完整藏文原文 · 德格版页 当前仅加载第 92 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དོན་ཡོད་པའི་ཞགས་པའི་གཙུག་ཏོར་གྱིས་ལན་བརྒྱ་རྩ་བརྒྱད་བཟླས་བརྗོད་བྱས་ནས་སྣོད་གཙང་མའི་ནང་དུ་བཅུག་ལ་ནམ་དགོས་པ་བྱུང་བ་དེའི་ཚེ་ཐམས་ཅད་དུ་བསྒྲུབ་པའི་དགོས་པ་ཐམས་ཅད་ལ་སྦྱར་བར་བྱའོ། །དེ་ནས་རིག་སྔགས་འཆང་གཙང་
D686.092.0193a01.01མར་གྱུར་པས་ལུས་ལེགས་པར་ཁྲུས་བྱས་ལ་སྤོས་ཆུས་བྱུགས་ཏེ། གོས་གཙང་མ་བགོ་བར་བྱ། སྨན་གྱི་མཆོག་འདི་ཡུངས་མར་གྱིས་སྦྲུས་ལ་རང་གི་ལུས་ལ་བྱུག་པར་བྱ་སྟེ། ལན་ཅིག་བསྐུས་པ་ཙམ་གྱིས་མི་སྣང་བར་འགྱུར་ལ། གནས་གསང་བར་བྱ་བའི་
D686.092.0193a02.01སྒོ་བཅད་པ་ཐམས་ཅད་མཐོང་བར་འགྱུར། གནས་ཐམས་ཅད་དུ་ཇི་ལྟར་འདོད་པ་བཞིན་དུ་འཇུག་པར་འགྱུར། དོན་ཐམས་ཅད་བྱེད་པར་འགྱུར། འབྱུང་པོ་དང་། གནོད་སྦྱིན་དང་། སྲིན་པོ་དང་། ཤ་ཟ་ལ་སོགས་པའི་གཙོ་བོ་རྒྱལ་པོར་འགྱུར་ཞིང་དེ་དག་ཐམས་
D686.092.0193a03.01ཅད་དབང་དུ་འགྱུར་ཏེ། ཅི་བགྱི་ཞེས་བྱ་བ་བྱེད་ལ་ཇི་སྲིད་འཚོའི་བར་དུ་ཉེ་བར་གནས་ནས་ལས་སུ་བྱ་བའི་དགོས་པ་ཐམས་ཅད་ཀྱི་རྗེས་སུ་འཇུག་པར་འགྱུར་རོ། །ཀླུའི་གནས་ཀྱི་སྒོ་བཅད་པ་ཐམས་ཅད་ན་འདུག་ལ་ཀླུ་འཁོར་དང་བཅས་པ་ཐམས་ཅད་མདུན་དུ་
D686.092.0193a04.01འཁོད་ནས་བྱ་བ་ཐམས་ཅད་ལ་ཅི་བགྱི་ཞེས་བྱ་བ་བྱེད་པར་འགྱུར་ཞིང་ལས་སུ་བྱེད་པ་དང་། དགོས་པ་ཐམས་ཅད་བྱེད་པར་འགྱུར། ཇི་སྲིད་འཚོའི་བར་དུ་ཉེ་བར་འཁོད་ཅིང་ཉིན་མཚན་དུ་གནས་ལ། དེ་ནས་ཀླུ་ཐམས་ཅད་བསྒོ་བ་བཞིན་བྱེད་པར་འགྱུར་རོ། །སྨན་
D686.092.0193a05.01ལ་སིང་ཧ་ཛི་ཧྭ་དང་། བའི་འོ་མ་དང་སྦྱར་བས་མགོ་ཀུན་བྱུགས་ན་ཇི་ལྟ་བ་ཡིད་ལ་བྱས་པ་དང་། རང་གི་བློས་འདོད་པའི་ངོ་བོ་སྣ་ཚོགས་པར་བྱེད་དོ། །གནས་སུ་གཏོགས་པ་ཐམས་ཅད་ཇི་ལྟར་འདུག་པ་བཞིན་སྟོན་པར་བྱེད། གནས་སུ་གཏོགས་པ་
D686.092.0193a06.01ཐམས་ཅད་འཁོར་གྱི་ནང་ན་ཇི་ལྟར་རྣམ་པར་སྤྲུལ་པའི་གཟུགས་སྣ་ཚོགས་སྟོན་པར་བྱེད། ཇི་སྲིད་འཚོའི་བར་དུ་འཕེལ་བ་རྣམས་སྟོན་པར་བྱེད་ཅིང་བྱ་བ་ཐམས་ཅད་བྱེད་དོ། །སྤོས་ཀྱི་ཏིལ་མར་དང་སྦྲུས་ནས་བྱིན་པ་དང་། རྐང་པ་ལ་བསྐུས་ན་ནམ་མཁའ་ལ་འཕགས་
D686.092.0193a07.01