完整藏文原文 · 德格版页 当前仅加载第 92 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཞབས་ཀྱི་དྲུང་དུ་རིག་སྔགས་འཆང་པུས་མོ་བཙུགས་པ། ལག་ན་པོག་ཕོར་དང་བགྲང་ཕྲེང་ཐོགས་ཏེ་བཅོམ་ལྡན་འདས་ལ་བལྟའོ། །གཟུགས་བརྙན་དེ་ཉིད་ཀྱི་མདུན་དུ་ཙནྡན་དཀར་པོའི་དཀྱིལ་འཁོར་བྱ་ཞིང་གུར་གུམ་གྱིས་མཆོད་པ་བྱའོ། །དཀྱིལ་འཁོར་དེའི་
D686.092.0271a01.01སྟེང་དུ་ཁྲོ་བོའི་རྒྱལ་པོ་བཞག་སྟེ། དེའི་སྤྱན་སྔར་བཟླས་བརྗོད་སྟོང་ཕྲག་བརྒྱ་བྱའོ། །དེ་ནས་གཟུགས་བརྙན་དེ་འགུལ་ཞིང་གཡོ་བར་འགྱུར། འཆག་པར་འགྱུར། འོད་ཟེར་འབྱུང་བར་འགྱུར། ཚིག་འབྱིན་པར་འགྱུར། ལེགས་སོ་ཞེས་བྱ་བ་སྦྱིན་པར་འགྱུར། ཕྱག་
D686.092.0271a02.01གཡས་པ་སྤྱི་བོར་འཇོག་པར་འགྱུར། ཡིད་ལ་བསམས་པ་དང་མཆོག་ཐམས་ཅད་ཡོངས་སུ་རྫོགས་པར་འགྱུར་རོ། །རིག་སྔགས་འཆང་དེ་ཡང་བདག་ཉིད་འབར་བར་འགྱུར། ནམ་མཁའ་ལ་འཕགས་པར་འགྱུར་ཞིང་དོན་ཡོད་པ་ཡངས་པར་སྣང་བ། དངོས་གྲུབ་དྲི་མ་
D686.092.0271a03.01མེད་པར་གྲགས་པ་ཞེས་བྱ་བའི་རིག་སྔགས་འཆང་གི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་བརྒྱ་སྟོང་ཕྲག་དྲུག་ཅུ་རྩ་བརྒྱད་པོ་རྣམས་ཀྱི་གཙོ་བོ་དང་རྒྱལ་པོར་འགྱུར་རོ། །ཚེ་ལྷའི་བསྐལ་པ་ཁྲག་ཁྲིག་བརྒྱ་སྟོང་ཕྲག་བདུན་ཅུ་རྩ་གཉིས་
D686.092.0271a04.01སུ་འགྱུར་རོ། །བསྐལ་པའི་མཇུག་རྫོགས་ཏེ་དེ་ཉིད་ཀྱི་མཚན་མོ་འདས་པ་དང་། བྱང་ཆུབ་མངོན་པར་རྫོགས་པར་འཚང་རྒྱའོ། །ཇི་ལྟར་བདེ་བ་ཅན་བཞིན་དུ་འཇིག་རྟེན་གྱི་ཁམས་འདི་གཞལ་མེད་ཁང་གི་རྣམ་པར་འཕྲུལ་བར་འགྱུར་ཞིང་ཚེའི་ཚད་བསྐལ་པ་དཔག་ཏུ་
D686.092.0271a05.01མེད་པར་འགྱུར་རོ། །དོན་ཡོད་པའི་རྣམ་པར་ཐར་པའི་དཀྱིལ་འཁོར་དང་། ཕྱག་རྒྱ་དང་། ཆོ་ག་ཞིབ་མོ་ཐམས་ཅད་ཀྱི་ཆོས་སྟོན་པར་འགྱུར་རོ། །དེའི་འོག་ཏུ་འཇིག་རྟེན་པའི་སྒྲུབ་པ་ནི་དེ་ཉིད་ཀྱི་སྤྱན་སྔར་བཟླས་བརྗོད་བརྒྱད་སྟོང་བྱའོ། །བཟླས་བརྗོད་རྫོགས་པའི་
D686.092.0271a06.01མོད་ལ་འཕགས་པ་སྤྱན་རས་གཟིགས་དབང་ཕྱུག་ཁྲོ་བོའི་རྒྱལ་པོ་རང་གི་གཟུགས་ཀྱིས་མདུན་ན་བཞུགས་པར་འགྱུར་ཏེ། འཇིག་རྟེན་པའི་ཆོ་ག་ཞིབ་མོ་དང་། གསང་སྔགས་དང་། ཕྱག་རྒྱ་དང་། དཀྱིལ་འཁོར་ཐམས་ཅད་དང་། མིག་འཕྲུལ་དང་། བཞད་
D686.092.0271a07.01