完整藏文原文 · 德格版页 当前仅加载第 92 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
གང་བསམས་པ་དང་གང་བཅོལ་བ་དེ་ཐམས་ཅད་འབྱོར་བར་འགྱུར་རོ། །དེ་བཞིན་དུ་དམ་ཚིག་ཐམས་ཅད་ཀྱི་རྗེས་སུ་ཞུགས་པར་འགྱུར་རོ། །དམ་ཚིག་དང་། དཀྱིལ་འཁོར་དང་། གསང་སྔགས་དང་། ཕྱག་རྒྱ་དང་། ཆོ་ག་ཞིབ་མོ་ཐམས་ཅད་མངོན་དུ་འགྱུར་རོ། །སྡིག་པ་དང་།
D686.092.0270b01.01གདུག་པ་དང་། ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །དེ་བཞིན་གཤེགས་པའི་ཡོན་ཏན་ཐམས་ཅད་དང་ལྡན་པར་འགྱུར་རོ། །ལྷ་དང་། ལྷ་མ་ཡིན་དང་། ཀླུ་དང་། གནོད་སྦྱིན་དང་། དྲི་ཟ་དང་། གསང་བ་པ་དང་། རིག་སྔགས་འཆང་གི་གནས་ཕུག་
D686.092.0270b02.01དྲི་མ་མེད་པ་དང་ནམ་མཁའི་རྗེས་སུ་རྒྱུ་བ་དང་། ཆུ་ན་རྒྱུ་བ་དང་། ནགས་དང་། སྐྱེད་མོས་ཚལ་ན་སྤྱོད་པའི་རིག་སྔགས་འཆང་གི་འཁོར་ལོས་སྒྱུར་བའི་དྲུག་ཆ་ལ་ཐམས་ཅད་དུ་དབང་དུ་འགྱུར་རོ། །གསང་བ་པ་ཐམས་ཅད་ཀྱང་འདིའི་མངག་གཞུག་པར་འགྱུར་རོ། །གང་ཞིག་དེ་ལ་
D686.092.0270b03.01མི་ཕན་པར་འདོད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་གང་རིག་སྔགས་འཆང་ལ་མི་ཕན་པར་སེམས་པ་དེ་ཐམས་ཅད་ཀྱི་དེ་དག་གི་གནས་དང་
D686.092.0270b04.01ལུས་ཉིད་རྣམ་པར་གཞིག་པའི་ཕྱིར་སྡིག་པ་རྣམས་འབབ་པར་འགྱུར་རོ། །དེ་ནས་དངུལ་ལས་ཁྲོ་བོའི་རྒྱལ་པོ་སོར་བཅུ་གཉིས་ཀྱི་ཚད་ཙམ་བྱས་ཏེ། ཤིན་ཏུ་མཛེས་པ། ཤིན་ཏུ་ཚད་དང་ལྡན་པ། ཞལ་གསུམ་པ། རལ་པའི་ཐོར་ཚུགས་ཀྱིས་བརྒྱན་ཅིང་རྒྱན་ཐམས་ཅད་
D686.092.0270b05.01ཀྱིས་བརྒྱན་པ། རྒྱལ་བ་འོད་དཔག་ཏུ་མེད་པའི་དབུ་རྒྱན་ཅན། ཟླ་བ་དབུ་ལ་ཐོགས་པ། ཞལ་དང་པོ་ཁྲོ་བོའི་གཟུགས་གཡོན་པ་དང་གཡས་པ་ཞི་བའི་གཟུགས་ཞལ་ཅུང་ཟད་འཛུམ་པ། སྤྱན་གསུམ་པ། ཕྱག་བཞི་པ། པདྨ་འཛིན་པ། ཞགས་པ་འཛིན་པ། རལ་གྲི་
D686.092.0270b06.01དང་མདུང་རྩེ་གསུམ་པ་འཛིན་པའོ། །གཡས་སུ་ལྷ་མོ་སྒྲོལ་མ་མེ་ཏོག་འབུལ་བ། རྒྱན་ཐམས་ཅད་ཀྱིས་བརྒྱན་པའོ། །གཡོན་དུ་ལྷ་མོ་རིག་སྔགས་ཀྱི་རྒྱལ་མོ་ནོར་བུ་རིན་པོ་ཆེ་ཆེན་པོ་འབུལ་བ། རྒྱན་ཐམས་ཅད་ཀྱིས་བརྒྱན་པའོ། །འཇིག་རྟེན་དབང་ཕྱུག་གི་
D686.092.0270b07.01