完整藏文原文 · 德格版页 当前仅加载第 92 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་སྟོང་བགྱིའོ། །བརྒྱད་སྟོང་རྫོགས་ན་ཕ་རོལ་གྱི་དམག་ཚོགས་ཐམས་ཅད་བཟློག་པར་འགྱུར་རོ། །གཡུལ་འགྱེད་པ་བཟློག་པར་འཚལ་ན་སྐེ་ཚེའི་ས་བོན་དང་། གུ་གུལ་དང་། བྷང་གའི་ས་བོན་དང་། ཞོ་ག་ཆུ་དང་། ཞུན་མར་དང་
D686.092.0292a01.01སྦྱར་བའི་སྦྱིན་སྲེག་བརྒྱད་སྟོང་བགྱིས་ན་གཡུལ་འགྱེད་པའི་ནང་དུ་སོན་པའི་སེམས་ཅན་ཐམས་ཅད་སླར་བཟློག་པར་འགྱུར་ཞིང་། ཐམས་ཅད་དུ་རྒྱལ་བ་ཐོབ་པར་འགྱུར་རོ། །དེ་ནས་གདོན་ཐམས་ཅད་ལས་ཐར་བར་བགྱི་བར་འཚལ་ན་རིག་སྔགས་འཆང་དེས་བདུག་པ་
D686.092.0292a02.01འདི་སྦྱར་བ་འཚལ་བར་བགྱི་སྟེ། ཀྵེ་མ་ཀ་དང་ཤིང་མངར་དང་། །ཙ་རོང་དང་ནི་གུ་གུལ་དང་། །མུ་ར་ཡ་ཀྵ་མུ་ར་དང་། །བྷུ་ཏ་ཀེ་ཤི་མཉམ་པར་གཞལ། །ཕུབ་མ་དང་ནི་པ་ལ་ཀ །ཁྱིམ་བྱའི་སྒོ་ངའི་ཤུན་ལྤགས་དང་། །སྦྲུལ་ལྤགས་དང་ནི་ཡུང་རྣམ་
D686.092.0292a03.01གཉིས། །བྷ་གའི་ས་བོན་བ་ལང་མཁྲིས། །ཉ་དང་ལེགས་པར་སྦྱར་བགྱིས་ཏེ། །ར་ཡི་གཅིན་གྱིས་བསྒོས་པ་ལ། །ལྕགས་ཀྱུའི་གསང་སྔགས་བཟླས་པ་ཡིས། །བདུག་པ་དམ་པའི་གཙོ་བོ་འདི། །ཐམས་ཅད་དུ་ནི་རིགས་པ་སྟེ། །སྟོང་ཕྲག་བརྒྱད་ཅུ་རྩ་
D686.092.0292a04.01བཞི་གདོན། །གང་དག་ས་སྟེང་གནས་པ་རྣམས། །བདུག་པའི་དྲི་འདིས་འཇིག་འགྱུར་ཞིང་། །མི་བཟད་གདོན་རྣམས་འབྲོས་པར་འགྱུར། །ཕྱོགས་བཅུ་དག་ནི་གཡོ་འགྱུར་ཞིང་། །སུམ་ཅུའི་ལྷ་དང་རི་རབ་གཡོ། །གནོད་སྦྱིན་སྲིན་པོའི་གནས་དག་
D686.092.0292a05.01དང་། །སྡང་བའི་སྲོག་ཆགས་ཆེན་པོ་འཚིག །གཞན་ཡང་སྣ་ཚོགས་དུག་བཅས་པའི། །སྲོག་ཆགས་ཐམས་ཅད་འཇིག་འགྱུར་བ། །དྲི་ཙམ་གྱིས་ནི་དོགས་པ་མེད། །བདུག་པ་འདིས་ནི་བདུག་བྱས་ན། །དེར་ནི་རིམས་ནད་མི་གནས་ཏེ། །ཉིན་གཅིག་པ་
D686.092.0292a06.01ཡི་རིམས་དང་ནི། །ཉིན་གཉིས་པ་དང་བཞི་པའི་རིམས། །གང་ཡང་མི་བཟད་ཁྱབ་འཇུག་རིམས། །དེ་དག་ཐམས་ཅད་འཇིག་འགྱུར་ཞིང་། །སྐད་ཅིག་གིས་ནི་གཏན་ནས་འཇོམས།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་
D686.092.0292a07.01