完整藏文原文 · 德格版页 当前仅加载第 92 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །སྡུག་བསྔལ་རྐུན་མ་ཆོས་སུན་འབྱིན། །ཆོས་རྐུ་བ་ཡི་ལུས་ཅན་ནི། །འཇིག་རྟེན་འདིར་ནི་བདེར་མི་འགྱུར། །འཇིག་རྟེན་ཕ་རོལ་ག་ལ་བདེ། །སེམས་ཅན་དམྱལ་བར་གཞོལ་བ་ཡིན། །དེ་ལྟ་བས་ན་ཆེན་པོ་འདོད་པས་ནི་རྟག་ཏུ་དམ་པའི་ཆོས་ཀྱི་རྗེས་
D686.092.0242a01.01སུ་འབྲང་བར་བྱ་ཞིང་རྟག་ཏུ་དཀོན་མཆོག་གསུམ་དང་། །ཕ་དང་མ་དང་བླ་མ་དང་། སྟོན་པ་ནི་སྐྱོབ་པ་དང་། སྐྱབས་དང་། དཔུང་གཉེན་མཛད་པ། སྟོན་པ། མཆོག་སྦྱིན་པ། དངོས་གྲུབ་དང་། མི་འཇིགས་པ་སྦྱིན་པ། རྒ་ཤི་ལས་ཐར་བར་བྱེད་པ། དབང་ཕྱུག་སྦྱིན་པ། ནོར་སྦྱིན་པ།
D686.092.0242a02.01ལོངས་སྤྱོད་སྦྱིན་པ། དང་བ་མཆོག་བསྐྱེད་པ་དེ་ཉིད་འཇིག་རྟེན་གྱི་བླ་མ། མགོན་པོ་འཇིག་རྟེན་དབང་ཕྱུག་ཆེན་པོ་དབང་ཕྱུག་མགོན་པོ། མཆོག་སྦྱིན་པར་མཛད་པ། གཟུགས་སྣ་ཚོགས་སྟོན་པར་མཛད་པ། དངོས་གྲུབ་སྣ་ཚོགས་སྦྱིན་པར་བགྱིད་པ། མགོན་པོ་སྡུག་བསྔལ་སྣ་ཚོགས་
D686.092.0242a03.01ལས་ཡོངས་སུ་ཐར་བར་བགྱིད་པ། ནད་སྣ་ཚོགས་སྦྱོང་བར་གྲུབ་པ། རིན་པོ་སྣ་ཚོགས་རབ་ཏུ་སྦྱིན་པར་བགྱིད་པ། འཇིག་རྟེན་སྡིག་པ་སྣ་ཚོགས་སེལ་བར་བགྱིད་པ། བླ་མ་ལ་གུས་པ་སྣ་ཚོགས་བགྱིད་པ་ལགས་ཏེ། དེ་ལྟ་བས་ན་རྟག་ཏུ་འབད་པས་དགོས་པ་ཐམས་
D686.092.0242a04.01ཅད་རབ་ཏུ་སྦྱིན་པར་བགྱིད་པ། རྟག་ཏུ་འབད་པས་ཤིན་ཏུ་གུས་པར་བགྱིས་པ་ལགས་སོ། །དེ་ནས་རྫས་ཀྱི་སྨན་གྲུབ་པ་དང་། བཟླས་བརྗོད་ཀྱི་ཆོ་ག་བཤད་པར་བགྱི་སྟེ། སེང་གེའི་ལྕེ་དང་། སྙིང་དང་། མིག་དང་། དེ་བཞིན་དུ་ཉ་ཕྱིས་ཀྱི་ཕྱེ་དང་། ལྡོང་རོས་དང་།
D686.092.0242a05.01བྲཧྨའི་འོ་མ་དང་། གུ་གུལ་དང་། པདྨ་དང་། པདྨའི་ཟེ་བ་དང་། ཨུཏྤལ་སྔོན་པོ་དང་། ནཱ་ག་པུས་པ་དང་། ལི་ཤི་དང་། རྒྱ་སྤོས་དང་། དེ་བཞིན་དུ་གིའུ་ཝང་དང་། གླ་རྩི་དང་། ག་བུར་དང་། གུར་གུམ་དང་། ཙནྡན་དཀར་པོ་དང་། སྤྲྀ་ཀ་དང་། ཏེ་ཛ་བ་ཏི་སྟེ་དེ་ལྟར་ཆ་མཉམ་
D686.092.0242a06.01པར་བྱས་པ་དེ་དག་ཐམས་ཅད་ཕྱེ་མ་ཞིབ་མོར་བྱས་ལ་དངུལ་གྱི་སྣོད་བཀང་སྟེ་དར་གྱིས་གཡོགས། དོན་ཡོད་པའི་རྒྱལ་པོ་སྤྱན་རས་གཟིགས་དབང་ཕྱུག་གི་མདུན་དུ་དུས་གསུམ་དུ་ཁྲི་བཟླས་བརྗོད་བྱའོ། །དུས་གསུམ་དུ་ཁྲོ་བོའི་རྒྱལ་པོས་ལན་ཉི་ཤུ་རྩ་གཅིག་བཟླས་
D686.092.0242a07.01