完整藏文原文 · 德格版页 当前仅加载第 92 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་གང་གཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་སྟོང་ཀུན་ནས་གཤེགས་ནས་ནམ་མཁའི་དཀྱིལ་ལ་རྫུ་འཕྲུལ་གྱིས་བཞུགས་སོ། །དོན་ཡོད་པའི་རིམ་པར་ཕྱེ་བའི་སྤྲིན་ལྷའི་རིན་པོ་ཆེ་སྣ་བདུན་ཕབ་ལ་འབབ་པས་ཁེབས་པ་དང་། ལྷའི་རིན་པོ་ཆེ་སྣ་བདུན་
D686.092.0216a01.01གྱི་མེ་ཏོག་རྣམས་དང་། ལྷའི་རྒྱན་དང་། གོས་སྣ་ཚོགས་པའི་ཆར་བཅོམ་ལྡན་འདས་དང་། འཕགས་པ་སྤྱན་རས་གཟིགས་དོན་ཡོད་པའི་རྒྱལ་པོའི་ཚུལ་དུ་ཞུགས་པ་ལ་མཆོད་པ་དང་། བཀུར་སྟི་བྱ་བའི་ཕྱིར་རབ་ཏུ་ཕབ་བོ། །སངས་རྒྱས་བཅོམ་ལྡན་འདས་དེ་དག་གིས་ཀྱང་
D686.092.0216a02.01ལེགས་སོ་ཞེས་བྱ་བའི་སྒྲ་འབྱིན་པར་མཛད་དེ། སེམས་དག་པ་ཆེན་པོ་ཁྱོད་ཀྱིས་སངས་རྒྱས་འབྱུང་བ་མཆོག་བསྟན་པ་ལེགས་སོ་ལེགས་སོ། །འདི་ལྟ་སྟེ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་ཕྱག་རྒྱ་དང་། དཀྱིལ་འཁོར་དང་། རིག་སྔགས་ཀྱི་གནས་
D686.092.0216a03.01རིམ་པར་ཕྱེ་བ་རྣམ་པར་ཐར་པའི་དཀྱིལ་འཁོར་དང་། ཡི་གེ་གཅིག་པའི་རྗེས་སུ་ཞུགས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཉི་མ་གཅིག་ཤར་བ་ཡིན་ནོ། །གང་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་སྟོང་གསུམ་
D686.092.0216a04.01གྱི་སྟོང་ཆེན་པོའི་འཇིག་རྟེན་གྱི་ཁམས་རྡུལ་ཕྲ་མོ་སྙེད་ཀྱི་སངས་རྒྱས་འབྱུང་བ་རྫོགས་པར་སངས་རྒྱས་འབྱུང་བ་གཅིག་གིས་ཐམས་ཅད་ཀྱི་རྗེས་སུ་ཞུགས་པ་ཡིན་ཞིང་། སྙིང་པོ་ཡི་གེ་གཅིག་གིས་རྗེས་སུ་ཞུགས་པ་ཡིན་ལ་ཕྱག་རྒྱ་དང་། དཀྱིལ་འཁོར་རིམ་པར་ཕྱེ་བ་དང་།
D686.092.0216a05.01དམ་ཚིག་གཅིག་གིས་རྗེས་སུ་ཞུགས་པ་ཡིན་ནོ། དོན་ཡོད་པའི་རྣམ་པར་འཕྲུལ་པ་རྣམ་པར་ཐར་པའི་དཀྱིལ་འཁོར་དེ་བཞིན་གཤེགས་པའི་གསང་བ་བཟང་པོ་འདི་ནི་དོན་ཡོད་པའི་གསང་སྔགས་ཀྱི་ཞགས་པས་དྲངས་ཤིང་སྐུ་གཅིག་གི་དམ་ཚིག་ལ་བཀོད་པ་ཡིན་ཏེ། དེ་
D686.092.0216a06.01ནས་དོན་ཡོད་པའི་ཞགས་པ་ཞེས་བྱ་བར་བྱིན་གྱིས་བརླབས་སོ། སྙིང་པོ་ཡི་གེ་གཅིག་པའི་གཟུངས་སྔགས་ནི་རྟག་ཏུ་བཀླགས་པས་གྲུབ་པ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་ཡིན་ནོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་
D686.092.0216a07.01