完整藏文原文 · 德格版页 当前仅加载第 92 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་དང་བཅས་པ་དབང་དུ་བགྱི་བར་འཚལ་ན། རིག་སྔགས་འཆང་དེས་ལེགས་པར་ཁྲུས་བགྱིས་ཏེ། གཙང་མས་གོས་གཙང་མ་བགོས་ནས། འོ་ཐུག་མར་དང་བསྲེས་པ་འདིས་ལན་བརྒྱ་རྩ་བརྒྱད་སྦྱིན་སྲེག་བགྱིའོ། །སྒྲོན་ཤིང་དང་ཨརྐའི་ཤིང་གི་ཡམ་སྲེག་ཤིང་
D686.092.0061a01.01གིས་མེ་སྦར་བར་བགྱིའོ། །སྦྱིན་སྲེག་ལན་སྟོང་རྩ་བརྒྱད་ཚང་བ་དང་། རྒྱལ་པོ་བཙུན་མོའི་འཁོར་དང་དཔུང་གི་ཚོགས་ཡན་ལག་བཞི་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །ནུབ་གསུམ་དུ་བགྱིས་ན། ཀླུའི་རྒྱལ་པོ་ཐམས་ཅད་གནས་དང་འཁོར་
D686.092.0061a02.01དུ་བཅས་པ་དབང་དུ་གྱུར་ནས་མཆིས་པར་འགྱུར་རོ། །ནུབ་ལྔར་བགྱིས་ན་འབྱུང་པོ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་མ་ལགས་པ་ཐམས་ཅད་དང་། མི་ཐམས་ཅད་འཁོར་དང་
D686.092.0061a03.01བཅས་པར་དབང་དུ་གྱུར་ནས་མཆིས་པར་འགྱུར་རོ། །ནུབ་བདུན་དུ་བགྱིས་ན་རིག་སྔགས་འཛིན་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །ནུབ་ཐམས་ཅད་དུ་བགྱིས་ན། བརྒྱ་བྱིན་ལ་སོགས་པ་སུམ་ཅུ་རྩ་གསུམ་རིས་ཀྱི་ལྷ་རྣམས་དང་། ལྷའི་བུ་མོའི་ཚོགས་ཐམས་ཅད་དང་
D686.092.0061a04.01གཙང་མའི་ལྷའི་བུ་མོ་ཐམས་ཅད་བབས་ནས་དབང་དུ་འགྱུར་ཏེ། ཇི་སྲིད་འཚོའི་བར་དུ་བསྙེན་བཀུར་བགྱིད་ཅིང་མཆིས་པར་འགྱུར་རོ། །ཟླ་བ་ཉ་ནས་བརྩམས་ཏེ་མར་གྱི་ངོའི་ཚེས་ཉི་ཤུ་གསུམ་མམ་གནམ་སྟོང་གི་བར་དུ་དུས་གསུམ་དུ་ལན་ཉི་ཤུ་རྩ་གཅིག་སྦྱིན་སྲེག་བགྱིས་ལ། ཨརྐའི་
D686.092.0061a05.01ཤིང་གི་ཡམ་སྲེག་ཤིང་གིས་མེ་སྦར་ནས་གནམ་སྟོང་གིས་རྫོགས་པ་དང་། འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་དུ་མཆིས་ནས། རིག་སྔགས་འཆང་ལེགས་སོ་ཞེས་བགྱི་བ་སྩོལ་བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །
D686.092.0061a06.01ང་མཉེས་པར་བྱས་ཀྱིས། རིག་སྔགས་འཆང་སྨྲོས་ཤིག་དང་། མཆོག་སྦྱིན་ཏེ་གང་གཉེར་བ་དེ་ཐམས་ཅད་སྦྱིན་ནོ། །གཏེར་སྨྲ་བའམ། ནོར་བསྒྱུར་བར་སྨྲ་བའམ། ཞིང་སྨྲ་བའམ། ནམ་མཁའ་ལ་འགྲོ་བའམ། མི་སྣང་བར་བྱ་བའམ། གསང་སྔགས་སྨྲ་བའམ། ཆོ་ག་
D686.092.0061a07.01