完整藏文原文 · 德格版页 当前仅加载第 92 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པའི་གནས་ཆེན་པོར་འགྱུར་རོ། །ལ་དུ་ལ་ལན་བདུན་བཟླས་བརྗོད་བགྱིས་ཏེ། དཔལ་ལྷ་མོ་ཆེན་མོའི་ལག་པར་སྩལ་ན། དཔལ་ལྷ་མོ་ཆེན་མོ་དབང་དུ་གྱུར་ནས། ནོར་ཆེན་པོ་སྩོལ་ཅིང་ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་
D686.092.0063b01.01ནས། ཁུག་མའི་ནང་དུ་སྩལ་ཏེ། མཆན་ཁུང་དུ་བསྲེལ་བར་བགྱིས་ཏེ། ཅི་ཙམ་དུ་བསྲེལ་བ་དེ་སྲིད་དུ་མི་གདའ་བར་གྱུར་ནས། གང་དུ་སྩལ་བ་དེར་འཇུག་པར་འགྱུར་རོ། །གང་ན་ཤིང་གཅིག་པའམ། འབབ་ཆུ་གཅིག་པར་ལ་དུ་ལ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་
D686.092.0063b02.01བརྗོད་བགྱིས་ཏེ། དབང་བསྐུར་ནས་ཤིང་གི་དྲུང་དུ་བརྡེགས་ན། འདོད་དགུར་སྒྱུར་བ་དབང་དུ་གྱུར་ནས་མཆིས་པར་འགྱུར་རོ། །ཅི་ལྟར་བསམས་པའི་འདོད་པ་ཐམས་ཅད་ཉེ་བར་མཆིས་ནས་ཡོངས་སུ་སྤྱོད་པ་དང་། ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་ཉི་ཤུ་རྩ་
D686.092.0063b03.01གཅིག་བཟླས་བརྗོད་བགྱིས་ཏེ། མ་མོའི་གནས་སུ་ནག་པོ་ཆེན་པོའི་སྤྱི་བོའི་གཙུག་ཏུ་བཞག་ལ། ཁྲོ་བོའི་རྒྱལ་པོ་ལན་བདུན་བཟླས་ཏེ། ཆབ་དང་ཡུངས་ཀར་གྱིས་དབང་བསྐུར་བ་བགྱིས་ན། དེ་ནས་སྦྱོར་བ་མོ་ཐམས་ཅད་དང་། མཁའ་འགྲོ་མ་ཐམས་ཅད་དབང་དུ་གྱུར་ནས་
D686.092.0063b04.01མངག་གཞུག་པ་ལས་ཐམས་ཅད་བགྱིད་པར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་ཏེ། ནག་པོ་ཆེན་པོའི་ལྟེ་བའི་ཕྱོགས་སུ་བཞག་ན་མ་མོའི་ཚོགས་ཐམས་ཅད་རང་གི་གཟུགས་ཀྱིས་མདུན་དུ་མཆིས་ནས། མཆོག་ཐམས་ཅད་སྩོལ་བར་འགྱུར་རོ། །ལས་ཐམས་ཅད་
D686.092.0063b05.01བགྱིད་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས། འཕགས་པ་འཇམ་དཔལ་གྱི་ལྷུང་བཟེད་ཀྱི་ནང་དུ་སྩལ་ཏེ། ཁྲོ་བོའི་རྒྱལ་པོས་དབང་བསྐུར་བགྱིས་ན། ཇི་སྲིད་དུ་ལྷུང་བཟེད་ན་ལ་དུ་མཆིས་པ་དེ་སྲིད་དུ་ཕྱོགས་བཅུའི་དེ་བཞིན་གཤེགས་པ་ཐམས་
D686.092.0063b06.01ཅད་ཀྱི་སྤྱན་སྔར། ལྷའི་ཞལ་ཟས་རོ་སྣ་ཚོགས་ཀྱི་རོའི་མཆོག་དང་ལྡན་པ་དག་འབྱུང་བར་འགྱུར་ཞིང་། ཉན་ཐོས་དང་བྱང་ཆུབ་སེམས་དཔའི་ཚོགས་ཀྱི་འཁོར་གྱི་དཀྱིལ་འཁོར་ཆེན་པོ་དང་བཅས་པ་ཚིམ་པར་བགྱིས་པར་འགྱུར་རོ། །དེ་བཞིན་གཤེགས་པ་དེ་དག་ཐམས་ཅད་དང་།
D686.092.0063b07.01