完整藏文原文 · 德格版页 当前仅加载第 92 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རིག་སྔགས་འཆང་གིས་ཡར་གྱི་ངོའི་ཚེས་{བཅྭ་,བཅོ་}ལྔའམ་ཚེས་བརྒྱད་ལ་ལེགས་པར་བཀྲུས་ཏེ་གོས་གཙང་མ་བགོས་ནས་ཞག་གཅིག་མཆིས་ཏེ། སྐྱིལ་མོ་ཀྲུང་བཅས་ནས་སངས་རྒྱས་ལ་མཆོད་པ་རྣམ་པ་སྣ་ཚོགས་བགྱིས་ཏེ། ཚིག་གཞན་མི་སྨྲ་བར་
D686.092.0031a01.01ཞགས་པ་ལ་ལན་སྟོང་རྩ་བརྒྱད་བཟླས་བརྗོད་བགྱིའོ། །དེ་ནས་སྟོང་རྩ་བརྒྱད་ཚང་བ་དང་། སྟན་བཟང་པོ་བཤམས་ནས། དེའི་སྟེང་དུ་ཞགས་པ་གཞག་པར་བགྱིའོ། །དོན་ཡོད་པའི་ཞགས་པའི་ཕྱག་རྒྱས་དབང་བསྐུར་བར་བགྱིའོ། །མེ་ཏོག་དང་། བདུག་པ་དང་། དྲི་
D686.092.0031a02.01དང་། ཕྲེང་བ་དང་། བྱུག་པ་དང་། ཕྱེ་མ་དང་། བ་དན་བཟང་པོ་ལ་སོགས་པས་མཆོད་པར་བགྱིའོ། །ཨ་ག་རུ་དང་། ཙན་དན་དང་། དུ་རུ་སྐའི་བདུག་པ་དབུལ་བར་བགྱིའོ། །མར་མེ་ཡང་དབུལ་བར་བགྱིའོ། །དེ་ནས་རིག་སྔགས་འཆང་གིས་ཡུངས་ཀར་ལ་ལན་ཉི་ཤུ་རྩ་
D686.092.0031a03.01གཅིག་བཟླས་བརྗོད་བགྱིས་ཏེ། ཞགས་པའི་སྟེང་དུ་གཏོར་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཡང་ཅི་འབྱོར་པས་མཆོད་པར་བགྱིའོ། །དེ་ནས་རིག་སྔགས་འཆང་གིས་ཞགས་པ་དེའི་མདུན་དུ་སྐྱིལ་མོ་ཀྲུང་བཅས་ཏེ། མ་འཁྲུགས་
D686.092.0031a04.01པས་གདུགས་རྩེའི་བར་དུ་མཆོད་པ་བགྱིས་ནས་བཟླས་བརྗོད་བགྱིའོ། །ཡུངས་ཀར་རེ་རེ་ལ་བཟླས་བརྗོད་རེ་རེ་བགྱིས་ཏེ། ཞགས་པའི་སྟེང་དུ་གཏོར་ཞིང་སྟོང་རྩ་བརྒྱད་ཚང་གི་བར་དུ་གདུགས་རེ་རེ་མཆིས་པར་བགྱི་སྟེ། རྡོ་ཅི་ཐོགས་པས་གདུགས་རྩེའི་བར་དུ་བཟླས་བརྗོད་
D686.092.0031a05.01བགྱིའོ། །མཆོད་པ་བགྱིའོ། །ཁ་ཟས་ངན་པ་སྤང་བར་བགྱིའོ། །ལྷག་མ་དང་སྤགས་པ་སྤང་བར་བགྱིའོ། །གོས་གཙང་མ་བགོ་བར་བགྱིའོ། །སྟོང་རྩ་བརྒྱད་ཚང་ནས་ཞགས་པ་འབར་བར་འགྱུར་ཏེ། གལ་ཏེ་འཇིག་རྟེན་པའི་གྲུབ་ན་ནི་མེའི་ཁ་དོག་ཏུ་འབར་བར་འགྱུར་རོ། །
D686.092.0031a06.01གལ་ཏེ་འཇིག་རྟེན་ལས་འདས་པའི་གྲུབ་ན་ནི། ཁ་དོག་སྣ་ཚོགས་འབར་བར་འགྱུར་རོ། །དོན་ཡོད་པའི་ལུས་དེ་ཡང་འབར་བར་འགྱུར་རོ། །སྒྲ་འབྱུང་བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་འཇིག་རྟེན་ལས་འདས་པའི་བྱང་ཆུབ་ཀྱི་སེམས་ཀྱི་
D686.092.0031a07.01