完整藏文原文 · 德格版页 当前仅加载第 92 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་ཆེན་པོ་དངོས་གྲུབ་མཆོག་སྒྲུབ་པར་བྱེད་པ་ནི་བཅོམ་ལྡན་འདས་མཐའ་དག་རྒྱས་པར་གསུངས་ཤིག །གསང་སྔགས་རིམ་པར་ཕྱེ་བ་དང་། རིག་སྔགས་དང་། དཀྱིལ་འཁོར་རྨད་དུ་བྱུང་བ་ཉེ་བར་སྤྱོད་པའི་ཆོ་ག་དང་བཅས་པ་ནི་སེམས་ཅན་ཐམས་ཅད་ཀྱི་སྡིག་པ་རྣམ་པར་འཇོམས་པའི་དོན་དང་། རིག་སྔགས་
D686.092.0180b01.01འཆང་རྣམས་ཀྱི་མཆོག་འགྲུབ་པའི་དོན་དུ་དེ་བཞིན་གཤེགས་པའི་སྤྱན་སྔར་གསུངས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་དོན་ཡོད་ཞགས་པའི་སྙིང་པོ་
D686.092.0180b02.01མཆོག་ཏུ་གསང་བ་གཙུག་ཏོར་ཐམས་ཅད་ཀྱི་དཀྱིལ་འཁོར་སེམས་ཅན་ཐམས་ཅད་ཀྱི་དོན་གྱི་ཆེད་དུ་སྡིག་པ་ཐམས་ཅད་ཉམས་པར་བྱེད་པ། །སྒྲིབ་པ་ཐམས་ཅད་རྣམ་པར་སྦྱོང་བར་བྱེད་པ། དྲི་མ་དང་། རྙོག་མ་ཐམས་ཅད་སེལ་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། བཀྲ་མི་ཤིས་པ་ཐམས་ཅད་ཟློག་པར་
D686.092.0180b03.01བྱེད་པ། སྡིག་པ་དང་། མ་རུངས་པའི་སེམས་ཅན་ཕྱིར་རྒོལ་བ་དང་། དགྲའི་འཇིགས་པ་རབ་ཏུ་ཞི་བར་བྱེད་པ། བགེགས་དང་། ལོག་པར་འདྲེན་པ་ཐམས་ཅད་ཚར་གཅོད་པར་བྱེད་པ། །བདུད་ལ་སོགས་པའི་མ་རུངས་པ་ཐམས་ཅད་འཇོམས་པར་བྱེད་པ་དུག །མཚོན་ཆ་དང་། མེ་དང་། ཆུའི་འཇིགས་པ་
D686.092.0180b04.01དང་། མཆེ་བའི་དུག་དང་། སེང་གེ་དང་། རྒྱལ་པོ་དང་། གནོད་སྦྱིན་རྣམས་ཟློག་པར་བྱེད་པ། དུག་དང་། བྱད་སྟེམས་དང་། གཡེང་བྱེད་དང་། ཕྱེ་མའི་སྦྱོར་བ་ཐམས་ཅད་རྣམ་པར་ཉམས་པར་བྱེད་པ། དོན་ཡོད་ཞགས་པའི་སྙིང་པོ་དེ་ཁོ་ན་ཉིད་གཅེས་པ་རྨད་དུ་བྱུང་བ་དེ་ཁོ་ན་ཉིད་ཀྱི་སྙིང་པོའི་སྒྲུབ་པ་བླ་ན་
D686.092.0180b05.01མེད་པ་བཀླགས་པས་གྲུབ་པ་འདི་རྗེས་སུ་ཟུང་ཤིག །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཞིན་འཛུམ་ཅིང་། གདོང་ཁྲོ་གཉེར་དང་བྲལ་བས་རྡོ་རྗེ་བསྐོར་བར་བྱེད་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །
D686.092.0180b06.01བཅོམ་ལྡན་འདས་དོན་ཡོད་པའི་ཞགས་པའི་སྙིང་པོ་དམ་པར་གྱུར་པ་གསང་བ་པདྨ་གཙུག་ཏོར་གྱི་དཀྱིལ་འཁོར་དེ་རྣམས་དུ་ཞིག་ལགས། དེ་དག་བཅོམ་ལྡན་འདས་ཀྱིས་གསུངས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། གནོད་
D686.092.0180b07.01