完整藏文原文 · 德格版页 当前仅加载第 92 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡིང་མིའམ་ཅི། །ལྟོ་འཕྱེ་ཆེན་པོ་ཐམས་ཅད་དང་། །འབྱུང་པོ་རྣམས་ཀྱང་དགའ་དང་བཅས། །རྟག་ཏུ་ཕྱག་བྱའི་གནས་འགྱུར་ཞིང་། །ཐམས་ཅད་དབང་དུ་གྱུར་ནས་འཁོད། །འཁོད་ཀུན་བྲན་བྱེད་ཅི་བྱ་ཟེར། །གང་ཞིག་རིལ་བུ་དེ་དག་བརྟེན། །རིལ་བུ་ཐིག་ལེ་
D686.092.0191b01.01རྟག་བྱེད་ལ། །དེ་བཞིན་གཤེགས་ཀུན་དགོངས་པ་མཛད། །འཕགས་པ་སྤྱན་རས་གཟིགས་ཀྱི་དབང་། །དེ་ཉིད་རིག་ལ་རྟག་ཏུ་ནི། །མཆོག་སྦྱིན་དུས་ཀུན་གཟིགས་པར་མཛད། །བསོད་ནམས་ཕུང་པོ་སྟོང་དག་ནི། །ཉི་མ་རེ་རེ་སོགས་པར་བྱེད། །འཇིག་རྟེན་
D686.092.0191b02.01པ་ཡི་བདེ་སྤྱད་ཅིང་། །འཇིག་རྟེན་ཕ་རོལ་ཤིན་ཏུ་བདེ། །ཚེ་བརྗེ་བ་ནི་འཕོས་ནས་སུ། །བདེ་བ་ཅན་དུ་མོད་ལ་འགྲོ། །གང་དང་གང་དུ་སྐྱེ་བར་ནི། །ཚེ་རབས་རྟག་ཏུ་ཚེ་རབས་དྲན། །ལག་ན་རྡོ་རྗེ་གནོད་སྦྱིན་ཆེ། །གནོད་སྦྱིན་བྱེ་བས་ཡོངས་བསྐོར་ཅིང་། །གཡེལ་
D686.092.0191b03.01བ་མེད་པར་ཉིན་མཚན་དུ། །དུས་ཀུན་དུ་ནི་སྲང་བ་དང་། །སྐྱོབ་དང་སྦེད་དང་སྲུང་བར་བྱེད། །གང་ཞིག་བུ་ནི་མེད་པ་དང་། །བུ་མེད་བུ་ནི་འདོད་པ་ལ། །རིལ་བུ་གཅིག་ནི་སྦྱར་ནས་སུ། །མཉམ་པར་བཞག་པས་གསང་སྔགས་ནི། །མཁས་པས་ཟླ་བ་ཡར་གྱི་
D686.092.0191b04.01ངོར། །འབུམ་ནི་ཚང་བར་བཟླས་ནས་སུ། །ཟླ་བ་ཉ་སྟེ་{བཅྭ་,བཅོ་}ལྔ་ལ། །སྐྱེས་པ་བུད་མེད་ཁྲུས་བྱ་ཞིང་། །ཡན་ལག་ཡན་ལག་ཐིག་ལེ་བྱ། །དཀོན་མཆོག་གསུམ་ནི་ལེགས་མཆོད་ཅིང་། །བྲམ་ཟེ་དག་ཀྱང་མཆོད་སྟོན་བྱེད། །བསྲུང་བའི་ཆོ་ག་བྱས་ནས་སུ། །
D686.092.0191b05.01གཏོར་མ་དཀར་གསུམ་མང་པོ་བཤམ། །བདག་ཉིད་རྒྱན་གྱིས་བརྒྱན་ནས་སུ། །གོས་གཙང་རྣམས་ནི་བགོ་བར་བྱ། །བྱམས་པའི་སེམས་ལ་ཡང་དག་གནས། །སྙིང་རྗེའི་སེམས་ཅན་སྡུག་པར་བྱེད། །བསམ་པ་དག་ཅིང་དེས་པ་དང་། །བླ་མ་རྟག་ཏུ་གུས་པར་བྱ། །
D686.092.0191b06.01མེ་ཏོག་སྣ་ཚོགས་རབ་དགང་ཞིང་། །སྤོས་དང་བྱུག་པ་སྣ་ཚོགས་དང་། །དུ་རུས་ཙནྡན་སཱ་ལ་ཀི། །ལྷ་ཡི་བདུག་པས་བདུག་བྱ་ཞིང་། །བུ་རམ་འོ་མ་བདུན་དང་ནི། །རིལ་བུ་ལེགས་སྦྱར་བཟའ་བར་བྱ། །གསང་བ་འདི་འཐུངས་མོད་ལ་ནི། །བཏུང་དང་ཁ་ཟས་
D686.092.0191b07.01