完整藏文原文 · 德格版页 当前仅加载第 92 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ལེགས་སོ། །ཞེས་བྱ་བ་བྱིན་ཏེ། སྙིང་རྗེ་ཆེན་པོ་དང་ལྡན་པ་ལེགས་སོ་ལེགས་སོ། །དེ་ཁོ་ན་ཉིད་བསྒྲུབ་པ་གྲུབ་པ། དེ་བཞིན་གཤེགས་པའི་རིགས་སྤྱིའི་དམ་ཚིག་ཐམས་ཅད་གྲུབ་པ། དོན་
D686.092.0216b01.01ཡོད་པའི་ཞགས་པའི་སྙིང་པོ་བསྒྲུབ་པ་བཀླགས་པས་འགྲུབ་པ་འདི་ནི་མཆོག་ཏུ་བཟང་བ་ཡིན་གྱིས་ཡོན་ཏན་གྱི་ཕུང་པོ་ཤོད་ཅིག །སྙིང་པོ་ཡི་གེ་འདི་ནི་དོན་ཡོད་པའི་ཞགས་པ་སྒྲུབ་པའི་ཆོ་ག་བསྒྲུབ་པ་བདེ་བ། བཀླགས་པས་གྲུབ་པ་ཕྱག་རྒྱ་དང་། དཀྱིལ་འཁོར་དང་། སྐུ་
D686.092.0216b02.01གཟུགས་རི་མོ་དང་བཅས་པ་བསྒྲུབ་པའི་ཆོ་ག་བླ་ན་མེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དོན་ཡོད་པའི་ཞགས་པ་པདྨ་ཡངས་
D686.092.0216b03.01པའི་དཀྱིལ་འཁོར་དང་། པདྨའི་རིགས་ཀྱི་རྣམ་པར་ཐར་པའི་དཀྱིལ་འཁོར་དང་། དེ་ཁོ་ན་ཉིད་ཀྱི་དམ་ཚིག་གསང་བ་ཆེན་པོ་དང་། རིགས་སྤྱིའི་སྒྲུབ་པ་བཀླགས་པས་འགྲུབ་པ་འདིའི་ཡོ་བྱད་དང་། ཆོ་ག་བཤད་པར་བགྱི་ཡིས་བཅོམ་ལྡན་འདས་ཀྱིས་བྱིན་གྱིས་བརླབ་
D686.092.0216b04.01ཏུ་གསོལ། བཅོམ་ལྡན་འདས་གང་གིས་དྲན་པ་ཙམ་གྱིས་བདག་མདུན་ན་ཉེ་བར་མཆིས་ཤིང་བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་བགྱི། རིག་སྔགས་ཀྱི་དངོས་གྲུབ་ཐམས་ཅད་རྗེས་སུ་སྩལ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ།
D686.092.0216b05.01སྤྱན་རས་གཟིགས་དབང་ཕྱུག་ལེགས་སོ་ལེགས་སོ། །དེ་ལྟར་ཁྱོད་ཀྱིས་སེམས་ཅན་ཐམས་ཅད་བསྒྲལ་བར་བྱ་ཞིང་། རིག་སྔགས་འཆང་རྣམས་ཀྱི་དངོས་གྲུབ་དམ་པ་མཆོག་དེ་ཁྱོད་ཀྱིས་རབ་ཏུ་སྦྱིན་པར་གྱིས་ཤིག། །དོན་ཡོད་པའི་ཞགས་པའི་སྙིང་པོ་གསང་བའི་དམ་
D686.092.0216b06.01ཚིག་དང་། ཡི་གེ་གཅིག་པོ་རིགས་སྤྱིའི་རྗེས་སུ་ཞུགས་པས་དེ་བཞིན་གཤེགས་པས་བྱིན་གྱིས་བརླབས་ཀྱིས་ཡོ་བྱད་དང་། སྒྲུབ་པའི་ཆོ་ག་ཤོད་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་
D686.092.0216b07.01