完整藏文原文 · 德格版页 当前仅加载第 92 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
དུག་ཅན་པ་དང་། ཟབ་བར་མཚུངས་པས་ཏེ། འདི་ནི་གཏིང་དཔག་དཀའ་བའོ། །ལག་ན་རྡོ་རྗེ་རྒྱ་མཚོ་ཆེན་པོ་ཐིགས་པའི་གྲངས་ཀྱིས་བགྲང་བར་ནུས་ཀྱི། ལག་ན་རྡོ་རྗེ་དོན་ཡོད་ཞགས་པའི་སྙིང་པོའི་ཚད་ནི་གཟུང་བར་མི་ནུས་སོ། །ལག་ན་རྡོ་རྗེ་རིའི་རྒྱལ་པོ་རི་རབ་ནི་
D686.092.0175a01.01རྡུལ་ཕྲ་རབ་ཏུ་གཏོར་བའི་གྲངས་ཀྱིས་མཐར་ཐུག་པར་བྱ་བར་ནུས་ཤིང་། སླར་ཡང་རིའི་རྒྱལ་པོ་རི་རབ་ཏུ་གནས་པར་འདོད་པས་རང་གི་གནས་སུ་རབ་ཏུ་བཞག་པར་ནུས་ཀྱི་དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་ཚད་ནི་གཟུང་བར་མི་ནུས་སོ། །དེ་ལྟར་རྒྱ་ཆེ་བ། དེ་ལྟར་གཏིང་དཔག་
D686.092.0175a02.01དཀའ་བ། དེ་ལྟར་ཟབ་པ་སྟེ། ལག་ན་རྡོ་རྗེ། འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱིས་མཁྱེན་པ་དང་། གཏིང་དཔག་པར་མི་ནུས་སོ། །དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་ཆེད་འཛིན་པར་ནི་མི་ནུས་སོ། །
D686.092.0175a03.01ལག་ན་རྡོ་རྗེ་སྒྱུ་མ་ལྟ་བུ་གང་ཡིན་པ་དེ་དང་། སྙིང་པོ་དང་། ཏིང་ངེ་འཛིན་གང་ཡིན་པ་དེ་དང་། ཞགས་པ་དང་། སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་འདི། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་སེམས་ཅན་རྣམས་ཀྱི་
D686.092.0175a04.01གཟུགས་དང་། ཁ་དོག་དང་། དབྱིབས་སྣ་ཚོགས་པ་དང་། ཚུལ་སྣ་ཚོགས་སུ་མཐོང་བར་བྱེད་དེ། སེམས་ཅན་ཐམས་ཅད་བསྒྲལ་བའི་ཆེད་དང་། རིག་སྔགས་འཆང་ཐམས་ཅད་ཀྱི་དངོས་གྲུབ་ཀྱི་མཆོག་སྒྲུབ་པར་བྱེད་པའོ། །ལག་ན་རྡོ་རྗེ་འདི་ནི་བྱང་ཆུབ་སེམས་དཔའ་སེམས་
D686.092.0175a05.01དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐམས་ཅད་དུ་མཉམ་པར་འགྲོ་བ་སྟེ། གང་དུ་ཆུ་དང་འོ་མ་མཉམ་པས་མཉམ་པ་བཞིན་ནོ། །ཐམས་ཅད་དུ་མཉམ་པས་བྱམས་པ་དང་སྙིང་རྗེ་ཆེན་པོ་རྒྱས་པར་བྱེད་དོ། །དོན་ཡོད་པའི་ཞགས་པས་འགུགས་པར་བྱེད་ལ་སྒྲོལ་བར་བྱེད་
D686.092.0175a06.01དོ། །འཆི་བ་མེད་པའི་ཐད་རྡོ་རྗེའི་དཀྱིལ་འཁོར་དུ་འཇོག་པར་བྱེད་དོ། །དམན་པ་དང་། མཆོག་དང་། བར་མ་དང་། རིགས་མཐོན་པོ་དང་། དམའ་བ་དང་། དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པ་རྣམས་ཐམས་ཅད་དུ་མཉམ་པར་དྲན་པར་
D686.092.0175a07.01