完整藏文原文 · 德格版页 当前仅加载第 55 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ལུང་བསྟན་ནས་ཡོངས་སུ་མྱ་ངན་ལས་འདས་སོ། །འོད་སྲུང་དེ་ཇི་སྙམ་དུ་སེམས། དེའི་ཚེ་དེའི་དུས་ན་འཇིག་རྟེན་གྱི་ཁམས་མཉམ་པ་ཞེས་བྱ་བ་དེར་དེ་བཞིན་གཤེགས་པ་ཀླུའི་རིགས་མཆོག་ཅེས་བྱ་བ་བྱུང་བ་དེ་གཞན་ཞིག་ཡིན་ནོ་སྙམ་ན་འོད་སྲུང་ཁྱོད་ཀྱིས་དེ་ལྟར་
D132.055.0307a01.01མི་བལྟའོ། །དེ་ཅིའི་ཕྱིར་ཞེ་ན། འོད་སྲུང་འཇམ་དཔལ་གཞོན་ནུར་གྱུར་པ་འདི་ཉིད་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀླུའི་རིགས་མཆོག་ཅེས་བྱ་བར་གྱུར་ཏོ། །འོད་སྲུང་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ལ་ལྟོས། འདི་ལྟར་
D132.055.0307a02.01མངལ་དུ་འཇུག་པ་དང་། བཙས་པ་དང་། མངོན་པར་འབྱུང་བ་དང་། དཀའ་བ་སྤྱོད་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། བདུད་འདུལ་བ་དང་། བྱང་ཆུབ་མངོན་པར་རྫོགས་པར་འཚང་རྒྱ་བ་དང་། ཆོས་ཀྱི་འཁོར་ལོ་སྐོར་བ་དང་། ཡོངས་སུ་མྱ་ངན་ལས་འདས་པ་ཆེན་པོ་དང་། རིང་
D132.055.0307a03.01བསྲེལ་འགེད་པར་ཡང་སྟོན་ལ། བྱང་ཆུབ་སེམས་དཔའི་ཆོས་ཉིད་དེ་ཡང་མི་འདོར། ཤིན་ཏུ་ཡོངས་སུ་མྱ་ངན་ལས་འདའ་བས་ཀྱང་ཡོངས་སུ་མྱ་ངན་ལས་མི་འདའོ། །དེ་ནས་གནས་བརྟན་འོད་སྲུང་ཆེན་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་
D132.055.0307a04.01གང་ཁྱོད་འདི་ལྟ་བུར་བསམ་གྱིས་མི་ཁྱབ་པའི་གནས་དག་སྟོན་པ་ནི་ཁྱོད་དཀའ་བ་བྱེད་པའོ། །འཇམ་དཔལ་གྱིས་སྨྲས་པ། བཙུན་པ་འོད་སྲུང་དེ་ཇི་སྙམ་དུ་སེམས། བྱ་རྒོད་ཀྱི་ཕུང་པོའི་རི་འདི་གང་ནས་བྱུང་། འཇིག་རྟེན་གྱི་ཁམས་འདི་གང་ནས་བྱུང་། སྨྲས་པ། འཇམ་དཔལ་
D132.055.0307a05.01འཇིག་རྟེན་གྱི་ཁམས་ཐམས་ཅད་ནི་དབུ་བ་ལྟར་བྱུང་སྟེ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས་མངོན་པར་གྲུབ་བོ། །འཇམ་དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་དེ་བཞིན་ཏེ། ཆོས་ཐམས་ཅད་ཀྱང་ལས་ཀྱི་རྣམ་པར་སྨིན་པ་བསམ་གྱིས་
D132.055.0307a06.01མི་ཁྱབ་པ་ལས་བྱུང་ངོ་། །དེ་བས་ན་འདིར་ཁོ་བོ་ལ་བྱ་དཀའ་བ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བཅོས་མ། རྒྱུ་ལ་རག་ལས་པ། བེམས་པོ་སྟེ། དེ་དག་ནི་བདག་པོ་མེད་པའི་ཕྱིར་ཇི་ལྟར་འདོད་པ་དེ་བཞིན་དུ་རྣམ་པར་གྲུབ་བོ། །གང་གིས་ཚུལ་དེ་རྟོགས་པ་དེ་ལ་ནི་
D132.055.0307a07.01