Cūḷaniddesa · CND17 · 13. Udayamāṇavapucchāniddesa

“abhāvitā me cattāro satipaṭṭhānāti, cattāro sammappadhānāti cattāro iddhipādāti, pañcindriyānīti, pañca balānīti, satta bojjhaṅgāti, ariyo aṭṭhaṅgiko maggo”ti …

cnd17:23.6

23.7

“dukkhaṁ me apariññātaṁ, samudayo me appahīno, maggo me abhāvito, nirodho me asacchikato”ti uppajjati kukkuccaṁ cetaso vippaṭisāro manovilekho.

cnd17:23.7

24.1

Kukkuccānaṁ nivāraṇanti kukkuccānaṁ āvaraṇaṁ nīvaraṇaṁ pahānaṁ upasamaṁ vūpasamaṁ paṭinissaggaṁ paṭippassaddhiṁ amataṁ nibbānanti—

cnd17:24.1

24.2

kukkuccānaṁ nivāraṇaṁ.

cnd17:24.2

24.3

Tenāha bhagavā—

cnd17:24.3

25.1

“Pahānaṁ kāmacchandānaṁ,

cnd17:25.1

25.2

(udayāti bhagavā)

cnd17:25.2

25.3

Domanassāna cūbhayaṁ;

cnd17:25.3

25.4

Thinassa ca panūdanaṁ,

cnd17:25.4

25.5

Kukkuccānaṁ nivāraṇan”ti.

cnd17:25.5

26.1

Upekkhāsatisaṁsuddhaṁ,

cnd17:26.1

26.2

dhammatakkapurejavaṁ;

cnd17:26.2

26.3

Aññāvimokkhaṁ pabrūmi,

cnd17:26.3

26.4

avijjāya pabhedanaṁ.

cnd17:26.4

27.1

Upekkhāsatisaṁsuddhanti.

cnd17:27.1

27.2

Upekkhāti yā catutthe jhāne upekkhā upekkhanā ajjhupekkhanā cittasamatā cittappassaddhatā majjhattatā cittassa.

cnd17:27.2

27.3

Satīti yā catutthe jhāne upekkhaṁ ārabbha sati anussati …pe… sammāsati.

cnd17:27.3

27.4

Upekkhāsatisaṁsuddhanti catutthe jhāne upekkhā ca sati ca suddhā honti visuddhā saṁsuddhā parisuddhā pariyodātā anaṅgaṇā vigatūpakkilesā mudubhūtā kammaniyā ṭhitā āneñjappattāti—

cnd17:27.4

27.5

upekkhāsatisaṁsuddhaṁ.

cnd17:27.5

28.1

Dhammatakkapurejavanti dhammatakko vuccati sammāsaṅkappo.

cnd17:28.1

28.2

So ādito hoti, purato hoti, pubbaṅgamo hoti aññāvimokkhassāti, evampi dhammatakkapurejavaṁ.

cnd17:28.2

28.3

Atha vā dhammatakko vuccati sammādiṭṭhi.

cnd17:28.3

28.4

Sā ādito hoti, purato hoti, pubbaṅgamo hoti aññāvimokkhassāti, evampi dhammatakkapurejavaṁ.

cnd17:28.4

28.5

Atha vā dhammatakko vuccati catunnaṁ maggānaṁ pubbabhāgavipassanā.

cnd17:28.5

28.6

Sā ādito hoti, purato hoti, pubbaṅgamo hoti aññāvimokkhassāti—

cnd17:28.6

28.7

evampi dhammatakkapurejavaṁ.

cnd17:28.7

29.1

Aññāvimokkhaṁ pabrūmīti aññāvimokkho vuccati arahattavimokkho.

cnd17:29.1

29.2

Arahattavimokkhaṁ pabrūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti—

cnd17:29.2

29.3

aññāvimokkhaṁ pabrūmi.

cnd17:29.3

30.1

Avijjāya pabhedananti.

cnd17:30.1

30.2

Avijjāti dukkhe aññāṇaṁ …pe… avijjā moho akusalamūlaṁ.

cnd17:30.2

30.3

Pabhedananti avijjāya pabhedanaṁ pahānaṁ vūpasamaṁ paṭinissaggaṁ paṭippassaddhiṁ amataṁ nibbānanti—

cnd17:30.3

30.4

avijjāya pabhedanaṁ.

cnd17:30.4

30.5

Tenāha bhagavā—

cnd17:30.5

31.1

“Upekkhāsatisaṁsuddhaṁ,

cnd17:31.1

31.2

dhammatakkapurejavaṁ;

cnd17:31.2

31.3

Aññāvimokkhaṁ pabrūmi,

cnd17:31.3

31.4

avijjāya pabhedanan”ti.

cnd17:31.4

32.1

Kiṁsu saṁyojano loko,

cnd17:32.1

32.2

kiṁsu tassa vicāraṇaṁ;

cnd17:32.2

32.3

Kissassa vippahānena,

cnd17:32.3

32.4

nibbānaṁ iti vuccati.

cnd17:32.4

33.1

Kiṁsu saṁyojano lokoti lokassa saṁyojanaṁ lagganaṁ bandhanaṁ upakkileso.

cnd17:33.1

33.2

Kena loko yutto payutto āyutto samāyutto laggo laggito palibuddhoti—

cnd17:33.2

33.3

kiṁsu saṁyojano loko.

cnd17:33.3

34.1

Kiṁsu tassa vicāraṇanti kiṁsu tassa cāraṇaṁ vicāraṇaṁ paṭivicāraṇaṁ.

cnd17:34.1

34.2

Kena loko carati vicarati paṭivicaratīti—

cnd17:34.2

34.3

kiṁsu tassa vicāraṇaṁ.

cnd17:34.3

34.4

Kissassa vippahānena nibbānaṁ iti vuccatīti kissassa vippahānena vūpasamena paṭinissaggena paṭippassaddhiyā nibbānaṁ iti vuccati pavuccati kathīyati bhaṇīyati dīpīyati voharīyatīti—

cnd17:34.4

34.5

kissassa vippahānena nibbānaṁ iti vuccati.

cnd17:34.5

34.6

Tenāha so brāhmaṇo—

cnd17:34.6

35.1

“Kiṁsu saṁyojano loko,

cnd17:35.1

35.2

kiṁsu tassa vicāraṇaṁ;

cnd17:35.2

35.3

Kissassa vippahānena,

cnd17:35.3

35.4

nibbānaṁ iti vuccatī”ti.

cnd17:35.4

36.1

Nandisaṁyojano loko,

cnd17:36.1

36.2

vitakkassa vicāraṇaṁ;

cnd17:36.2

36.3

Taṇhāya vippahānena,

cnd17:36.3

36.4

nibbānaṁ iti vuccati.

cnd17:36.4

37.1

Nandisaṁyojano lokoti nandī vuccati taṇhā.

cnd17:37.1

37.2

Yo rāgo sārāgo …pe… abhijjhā lobho akusalamūlaṁ, ayaṁ vuccati nandī.

cnd17:37.2

37.3

Yā nandī lokassa saṁyojanaṁ lagganaṁ bandhanaṁ upakkileso, imāya nandiyā loko yutto payutto āyutto samāyutto laggo laggito palibuddhoti—

cnd17:37.3

37.4

nandisaṁyojano loko.

cnd17:37.4

38.1

Vitakkassa vicāraṇanti.

cnd17:38.1

38.2

Vitakkāti nava vitakkā—

cnd17:38.2

38.3

kāmavitakko, byāpādavitakko, vihiṁsāvitakko, ñātivitakko janapadavitakko, amarāvitakko, parānudayatāpaṭisaṁyutto vitakko, lābhasakkārasilokapaṭisaṁyutto vitakko, anavaññattipaṭisaṁyutto vitakko.

cnd17:38.3

38.4

Ime vuccanti nava vitakkā.

cnd17:38.4

38.5

Ime nava vitakkā lokassa cāraṇā vicāraṇā paṭivicāraṇā.

cnd17:38.5

38.6

Imehi navahi vitakkehi loko carati vicarati paṭivicaratīti—

cnd17:38.6

38.7

vitakkassa vicāraṇaṁ.

cnd17:38.7

39.1

Taṇhāya vippahānena nibbānaṁ iti vuccatīti.

cnd17:39.1

39.2

Taṇhāti rūpataṇhā …pe… dhammataṇhā.

cnd17:39.2

39.3

Taṇhāya vippahānena nibbānaṁ iti vuccatīti taṇhāya vippahānena vūpasamena paṭinissaggena paṭippassaddhiyā nibbānaṁ iti vuccati pavuccati kathīyati bhaṇīyati dīpīyati voharīyatīti—

cnd17:39.3

39.4

taṇhāya vippahānena nibbānaṁ iti vuccati.

cnd17:39.4

39.5

Tenāha bhagavā—

cnd17:39.5

40.1

“Nandisaṁyojano loko,

cnd17:40.1

40.2

vitakkassa vicāraṇaṁ;

cnd17:40.2

40.3

Taṇhāya vippahānena,

cnd17:40.3

40.4

nibbānaṁ iti vuccatī”ti.

cnd17:40.4

41.1

Kathaṁ satassa carato,

cnd17:41.1

41.2

Viññāṇaṁ uparujjhati;

cnd17:41.2

41.3

Bhagavantaṁ puṭṭhumāgamā,

cnd17:41.3

41.4

Taṁ suṇoma vaco tava.

cnd17:41.4

42.1

Kathaṁ satassa caratoti kathaṁ satassa sampajānassa carato viharato iriyato vattayato pālayato yapayato yāpayatoti—

cnd17:42.1

42.2

kathaṁ satassa carato.

cnd17:42.2

43.1

Viññāṇaṁ uparujjhatīti viññāṇaṁ nirujjhati vūpasammati atthaṁ gacchati paṭippassambhatīti—

cnd17:43.1

43.2

viññāṇaṁ uparujjhati.

cnd17:43.2

44.1

Bhagavantaṁ puṭṭhumāgamāti buddhaṁ bhagavantaṁ puṭṭhuṁ pucchituṁ yācituṁ ajjhesituṁ pasādetuṁ āgamhā āgatamhā upāgatamhā sampattamhā, “tayā saddhiṁ samāgatamhā”ti—

cnd17:44.1

44.2

bhagavantaṁ puṭṭhumāgamā.

cnd17:44.2

45.1

Taṁ suṇoma vaco tavāti.

cnd17:45.1

45.2

Tanti tuyhaṁ vacanaṁ byappathaṁ desanaṁ anusāsanaṁ anusiṭṭhaṁ suṇoma uggaṇhāma dhārema upadhārema upalakkhemāti—

cnd17:45.2

45.3

taṁ suṇoma vaco tava.

cnd17:45.3

45.4

Tenāha so brāhmaṇo—

cnd17:45.4

46.1

“Kathaṁ satassa carato,

cnd17:46.1

46.2

viññāṇaṁ uparujjhati;

cnd17:46.2

46.3

Bhagavantaṁ puṭṭhumāgamā,

cnd17:46.3

46.4

taṁ suṇoma vaco tavā”ti.

cnd17:46.4

47.1

Ajjhattañca bahiddhā ca,

cnd17:47.1

47.2

vedanaṁ nābhinandato;

cnd17:47.2

47.3

Evaṁ satassa carato,

cnd17:47.3

47.4

viññāṇaṁ uparujjhati.

cnd17:47.4

48.1

Ajjhattañca bahiddhā ca vedanaṁ nābhinandatoti ajjhattaṁ vedanāsu vedanānupassī viharanto vedanaṁ nābhinandati nābhivadati na ajjhoseti, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajahati vinodeti byantīkaroti anabhāvaṁ gameti;

cnd17:48.1

48.2

bahiddhā vedanāsu vedanānupassī viharanto vedanaṁ nābhinandati nābhivadati na ajjhoseti, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajahati vinodeti byantīkaroti anabhāvaṁ gameti;

cnd17:48.2

48.3

ajjhattabahiddhā vedanāsu vedanānupassī viharanto vedanaṁ nābhinandati nābhivadati na ajjhoseti, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajahati vinodeti byantīkaroti anabhāvaṁ gameti.

cnd17:48.3

49.1

Ajjhattaṁ samudayadhammānupassī vedanāsu vedanānupassī viharanto vedanaṁ nābhinandati nābhivadati na ajjhoseti, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajahati vinodeti byantīkaroti anabhāvaṁ gameti;

cnd17:49.1

49.2

ajjhattaṁ vayadhammānupassī vedanāsu vedanānupassī viharanto …pe…

cnd17:49.2

49.3

ajjhattaṁ samudayavayadhammānupassī vedanāsu vedanānupassī viharanto …pe…

cnd17:49.3

49.4

bahiddhā samudayadhammānupassī vedanāsu vedanānupassī viharanto vedanaṁ nābhinandati nābhivadati na ajjhoseti, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajahati vinodeti byantīkaroti anabhāvaṁ gameti;

cnd17:49.4

49.5

bahiddhā vayadhammānupassī vedanāsu vedanānupassī viharanto …pe…

cnd17:49.5