完整藏文原文 · 德格版页 当前仅加载第 92 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་དུ་ཉེ་བར་གནས་ཏེ། མཆོག་ཐམས་ཅད་སྦྱིན་པར་འགྱུར་རོ། །བྱ་བ་ཐམས་ཅད་ཀྱི་དངོས་གྲུབ་ཏུ་ཡང་འགྱུར་རོ། །ཡིད་ཀྱི་ཤིང་རྟ་ཐམས་ཅད་ཡོངས་སུ་རྫོགས་པར་ཡང་འགྱུར་རོ། །ཆོ་ག་
D686.092.0195b01.01ཞིབ་མོ་ཐམས་ཅད་ཀྱི་དངོས་གྲུབ་ཏུ་ཡང་འགྱུར་རོ། །ཐམས་ཅད་དུ་དོན་ཡོད་པ་ཐོགས་པ་མེད་པའི་དངོས་གྲུབ་ཏུ་ཡང་འགྱུར་རོ། །བསོད་ནམས་ཐམས་ཅད་འགུགས་པའི་དངོས་གྲུབ་ཏུ་ཡང་འགྱུར་རོ། །དཀྱིལ་འཁོར་དང་། ཕྱག་རྒྱ་རིམ་པར་ཕྱེ་བ་དང་། ཆོ་
D686.092.0195b02.01ག་ཞིབ་མོ་དང་། སྒྲུབ་པའི་ཆོ་ག་ཐམས་ཅད་ཀྱི་མཆོག་གི་དངོས་གྲུབ་ཏུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིགས་གསང་བ་ལ་རྗེས་སུ་ཞུགས་པར་འགྱུར་རོ། །སེང་ལྡེང་དང་། ནིམ་པའི་ཤིང་གི་ཡམ་ཤིང་གི་འབྲས་སཱ་ལུ་དང་། ཏིལ་
D686.092.0195b03.01དང་། ཡུངས་ཀར་དང་། ཞོ་དང་། མར་དང་། ལན་ཚྭ་དང་བསྲེས་པ་སྦྱིན་སྲེག་སྟོང་ཕྲག་བརྒྱད་བྱས་ན། བགེགས་དང་། ལོག་པར་འདྲེན་པ་དང་། གནོད་སྦྱིན་དང་། སྲིན་པོའི་གདོན་ཐམས་ཅད་དང་། གདུག་པ་དང་། ཕྱིར་རྒོལ་བ་དང་། དགྲ་ཐམས་
D686.092.0195b04.01ཅད་རབ་ཏུ་ཞི་བར་བྱེད་དོ། །འཐབ་པ་དང་། རྩོད་པ་དང་། འགྱེད་པ་ཐམས་ཅད་ལས་སྒྲོལ་བར་བྱེད་དོ། །མཚོན་ཆ་ཐམས་ཅད་ལས་རྒྱལ་བར་འགྱུར་རོ། །ཕ་རོལ་གྱི་དམག་ཚོགས་དང་། ཕྱིར་རྒོལ་བ་དང་། དགྲ་ཐམས་ཅད་ལས་རྒྱལ་བ་སྦྱིན་པར་འགྱུར་རོ། །
D686.092.0195b05.01ཙནྡན་དང་། འབྲས་ཡོས་དང་། ཞོ་དང་། སྦྲང་རྩི་དང་། མར་བསྲེས་པའི་པདྨའི་སྦྱིན་སྲེག་སྟོང་ཕྲག་བརྒྱད་བྱས་ན། ཡུལ་འཁོར་དང་། རི་བྲགས་དང་། གྲོང་དང་། གྲོང་ཁྱེར་དང་། ལྗོངས་རྣམས་སུ། ཀུན་ནས་དཔག་ཚད་སྟོང་ཕྲག་གཅིག་ཁོ་ར་ཁོར་ཡུག་ཏུ་
D686.092.0195b06.01ཞི་བ་ཆེན་པོར་འགྱུར་རོ། །སེམས་ཅན་ཐམས་ཅད་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་རྣམས་ལ་བསྲུང་བ་དང་། བསྐྱབ་པའི་ཆེད་དུ་ཡང་དག་པར་སྒྲུབ་པར་འགྱུར་རོ། །ནད་ཐམས་ཅད་ཐམས་ཅད་དུ་རབ་ཏུ་ཞི་བར་འགྱུར་རོ། །གཅན་གཟན་
D686.092.0195b07.01