完整藏文原文 · 德格版页 当前仅加载第 92 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཐུབ་ཆེན་གྱི། །བསོད་ནམས་ཕུང་པོ་ཆེན་པོ་འཐོབ། །གང་ཞིག་ནོར་བུ་འདི་འཆང་བ་དེ་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞི་སྙེད་ལས་དགེ་བའི་རྩ་བ་བསྐྱེད་པར་འགྱུར། །དེ་བཞིན་གཤེགས་པ་དེ་དག་ཐམས་ཅད་མཐོང་ཞིང་
D686.092.0115b01.01དབུགས་འབྱིན་པ་དང་། ཕྱི་བཞིན་འབྲང་བར་འགྱུར། དཔལ་དང་སྐལ་བ་བཟང་པོ་ཐམས་ཅད་དང་ལྡན་པར་འགྱུར། རྟག་ཏུ་ལུས་དང་ངག་དང་ཡིད་ཡོངས་སུ་དག་པར་འགྱུར། སེམས་ཅན་ཐམས་ཅད་ཀྱིས་མཆོད་པ་གཅིག་བུར་འགྱུར། དགྲ་ཐམས་ཅད་ཀྱིས་མི་སོད་པར་འགྱུར།
D686.092.0115b02.01ཕྱག་ན་རྡོ་རྗེས་དེ་ལ་རྟག་ཏུ་བསྲུང་བ་དང་། བསྐྱབ་པ་དང་། སྦ་བའི་ཕྱིར་གནས་པར་འགྱུར་རོ། །ཕྱག་ན་པདྨ་ཡང་རྟག་ཏུ་མཆོག་སྦྱིན་པར་འགྱུར་རོ། །རིག་སྔགས་འཆང་འདི་ནི་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པ་སྟེ། འདིར་དེ་བཞིན་གཤེགས་པ་ཐམས་ཅད་ཀྱི་
D686.092.0115b03.01ནོར་བུ་ཆེན་པོ་བཟུང་བས་སྡང་བ་བདུད་ལ་སོགས་པ་ཐམས་ཅད་དང་བགེགས་དང་ལོག་འདྲེན་ཐམས་ཅད་ལས་རྒྱལ་ཏེ། ཕ་རོལ་ཕམ་པར་མཛད་ནས་ཆོས་ཀྱི་འཁོར་ལོ་བསྐོར་རོ། །འདིས་རྔ་བོ་ཆེ་ལ་བསྐུས་ཏེ་བརྡུངས་ན་ཆོས་ཀྱི་རྔ་བོ་ཆེ་བརྡུངས་པར་འགྱུར་རོ། །གང་དག་སྒྲ་ཐོས་པ་ཙམ་
D686.092.0115b04.01གྱིས་སེམས་ཅན་ཐམས་ཅད་ཀྱི་མཚམས་མེད་པ་ལྔའི་སྡིག་པ་རབ་ཏུ་ཞི་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པའི་{རི་དགས་,རི་དྭགས་}དང་བྱ་གང་ཡིན་པ་དེ་དག་ཐམས་ཅད་ཡོངས་སུ་གྲོལ་བར་འགྱུར་རོ། །འཕགས་པ་ལ་སྐུར་བ་འདེབས་པ་དང་། དམ་པའི་ཆོས་
D686.092.0115b05.01སྤོང་བ་དང་། མནར་མེད་པ་ལ་གཞོལ་ཞིང་གནས་པ་དག་ལས་ཡོངས་སུ་གྲོལ་བར་འགྱུར། དམྱལ་བ་ཆེན་པོ་བཅུ་དྲུག་ལས་ཡོངས་སུ་གྲོལ་བར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། དེ་ལ་དུག་གི་འཇིགས་པ་འབྱུང་བར་མི་འགྱུར། མེའི་འཇིགས་
D686.092.0115b06.01པ་འབྱུང་བར་མི་འགྱུར། མཚོན་གྱི་འཇིགས་པ་འབྱུང་བར་མི་འགྱུར། དུས་མ་ཡིན་པར་འཆི་བའི་འཇིགས་པ་འབྱུང་བར་མི་འགྱུར། རིམས་ཐམས་ཅད་ཀྱི་འཇིགས་པ་འབྱུང་བར་མི་འགྱུར། འདིས་དུང་ལ་བསྐུས་ཏེ་བུས་ན་ཆོས་ཀྱི་དུང་ཆེན་པོ་བུས་པར་འགྱུར། ཐ་ན་དུང་གི་སྒྲ་
D686.092.0115b07.01