完整藏文原文 · 德格版页 当前仅加载第 92 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ་ལེགས་སོ་ལེགས་སོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་འདི་སྐད་ཅེས་བཀའ་སྩལ་ཏོ། །སེམས་པ་དག་པ་ཁྱོད་ཀྱིས་གསང་བ་བཀླག་པའི་ཆོ་ག་དེ་ཁོ་ན་ཉིད་སྒྲུབ་པ་རྒྱས་པ་དང་བཅས་པར་སྨྲོས་ཤིག །སྤྱན་རས་གཟིགས་དབང་ཕྱུག་
D686.092.0008a01.01གིས་གསོལ་པ། བཅོམ་ལྡན་འདས་གསང་བའི་སྙིང་པོའི་གཟུངས་འདི་ལན་ཅིག་བརྗོད་པ་ཙམ་གྱིས་དེའི་མོད་ལ་ཕྱོགས་བཅུ་ཐ་དད་པ་ནས་གང་གཱའི་{ཀླུངས་,ཀླུང་}ཡ་བྱེ་བ་བརྒྱ་སྟོང་གི་བྱེ་མ་སྙེད་ཀྱི་དེ་བཞིན་གཤེགས་པའི་ཕྱག་བརྐྱང་སྟེ། སྤྱི་བོར་བཞག་ནས་ལེགས་སོ་ཞེས་བགྱི་བའི་སྒྲ་
D686.092.0008a02.01གསུངས་ཏེ། གསུངས་པ་ཙམ་གྱི་མོད་ལ་སྔོན་བསྐལ་བ་བརྒྱ་སྟོང་དུ་བསགས་པའི་སྒྲིབ་པ་རྣམས་ཉམས་པར་བགྱིད། ཞིག་པར་བགྱིད་དོ། །སྡིག་པ་ཐམས་ཅད་དང་། ནད་ཐམས་ཅད་དང་། དེ་བཞིན་དུ་གནོད་པ་ཞི་བར་བགྱིད་དོ། །སྡིག་པ་དང་སེམས་ཅན་གདུག་པ་རྣམས་དང་། ཕས་
D686.092.0008a03.01ཀྱི་རྒོལ་བ་རྣམས་དང་། མི་མཛའ་བ་རྣམས་འཇིག་པར་བགྱིད་དེ། འདི་ལ་ཐེ་ཚོམ་མི་བགྱིའོ། །རྟག་ཏུ་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་བལྟ་འཚལ་བར་འགྱུར་ལགས་སོ། །རིག་སྔགས་འདིའི་ཆོ་ག་སྒྲུབ་པ་ནི་འདི་ཡིན་ཏེ། རིག་སྔགས་འཆང་གཙང་མར་
D686.092.0008a04.01གྱུར་པས་ཤིན་ཏུ་ཁྲུས་བགྱིས་ཏེ། གོས་གཙང་མ་བགོས་པར་བགྱིའོ། །བྱམས་པ་དང་། སྙིང་རྗེ་ཡིད་ལ་བགྱིས་པས་འབྱུང་པོ་ཐམས་ཅད་ལ་མཆོག་ཏུ་སྙིང་བརྩེ་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པར་བགྱིའོ། །མེ་ཏོག་དང་།
D686.092.0008a05.01བདུག་པ་དང་། དྲི་དང་། ཕྲེང་བ་དང་། བྱུག་པ་དང་། མར་མེ་དབུལ་བར་བགྱིའོ། །ཚེས་བརྒྱད་དམ། ཚེས་{བཅྭ་,བཅོ་}ལྔ་ལ་སྒྲུབ་པའི་བཟླས་བརྗོད་ཀྱི་ཆོ་ག་བགྱིའོ། །རི་མོའི་གཟུགས་ཀྱི་མདུན་དུ་ཐོག་མར་སྐྱིལ་མོ་ཀྲུང་བཅས་ནས་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་
D686.092.0008a06.01བཟླས་བརྗོད་བགྱིའོ། །ཚིག་གཞན་མི་སྨྲ་བར་ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཆབ་དང་། ཡུངས་ཀར་གྱིས་དབང་བསྐུར་བར་བགྱིའོ། །ཕྱག་རྒྱ་བཅིང་བར་བགྱི་སྟེ། ལན་ཉི་ཤུ་རྩ་གཅིག་གདོན་པར་བགྱིའོ། །གསང་སྔགས་ཀྱིས་ནི་དབང་བསྐུར་བར་བགྱིའོ། །
D686.092.0008a07.01