完整藏文原文 · 德格版页 当前仅加载第 55 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱངས་བྱེད་པར་མཐོང་ངོ་། །དེ་ནས་ལྷའི་བུ་སངས་རྒྱས་བློ་གྲོས་མངོན་སུམ་གྱིས་ཡང་གང་ཐམས་ཅད་དང་ལྡན་པའི་འཁོར་དེ་ཚངས་པའི་ཁ་དོག་དང་། དབྱིབས་དང་། གཟུགས་སུ་གནས་པ་དང་། སྤྱོད་ལམ་ཤིན་ཏུ་ཞི་བ་དང་། ཚངས་པའི་གནས་ཀྱི་གཞལ་མེད་ཁང་ན་གནས་པ་དང་།
D132.055.0278b01.01ཚད་མེད་པ་བཞིའི་བསམ་གཏན་ལ་བསམ་གཏན་དུ་བྱེད་པར་འདུ་ཤེས་པ་དེ་ལྟ་བུའི་བྱིན་གྱི་རླབས་པ་བྱིན་གྱིས་བརླབས་ནས། སྨྲས་པ། བློ་གྲོས་བརྟན་པ་ཅི་མཐོང་། སྨྲས་པ། ལྷའི་བུ་ཁོ་བོས་ནི་ཐམས་ཅད་དང་ལྡན་པའི་འཁོར་འདི་ཚངས་པའི་ཁ་དོག་དང་། དབྱིབས་དང་། གཟུགས་སུ་
D132.055.0278b02.01གནས་པ་དང་། སྤྱོད་ལམ་རབ་ཏུ་ཞི་བ་དང་། ཚངས་པའི་གནས་ཀྱི་གཞལ་མེད་ཁང་ན་གནས་པ་དང་། ཚད་མེད་པ་བཞིའི་བསམ་གཏན་ལ་བསམ་གཏན་དུ་བྱེད་པར་མཐོང་ངོ་། །དེ་ནས་ལྷའི་བུ་སངས་རྒྱས་བློ་གྲོས་མངོན་སུམ་གྱིས་ཡང་འཁོར་དེ་དག་གནས་བརྟན་འོད་སྲུང་ཆེན་པོའི་ཁ་དོག་
D132.055.0278b03.01དང་། གཟུགས་དང་། དབྱིབས་དང་། ཆོས་གོས་སྣམ་སྦྱར་དང་། ཐང་བ་དང་། ལྷུང་བཟེད་ཐོགས་པའི་སྤྱོད་ལམ་འཛིན་པ་དང་། རྣམ་པར་ཐར་པ་བརྒྱད་ཀྱི་བསམ་གཏན་ལ་བསམ་གཏན་བྱེད་པ་ཅི་འདྲ་བ་དེ་འདྲ་བར་སྣང་ལ། སྣ་ཚོགས་སུ་མེད་ཅིང་ཁ་དོག་གཅིག་ཏུ་གྱུར་པ་དེ་ལྟ་བུའི་བྱིན་གྱི་
D132.055.0278b04.01རླབས་པ་བྱིན་གྱིས་བརླབས་ནས། སྨྲས་པ། བློ་གྲོས་བརྟན་པ་ཅི་མཐོང་། སྨྲས་པ། ལྷའི་བུ་ཁོ་བོས་ནི་ཐམས་ཅད་དང་ལྡན་པའི་འཁོར་འདི་གནས་བརྟན་འོད་སྲུང་ཆེན་པོའི་ཁ་དོག་དང་། གཟུགས་དང་། དབྱིབས་དང་། ཆོས་གོས་སྣམ་སྦྱར་དང་། ཐང་བ་དང་། ལྷུང་བཟེད་ཐོགས་
D132.055.0278b05.01པའི་སྤྱོད་ལམ་འཛིན་པ་དང་། རྣམ་པར་ཐར་པ་བརྒྱད་ཀྱི་བསམ་གཏན་ལ་བསམ་གཏན་བྱེད་པ་ཅི་འདྲ་བ་དེ་འདྲ་བར་སྣང་ལ། སྣ་ཚོགས་སུ་མེད་ཅིང་ཁ་དོག་གཅིག་ཏུ་གྱུར་པ་དེ་ལྟ་བུར་མཐོང་ངོ་། །དེ་ནས་ལྷའི་བུ་སངས་རྒྱས་བློ་གྲོས་མངོན་སུམ་གྱིས་དཔའ་བར་འགྲོ་བའི་ཏིང་ངེ་འཛིན་འདི་ཉིད་
D132.055.0278b06.01ཀྱི་ཁྱུ་མཆོག་ཏུ་གྱུར་པ་བསྟན་པའི་ཕྱིར་ཐམས་ཅད་དང་ལྡན་པའི་འཁོར་བཅོམ་ལྡན་འདས་ཤཱཀྱ་ཐུབ་པའི་ཁ་དོག་དང་། གཟུགས་དང་། དབྱིབས་དང་། སྤྱོད་ལམ་དང་། མཚན་བཀོད་པས་བརྒྱན་པ་དང་། ཞབས་འབྲིང་བ་དགེ་སློང་གི་དགེ་འདུན་ཅི་འདྲ་བ་དེ་འདྲ་བར་དེ་བཞིན་གཤེགས་
D132.055.0278b07.01