完整藏文原文 · 德格版页 当前仅加载第 92 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ལྷ་མོའི་མདུན་དུ་བསྐོར་ན་ནོར་གྱི་མཆོག་རྣམ་པ་མང་དུ་སྦྱིན་པར་བྱེད་དོ། །མདུན་ན་རང་གི་ངོ་བོ་གནས་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་བྱེད་དོ། །རྣམ་ཐོས་སྲས་ཀྱི་ཞབས་ལ་ལན་བདུན་བརྡབ་ཅིང་དོན་ཡོད་པའི་རྒྱལ་པོ་ལ་ལན་ཉི་ཤུ་རྩ་གཅིག་
D686.092.0140a01.01དྲན་པར་བྱས་ན་རྣམ་ཐོས་ཀྱི་སྲས་རྒྱུག་ཅིང་མདུན་ན་གནས་པར་འགྱུར་རོ། །ནོར་མང་དུ་སྦྱིན་པར་མཛད་དོ། །གང་འདོད་པ་དེ་ཐམས་ཅད་མཛད་པར་འགྱུར་རོ། །མི་སྨྲ་བར་དབྱུག་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱ་ཞིང་རྒྱལ་པོའི་སྒོར་ལན་བདུན་བསྐོར་བ་བྱས་ན་རྒྱལ་པོ་དང་། བཙུན་
D686.092.0140a02.01མོའི་འཁོར་རྣམས་བདག་ཉིད་དང་། ནོར་ལ་དབང་བར་འགྱུར་རོ། །གྲོང་ཁྱེར་གྱི་སྒོར་བསྐོར་ན་གྲོང་ཁྱེར་ན་གནས་པའི་བུད་མེད་དང་། སྐྱེས་པ་དང་། ཁྱེའུ་དང་བུ་མོ་རྣམས་དབང་དུ་འགྱུར་ཞིང་གནས་སོ། །དེ་གཅིག་པུ་མཆོད་པར་འོས་པར་འགྱུར་རོ། །དེ་དག་ཐམས་ཅད་བྲན་ཕོ་
D686.092.0140a03.01དང་བྲན་མོ་བཞིན་དུ་རྗེས་སུ་འབྲང་བར་འགྱུར་རོ། །ལྷ་ཁང་དུ་སོང་ནས་ལྷའི་སྤྱན་སྔར་བསྐོར་ཞིང་དོན་ཡོད་པའི་རྒྱལ་པོའི་སྙིང་པོ་བཟླས་བརྗོད་བྱས་ན་ལྷ་དེ་རང་གི་ངོ་བོ་མདུན་ན་གནས་པར་འགྱུར་རོ། །གང་བསྒོ་བ་དེ་ཐམས་ཅད་བྱེད་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་
D686.092.0140a04.01བར་འགྱུར་རོ། །ཉི་མ་འཆང་བའི་ཚེ་ཉི་མའི་མདུན་དུ་བསྐོར་བར་བྱ་ཞིང་དོན་ཡོད་པའི་རྒྱལ་པོའི་སྙིང་པོ་བཟླས་བརྗོད་བྱས་ན་ཉི་མ་བབས་ཏེ། མཆོག་གང་འདོན་པ་དེ་ཐམས་ཅད་སྦྱིན་པར་མཛད་དོ། །ཟླ་བ་ཉའི་ཞལ་དུ་བསྐོར་ཅིང་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱེད་
D686.092.0140a05.01ན་ཟླ་བ་དང་། རྒྱུ་སྐར་དང་། སྐར་མའི་ཚོགས་དང་བཅས་ཏེ་འབབ་པར་འགྱུར་རོ། །མཆོག་བསམ་པ་ཐམས་ཅད་སྦྱིན་པར་བྱེད་དོ། །རིང་བསྲེལ་དང་བཅས་པའི་མཆོད་རྟེན་ལ་སྐོར་བ་བྱེད་ཅིང་དོན་ཡོད་པའི་རྒྱལ་པོ་བཟླས་བརྗོད་བྱས་ཤིང་དབྱུག་པ་བསྐོར་ན་མཆོད་རྟེན་འབར་
D686.092.0140a06.01ཞིང་སྒྲ་འབྱུང་བར་འགྱུར་རོ། །གང་བསམ་པ་དེ་ཐམས་ཅད་སྨྲ་བར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་མཛད་དོ། །དེ་བཞིན་གཤེགས་པ་ལ་བསྐོར་བ་བྱ་སྟེ། དོན་ཡོད་པའི་སྙིང་པོའི་བཟླས་བརྗོད་བྱེད་ཅིང་དབྱུག་པ་བསྐོར་ན་དེ་བཞིན་གཤེགས་པ་ཐམས་ཅད་མཐོང་བར་
D686.092.0140a07.01