完整藏文原文 · 德格版页 当前仅加载第 92 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ལྷའི་གནས་ཐམས་ཅད་དུ་མེས་པོ་ཡིན་ནོ་ཞེས་ཚིག་མངོན་པར་བརྗོད་པར་འགྱུར་རོ། །འཇིག་རྟེན་ཐམས་ཅད་དང་། འཛམ་བུའི་གླིང་པའི་མི་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་།
D686.092.0288a01.01དམངས་རིགས་དེ་ཐམས་ཅད་ཐམས་ཅད་དུ་ཚངས་པའོ་ཞེས་སེམས་པར་འགྱུར་རོ། །རྒྱལ་པོ་བཙུན་མོ་དང་། འཁོར་དུ་བཅས་པས་མཆོད་པའི་སྤྲིན་ཆེན་པོ་བགྱིད་པར་འགྱུར་རོ། །དེ་ནས་སྲེད་མེད་ཀྱི་བུ་དགུག་པར་འཚལ་བ་དེས་ལྷའི་གནས་སུ་སྲེད་མེད་ཀྱི་བུའི་གཟུགས་བརྙན་གྱི་མདུན་དུ་ཉེ་བར་
D686.092.0288a02.01སྦྱིན་སྲེག་གི་ཆོ་ག་བགྱི་སྟེ། རིག་སྔགས་འཆང་གཙང་མར་གྱུར་པ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པ། སྣ་མ་དང་ཤིང་ཨརྐའི་ཡམ་སྲེག་ཤིང་གི་མེ་སྦར་བ་ལ་གུ་གུལ་དང་། ཡུངས་ཀར་དང་། སྦྲང་རྩི་དང་ཞུན་མར་བསྲེས་པའི་སྦྱིན་སྲེག་བརྒྱ་སྟོང་བགྱིའོ། །བརྒྱ་སྟོང་རྫོགས་
D686.092.0288a03.01པ་དང་། སྲེད་མེད་ཀྱི་བུ་རང་གི་གཟུགས་ཀྱིས་མདུན་ན་མཆིས་ཤིང་རིག་སྔགས་འཆང་ལ་རིག་སྔགས་འཆང་ལེགས་སོ་ལེགས་སོ་ཞེས་སྨྲའོ། །སྒྲུབ་པ་དམ་པ་འདི་དོན་ཡོད་པའི་ལྕགས་ཀྱུས་འགུགས་ཤིང་རིག་སྔགས་ཀྱི་རྒྱལ་པོའི་ཆོས་ལུགས་ཆེན་པོས་བཀུག་ན་རིག་སྔགས་འཆང་
D686.092.0288a04.01ཅི་ཞིག་བྱ། དགོས་པ་ནི་ཅི་ཞིག་ཡོད། མཆོག་ནི་ཅི་ཞིག་དོན་དུ་གཉེར་བ་དེ་སྨྲོས་ཤིག་དང་། ཐམས་ཅད་རྗེས་སུ་སྦྱིན་པར་བྱའོ། །དེ་ནས་རིག་སྔགས་འཆང་གིས་དོན་གང་ཡིད་ལ་བསམས་ཏེ་སྨྲས་པ་དེ་ཐམས་ཅད་སྩོལ་བར་འགྱུར། གཟུགས་སྣ་ཚོགས་པའི་མཆོག་ཀྱང་རྗེས་
D686.092.0288a05.01སུ་སྩོལ་བར་འགྱུར་རོ། །གཞན་ཡང་གཟུགས་སྣ་ཚོགས་པ་མཆོག་གཙོ་བོ་དང་དགོས་པའི་ལས་སྒྲུབ་པའི་མཆོག་རྗེས་སུ་སྩོལ་བར་འགྱུར་རོ། །དེ་ནས་ལྷ་ཆེན་པོ་དགུག་པར་འཚལ་ན་རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པ་དེས་ལྷའི་གནས་སུ་
D686.092.0288a06.01མཆིས་པ་ལ་ལྷ་ཆེན་པོའི་མདུན་དུ་གུ་གུལ་དང་། པདྨའི་ཕྱེ་མ་དང་ཞུན་མར་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང་། ལྷ་ཆེན་པོ་རང་གི་གཟུགས་ཀྱིས་མདུན་ན་མཆིས་པར་འགྱུར་རོ། །དེ་ནས་ནག་པོ་ཆེན་པོ་དགུག་པར་འཚལ་ན་རིག་སྔགས་འཆང་
D686.092.0288a07.01