完整藏文原文 · 德格版页 当前仅加载第 92 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་རལ་པའི་ཅོད་པན་གྱིས་བརྒྱན་པ་དབུལ་འོད་དཔག་མེད་འབར་བའི་སྙིང་པོའི་ལུས་ཅན་ནོ། །གཞོགས་གཡོན་དུ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་རལ་པ་དང་རྒྱན་བཅིངས་པ། འབར་བའི་སྙིང་པོའི་ལུས་དང་དབུ་ལ་པདྨ་
D686.092.0201a01.01གཙུག་ཏོར་གྱི་ཁོར་ཡུག་ཏུ་འོད་ཟེར་སྣ་ཚོགས་འབར་བའོ། །ཕྱི་རོལ་དུ་ཙམ་པ་ཀ་དང་། བཱརྵི་ཀ་དང་། ཨུཏྤལ་སྔོན་པོའི་མེ་ཏོག་གི་ཕྲེང་བ་བཅིང་བར་བྱའོ། །དེ་ནས་དཀྱིལ་འཁོར་གྱི་སྙིང་པོའི་གྲྭ་བཞིའི་གནས་རྣམས་སུ་རྒྱལ་པོ་ཆེན་པོ་བཞི་བྲི་བར་བྱ་སྟེ། གོ་ཆ་དང་ཡ་ལད་
D686.092.0201a02.01བགོས་པ་དྲག་པོའི་གཟུགས་ཅན་འཇིགས་པར་བྱེད་པ་འབར་བའི་ཕྲེང་བའི་སྙིང་པོའི་ལུས་སོ། །དཀྱིལ་འཁོར་གྱི་རེ་ཁཱ་སྔོན་མ་ལ། རྡོ་རྗེ་དང་མདུང་རྩེ་གསུམ་པའི་རེ་ཁཱ་འབར་བ་དང་བཅས་པ་བྲི་བར་བྱའོ། །རེ་ཁཱ་རིམ་པར་ཕྱེ་བ་གཉིས་པ་ལ་མེ་ཏོག་གི་རེ་ཁཱ་བྲི་བར་བྱའོ། །གསུམ་པ་ལ་
D686.092.0201a03.01ནོར་བུ་རིན་པོ་ཆེ་ཆེན་པོའི་སྐུད་པ་རེ་ཁཱ་བྲི་བར་བྱའོ། །རེ་ཁཱ་བཞི་པ་ལ་ལག་པའི་ཕྱག་རྒྱ་མཚོན་ཆ་སྣ་ཚོགས་པ་འཛིན་པ་བྲི་བར་བྱའོ། །རེ་ཁཱ་ལྔ་པ་ལ་ཁ་ཁྱེར་གྱི་རྣམ་པ་བྲི་བར་བྱ་སྟེ། ཚོན་སྣ་ཚོགས་པས་རྣམ་པར་ཕྱེ་བ་རྣམ་པར་བཀྲ་བའོ། །དཀྱིལ་འཁོར་གྱི་ཕྱིའི་ཁོར་ཡུག་ཏུ་མཚན་
D686.092.0201a04.01མའི་ཕྱག་རྒྱ་མཚོན་ཆ་སྣ་ཚོགས་པ་རྣམས་བྲི་བར་བྱའོ། །དཀྱིལ་འཁོར་གྱི་སྒོ་བཞི་རྣམས་སུ་གནོད་སྦྱིན་ཆེན་པོ་བཞི་བྱ་སྟེ། དྲག་པོ་དྲག་ཏུ་རྒོད་པའི་གཟུགས་ཅན་མཆེ་བ་གཙིགས་པ་བཞིན་རྣམ་པར་འགྱུར་བ་བུམ་པ་གང་བ་ཐོགས་པ། སྐྲ་བརྫེས་པ། རྒྱན་ཐམས་ཅད་ཀྱིས་
D686.092.0201a05.01རྣམ་པར་བརྒྱན་པ་ཐོད་པའི་ཅོད་པན་ཅན་འབར་བའི་སྙིང་པོའི་ལུས་ཅན་རི་བོའི་གདན་ལ་གནས་པར་བྱའོ། །དཀྱིལ་འཁོར་གྱི་རེ་ཁཱའི་ཕྱི་རོལ་དུ་ཕྲེང་གསུམ་འགྱུར་དུ་བྲི་བར་བྱའོ། །པདྨ་དང་། ཨུཏྤལ་སྔོན་པོ་དང་། ཙམ་པ་ཀ་དང་། སྣ་མའི་མེ་ཏོག་དང་། བཱརྵི་ཀ་དང་། ཨ་དྷི་མུཀྟ་ཀ་
D686.092.0201a06.01རྣམས་རྣམ་པར་དབྱེ་བར་བྱའོ། །དེ་ནས་རིག་སྔགས་འཆང་གིས་དཀྱིལ་འཁོར་ལེགས་པར་བྲི་བར་བྱས་ནས་ཤིན་ཏུ་རྣམ་པར་ཕྱེ་བ། ཤིན་ཏུ་མཁས་པ་དཀྱིལ་འཁོར་གྱི་ཁོར་ཡུག་ཏུ་རྒྱན་དང་། རྟ་བབས་བཞིས་མཛེས་པར་བྱས་པ། ཁོར་ཡུག་ཏུ་མདའ་དང་། ཚོན་སྣ་ཚོགས་ཀྱིས་རྣམ་
D686.092.0201a07.01