完整藏文原文 · 德格版页 当前仅加载第 92 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཟས་ངན་པ་ཡོངས་སུ་སྤངས་པས་ཚོན་རྣམ་པ་སྣ་ཚོགས་པ་འབར་བ་ལྷག་མ་མ་ཡིན་པ་སྣོད་གསར་པར་བཞག་པས་འདྲིར་གཞུག་པར་བགྱི་སྟེ། འཕགས་པ་སྤྱན་རས་གཟིགས་དབང་ཕྱུག་གི་གཟུགས་བརྙན་རི་མོར་བགྱིའོ། །དོན་ཡོད་པའི་ཞགས་པ་ཞི་བའི་
D686.092.0131a01.01ཞལ་སྤྱན་གསུམ་པ་རལ་བའི་ཅོད་པན་གྱིས་བརྒྱན་པ་ཞལ་བཅུ་གཅིག་པ་བགྱི་སྟེ། ཕྱག་སུམ་ཅུ་སོ་གཉིས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་ན་མཚོན་ཆ་སྣ་ཚོགས་པ་དང་ཞགས་པ་ཐོགས་པ། པདྨ་དཀར་པོའི་ལུས་དང་ཁ་དོག་ཅན། སྣ་ཚོགས་པའི་གོས་
D686.092.0131a02.01འཆང་བ། ཞལ་གཡས་པ་དབང་ཕྱུག་ཆེན་པོའི་ཞལ། གཡོན་པ་སྲེད་མེད་ཀྱི་བུའི་གཟུགས་འཛིན་པ། དབང་ཕྱུག་ཆེན་པོའི་སྟེང་དུ་གཤིན་རྗེའི་གཟུགས། སྲེད་མེད་ཀྱི་བུའི་སྟེང་དུ་ཆུ་ལྷའི་གཟུགས། གཤིན་རྗེའི་སྟེང་དུ་ལུས་ངན་གྱི་གཟུགས། ཞལ་ཁྲོ་གཉེར་ཅན།
D686.092.0131a03.01ཆུ་ལྷའི་སྟེང་དུ་གཞོན་ནུ་ཞལ་ཁྲོ་གཉེར་ཅན། ལུས་ངན་གྱི་སྟེང་དུ་དབང་ཕྱུག་ཆེན་པོའི་གཟུགས་དྲག་པོ་མཆེ་བ་གཙིགས་པའོ། །གཞོན་ནུའི་སྟེང་དུ་དབང་ཕྱུག་དྲག་པོའི་གཟུགས་མཆེ་བ་གཙིགས་པའོ། །དབང་ཕྱུག་གི་སྟེང་དུ་ཉི་མའི་ཞལ། དབང་ཕྱུག་ཆེན་པོའི་སྟེང་དུ་ཟླ་བའི་
D686.092.0131a04.01ཞལ། སྟེང་གི་རལ་པ་ལ་འཕགས་པ་འོད་དཔག་མེད་འོད་འདོམ་གང་དང་བཅས་པའི་ཕྱག་བརྐྱང་བས་དབུགས་འབྱིན་པར་བྱེད་པའོ། །ཕྱག་གཡས་པ་དང་། སྐྲའི་བར་དུ་རླུང་ལྷ་བྱ་སྟེ་ལུས་རྫོགས་པའོ། །གཞོགས་གཡོན་དུ་མེའི་ལྷ་སྟེ་ལུས་ཕྱེད་པའོ། །སྔར་བཤད་པའི་
D686.092.0131a05.01ཕྱག་རྒྱ་དང་མཚོན་ཆ་ལག་ན་ཐོགས་པ་བགྱིའོ། །གཡས་སུ་འཕགས་པ་ཁྲོ་བོའི་རྒྱལ་པོ་བགྱི་སྟེ། རྒྱན་ཐམས་ཅད་ཀྱིས་རྣམ་པར་བརྒྱན་པ་ཁྲོས་པའི་གཟུགས་སོ། །གཡོན་དུ་རིག་པའི་རྒྱལ་པོ་རྒྱན་ཐམས་ཅད་ཀྱིས་རྣམ་པར་བརྒྱན་པར་བགྱིའོ། །ཁྲོ་བོའི་རྒྱལ་པོ་ནི་པདྨ་དང་
D686.092.0131a06.01ཞགས་པ་ཐོགས་པའོ། །རིག་པའི་རྒྱལ་པོ་ནི་ཡིད་བཞིན་གྱི་ནོར་བུ་དང་། མེ་ཏོག་གི་ཕུར་མ་ཐོགས་པར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ནི་ཞལ་ནས་འོད་ཟེར་འཕྲོ་བཞིན་པ་བགྱི་སྟེ། པདྨའི་གདན་དང་། ལུས་ལ་པདྨའི་ཕྲེང་བ་འཕྱང་བའོ། །འཕགས་
D686.092.0131a07.01