完整藏文原文 · 德格版页 当前仅加载第 92 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གོས་དང་། རྒྱན་དང་། ལྷབ་ལྷུབ་ཀྱིས་བརྒྱན་པའི་གཞལ་མེད་ཁང་དུ་འགྱུར་རོ། །ནོར་དང་། འབྲུ་དང་། མཛོད་དང་། བང་བ་ཡོངས་སུ་གང་ཞིང་མཆིས་པར་འགྱུར་རོ། །ནོར་བུ་དང་། གསེར་དང་། རྡོ་རྗེ་དང་། བཻ་ཌཱུརྱ་དང་། གསེར་དང་། ཤང་ཀ་ཤཱི་ལ་དང་། བྱི་རུ་དང་།
D686.092.0289b01.01དངུལ་དང་། ས་ལེ་སྦྲམ་དང་། དངུལ་སྐྱོག་དཔག་ཏུ་མེད་པ་ཐོབ་པའི་གཏེར་སྩོལ་བར་བགྱིད་དོ། རྟ་དང་། བ་ལང་དང་། མ་ཧེ་དང་། ཕྱུགས་དང་། བྲན་ཕོ་དང་། བྲན་མོ་རབ་ཏུ་མང་པོ་མང་པོར་འཕེལ་ཞིང་མཆིས་པར་འགྱུར་རོ། །མལ་ཆའི་ལོངས་སྤྱོད་སྣ་ཚོགས་སྩོལ་བར་
D686.092.0289b02.01བགྱིད་དོ། །ལྷ་རྫས་ཀྱི་ཆུང་མའི་ལོངས་སྤྱོད་བུད་མེད་གཟུགས་སྣ་ཚོགས་པའི་འཁོར་བརྒྱ་དང་ལྡན་པ་ཉིན་གཅིག་བཞིན་དུ་གནས་པར་འགྱུར་རོ། །ཡོ་བྱད་ཐམས་ཅད་ཕུན་སུམ་ཚོགས་པས་ཇི་སྲིད་འཚོའི་བར་དུ་གནས་པར་འགྱུར་རོ། །ཚེ་ལྷའི་ལོ་སྟོང་ཐུབ་པར་འགྱུར་རོ། །རིག་
D686.092.0289b03.01སྔགས་འཆང་གིས་བག་ཡོད་པར་བགྱི་སྟེ། དཀོན་མཆོག་གསུམ་ལ་མཆོག་ཏུ་གུས་པ་དང་། འཕགས་པ་སྤྱན་རས་གཟིགས་དབང་ཕྱུག་དང་། རྡོ་རྗེ་འཛིན་ལ་མཆོག་ཏུ་གུས་པར་བགྱིའོ། །རྟག་ཏུ་སྦྱིན་པ་ལ་མངོན་པར་དགའ་བར་བགྱི་ཞིང་སེམས་ཅན་ཐམས་ཅད་ལ་མཆོག་ཏུ་སྙིང་བརྩེ་
D686.092.0289b04.01བར་བགྱིའོ། །གཞན་དུ་མི་སྨྲ་བར་བགྱིའོ། །གལ་ཏེ་ལས་བྱེད་པར་གྱུར་ན་དེའི་ཚེ་རྒྱལ་པོ་ལ་བགྱི་བ་བཞིན་དུ་ལས་ཐམས་ཅད་བགྱིད་དེ། ཤིན་ཏུ་ཡོངས་སུ་རྫོགས་ཀྱི་བར་དུ་ལས་ལ་མངོན་པར་བརྩོན་པར་འགྱུར་རོ། །ཇི་སྟེ་མངག་གཞུག་མར་གྱུར་ན་གནས་གང་དུ་མངག་པ་དེའི་གནས་ཐམས་
D686.092.0289b05.01ཅད་དུ་མཆི་སྟེ། དཔག་ཚད་སྟོང་གི་ཕ་རོལ་དུ་མཆི་ཞིང་། སྐད་ཅིག་གིས་སླར་ཡང་མཆིའོ། །ཐམས་ཅད་དུ་གཏེར་ཆེན་པོ་འབྱིན་པར་བགྱིད་འདྲེན་པར་བགྱིད་དོ། །དཔག་ཚད་སྟོང་གི་ཕ་རོལ་ནས་བུད་མེད་འགུགས་པར་བགྱིད་ཅིང་། ནོར་དང་། འབྲུ་དང་། གླང་པོ་ཆེ་དང་། མ་ཧེ་དང་
D686.092.0289b06.01རྟ་དག་འགུགས་པར་བགྱིད་དེ། སླར་ཡང་གཏོང་བར་བགྱིད་དོ། །བག་ཡོད་པས་བསྒོ་བར་བགྱི་སྟེ། བདག་ཉིད་ཤིན་ཏུ་རིང་པོའི་ཡུལ་དང་། གནས་སུ་འཕེན་པར་བགྱིད། གནོད་སྦྱིན་དང་། སྲིན་པོ་དང་། འབྱུང་པོ་དང་། ལྷ་མ་ཡིན་གྱི་གནས་སུ་འདེགས་པར་བགྱིད་དེ།
D686.092.0289b07.01