完整藏文原文 · 德格版页 当前仅加载第 92 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བཀྲ་བའི་བ་དན་དང་། གདུགས་དང་། རྒྱལ་མཚན་དང་། བ་དན་དང་། བླ་རེ་དང་། དར་དཔྱངས་དང་། ཁོར་ཡུག་ཏུ་བུམ་པ་གང་བ་བཅུ་དྲུག་དང་། གཏོར་མའི་བུམ་པ་བཅུ་དྲུག་དང་། དེ་བཞིན་དུ་བདུག་པའི་སྣོད་བཅུ་དྲུག་དང་། གཞོང་པ་བཅུ་དྲུག་ཏུ་རབ་ཏུ་བརྗོད་དོ། །ཁམ་པོར་
D686.092.0201b01.01བཅུ་དྲུག་ཏུ་བཤད་པ་དང་། དྲི་སྣ་ཚོགས་པའི་སྣོད་དང་། ལྷུང་བཟེད་བཅུ་དྲུག་ཉིད་དང་། མཆོད་ཡོན་གྱི་སྣོད་བཅུ་དྲུག་དང་། དངུལ་གྱི་སྣོད་བཞི་དང་། དྲིའི་ཕྱེ་མ་རྣམས་བཞག་ཅིང་གཏོར་མའི་བུམ་པ་བཅུ་དྲུག་བཞག་ནས་པོག་ཕོར་བཞིའི་ནང་དུ་ཙནྡན་དང་། ཨ་ག་རུ་དང་དུ་རུ་སྐ་
D686.092.0201b02.01དང་པོག་དང་། གུ་གུལ་གྱི་བདུག་པ་སྲེག་ཅིང་དེ་བཞིན་དུ་སྤྲྀ་ཀ་དང་། སྲ་རྩི་པོག་དང་། གུར་གུམ་དང་། གླ་རྩི་དང་། བོ་ལ་དང་། ག་པུར་ཙམ་དང་ཡང་དག་པར་ལྡན་པའོ། །དཀྱིལ་འཁོར་གྱི་ལྷ་ཐམས་ཅད་ཀྱི་བྱུག་པ་འདི་ཉེ་བར་གཞག་པར་བྱའོ། །ཙནྡན་དང་། གུར་གུམ་
D686.092.0201b03.01དང་། དེ་བཞིན་དུ་ཛཻ་གྷ་དང་། བལླི་ཀའི་ཕྱེ་མ་རྣམས་ཐམས་ཅད་ཡང་དག་པར་སྦྱར་བ་འདིས་ཕྱེ་མར་སྦྱར་བས་བསྒོས་པའོ། །མེ་ཏོག་སྣ་ཚོགས་གཅལ་དུ་བཀྲམ་ཞིང་ཇི་ལྟར་འདོད་པ། ཇི་ལྟར་སྟོང་པ་དང་། ཇི་ལྟར་ཐོབ་པའི་མེ་ཏོག་མཛེས་པ་མངོན་པར་གཏོར་བར་བྱའོ། །
D686.092.0201b04.01དཀྱིལ་འཁོར་གྱི་ཁོར་ཡུག་ཏུ་དྲིའི་ཆུས་གང་བའི་བུམ་པ་མ་རེག་པ་དང་གསེར་དང་། དངུལ་ལས་བྱུང་བའི་སྣོད་གསར་པ་ཉིད་དང་། ཟངས་དང་ས་ལས་བྱུང་བའི་མཆོག་དང་། དྲི་སྣ་ཚོགས་སྦྱར་བས་དགང་བར་བྱའོ། །བུམ་པ་དང་བཀྲ་ཤིས་བཅིང་བར་བྱ་ཞིང་པི་ཝང་དང་། གོས་
D686.092.0201b05.01བཟང་པོ་དང་། རྒྱན་དང་། ལྷབ་ལྷུབ་རྣམས་ཀྱིས་བརྒྱན་པར་བྱའོ། །རིང་བསྲེལ་པདྨའི་སྟེང་དུ་བཞག་ནས་བུམ་པ་དང་། གཙུག་ཏོར་གྱི་མཚན་ཉིད་དང་། སྣ་མའི་མེ་ཏོག་དང་། གདུ་བུ་བྱས་ནས་གཞག་པར་བྱའོ། །དབུས་ཀྱི་སྙིང་པོའི་དཀྱིལ་འཁོར་དུ་སྙིང་པོ་དང་། ཉེ་བའི་སྙིང་
D686.092.0201b06.01པོ་ཉིད་ཀྱི་གསང་སྔགས་སྟོང་ཕྲག་བརྒྱད་བཟླས་སོ། །དེ་ནས་གཏོར་མའི་ལས་ལ་མཉམ་པར་བཞག་ནས་སྣ་ཚོགས་པའི་གཟུགས་རྣམ་པ་སྣ་ཚོགས་དང་། དཀར་པོ་དང་། དེ་བཞིན་དུ་སྣ་ཚོགས་པའི་གཟུགས་ཉིད་དང་སྣ་ཚོགས་པའི་རོ་གཞག་པར་བྱའོ། །རྣམ་པ་སྣ་ཚོགས་སུ་
D686.092.0201b07.01