ཀྱིས་སྐྲག་པར་མི་བྱ། དངང་བར་མི་བྱ། དངང་བར་འགྱུར་བར་མི་བྱ། ཐེ་ཙོམ་དུ་མི་བྱ། ནེམ་ནུར་དུ་མི་བྱའོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་གནས་པ་ཡང་བསམ་གྱིས་མི་ཁྱབ།
D132.055.0296b01.01དཔའ་བར་འགྲོ་བའི་ཏིང་ངེ་འཛིན་གྱི་སྤྱོད་པའི་ཡུལ་ལ་འཇུག་པ་ཡང་བསམ་གྱིས་མི་ཁྱབ་སྟེ། འཇམ་དཔལ་འཇིག་རྟེན་གྱི་ཁམས་སྒྲོན་མ་གཅིག་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་གྱི་ཆོས་ཐམས་ཅད་སྟོན་པར་སྣང་བ་རྣམ་པར་འཕྲུལ་པའི་རྒྱལ་པོ་
D132.055.0296b02.01དེ་བཞིན་གཤེགས་པ་ཆོས་སྟོན་པ་ནི་འཇམ་དཔལ་ང་ཉིད་ཡིན་ན། འཇིག་རྟེན་གྱི་ཁམས་སྒྲོན་མ་གཅིག་པ་ཞེས་བྱ་བ་དེ་ན་ཡོན་ཏན་གྱི་ཆོས་ཐམས་ཅད་སྟོན་པར་སྣང་བ་རྣམ་པར་འཕྲུལ་པའི་རྒྱལ་པོ་ཞེས་བྱ་བར་ཤེས་ཏེ། ང་ཉིད་ཀྱི་སངས་རྒྱས་ཀྱི་ཡུལ་དུ་འཇུག་གོ། །འཇམ་དཔལ་ང་ཉིད་དེ་ན་ཕྱིར་
D132.055.0296b03.01མི་ལྡོག་པའི་ཆོས་ཀྱི་འཁོར་ལོ་བསྐོར་རོ། །སངས་རྒྱས་ཀྱི་ཞིང་དེ་ནི་ང་ཉིད་ཀྱིས་སྔོན་ཡོངས་སུ་སྦྱངས་པའོ། །འཇམ་དཔལ་དེ་ལྟར་ན་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་དུ་ངའི་ཡུལ་ལ་འཇུག་གོ །དེར་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་མི་ཆུད་དོ། །གང་གི་ཕྱིར་བྱང་
D132.055.0296b04.01ཆུབ་སེམས་དཔའ་སངས་རྒྱས་ཀྱི་ཞིང་ཚད་མེད་པར་སེམས་ཅན་རྣམས་ལ་ཆོས་སྟོན་པར་ཡང་བྱེད་ལ། ཏིང་ངེ་འཛིན་འདི་དང་། ཆོས་ཀྱི་དབྱིངས་ལས་ཀྱང་མི་གཡོ་བ་འདི་ནི་འཇམ་དཔལ་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ཡིན་ནོ། །འཇམ་དཔལ་འདི་ལྟ་སྟེ། དཔེར་ན་ཉི་མའི་དཀྱིལ་
D132.055.0296b05.01འཁོར་རམ། ཟླ་བའི་དཀྱིལ་འཁོར་ནི་གཞལ་མེད་ཁང་ལས་ཀྱང་མི་གཡོ་ལ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་སྟོན་པར་བྱེད་ཀྱང་སེམས་ཅན་དམུས་ལོང་དག་གིས་ནི་མི་ཤེས་མི་མཐོང་གི །སྣོད་ཇི་ལྟ་བ་བཞིན་དུ་
D132.055.0296b06.01སྣང་ཞིང་ཤེས་པའི་ཕྱིར་སེམས་ཅན་མིག་གི་ལས་ཇི་ལྟར་ཡོངས་སུ་དག་པ་རྣམས་ལ་གཞལ་མེད་ཁང་དེ་སྣང་བར་འགྱུར་བ་དེ་བཞིན་དུ་འཇམ་དཔལ་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་རྣམས་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་ནས། ཏིང་ངེ་
D132.055.0296b07.01