完整藏文原文 · 德格版页 当前仅加载第 92 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་གཡས་པ་དང་བརླ་གཡས་པ་ལ་བཏགས་ན་ནགས་ཀྱི་ཕུག་གི་གཞལ་མེད་ཁང་གི་གནས་ཐམས་ཅད་ཀྱི་སྒོ་ཕྱེ་ཞིང་། སྨན་གྱི་དངོས་པོ་ཐམས་ཅད་རང་གི་གཟུགས་ཀྱིས་མདུན་ན་གནས་པར་འགྱུར་ཞིང་ཐམས་ཅད་དབང་དུ་འགྱུར་རོ། །རྐང་པའི་རྗེ་ངར་ལ་བཏགས་
D686.092.0119a01.01ན་རླུང་གི་ཕུང་པོ་དང་པོའི་སྟོབས་ཀྱི་ཤུགས་ཆེན་པོ་དང་ལྡན་པར་འགྱུར་ཞིང་། ཅུང་ཟད་ཙམ་སོང་བས་དཔག་ཚད་སྟོང་ཕྲག་བཅུར་འགྲོ་ཞིང་སླར་ཡང་འོང་བར་འགྱུར། ཉིན་མཚན་གཅིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རླུང་ཆེན་པོའི་ཤུགས་ཀྱི་སྟོབས་དང་
D686.092.0119a02.01བརྩོན་འགྲུས་ཀྱིས་སོང་སྟེ། སླར་ཡང་འོང་བར་འགྱུར་ཞིང་གང་གིས་ཀྱང་གནོད་པར་མི་འགྱུར། ཐམས་ཅད་དུ་དགོས་པ་བསྒྲུབ་པ་ཐམས་ཅད་འགྲུབ་པར་འགྱུར་རོ། །རྐང་མཐིལ་ལ་བཏགས་ན་སའི་འོག་གི་དངོས་གྲུབ་ཆེན་པོ་ཐོབ་པར་འགྱུར་ཞིང་། སའི་འོག་ཕུག་གི་སྒོ་
D686.092.0119a03.01ཐམས་ཅད་བྱེ་བར་འགྱུར་ཏེ། རང་ཇི་ལྟར་འདོད་པ་དེར་འཇུག་ཅིང་འབྱུང་བར་འགྱུར་རོ། །ཁར་བཅུག་ན་ཉི་མ་རེ་རེ་ཚིགས་སུ་བཅད་པ་སྟོང་ལོབས་པར་འགྱུར་རོ། །མིད་པ་ཙམ་གྱིས་ཐོས་པ་རྒྱ་མཚོ་བསགས་པར་འགྱུར་རོ། །ལྕེའི་རྩེ་མོར་བཞག་ན་ལྕེ་པདྨ་དང་ཀུ་མུ་
D686.092.0119a04.01ད་ལྟར་འཇམ་པར་འགྱུར་ཞིང་ཐོས་པ་མང་པོ་འཛིན་པར་འགྱུར་རོ། །ལག་པ་ལ་བྱུགས་ན་གང་ལ་རེག་པ་དེ་བྲན་བཞིན་དུ་འགྱུར་རོ། །སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་ཐམས་ཅད་བགྱི་བ་ཅི་མཆིས་ཞེས་ཐམས་ཅད་དབང་དུ་
D686.092.0119a05.01འགྱུར་རོ། །ནོར་བུ་བསྒྲུབ་པའི་ཆོ་གའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དོན་ཡོད་གྲུབ་ཀྱི་བུམ་པ་རབ་མཆོག་ཅེས་
D686.092.0119a06.01བགྱི་བའི་སྒྲུབ་པའི་ཆོ་ག་ཆེན་པོ་མཆིས་ཏེ། དོན་ཡོད་པའི་ཞགས་པའི་སྙིང་པོ་ཡིད་བཞིན་གྱི་ནོར་བུའི་གཟུངས་ཀྱི་མཐུ་བསྟན་པ་ཇི་ལྟ་བ་དེར་དེ་ལྟར་བཅོམ་ལྡན་འདས་བུམ་པ་ཆེན་པོའི་མཐུ་སྒྲུབ་པའི་ཆོ་ག་འདི་རྣམ་པར་འཕྲུལ་བ་བསམ་གྱིས་མི་ཁྱབ་བསྒྲུབ་པ་འགྲུབ་པར་འགྱུར་
D686.092.0119a07.01