完整藏文原文 · 德格版页 当前仅加载第 92 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
བྲག་འཕེལ་བ་དང་བསོད་ནམས་བསགས་པ་དང་། དགེ་བའི་རྩ་བ་མངོན་པར་འཕེལ་པ་དང་ཕུན་སུམ་ཚོགས་པར་བྱེད་དོ། །མཐོང་བ་ཙམ་གྱི་མོད་ལ་ལས་སུ་བྱ་བར་འོས་པའི་བྱ་བ་ཐམས་ཅད་བྱེད་དོ། །དེ་ལྟར་རས་རིས་མཐོང་བ་ཙམ་གྱི་མོད་ལ་ཡོན་ཏན་གྱི་བྱེ་བྲག་ལྷག་པར་རྟོགས་པར་
D686.092.0205b01.01འགྱུར་རོ་ཞེས་སོ། །རས་རིས་སྒྲུབ་པའི་ཆོ་ག་དང་སྒྲུབ་ཐབས་ཀྱི་ཆོ་གའོ།། །།དེ་ནས་ཕྱག་རྒྱ་བཤད་པར་བྱ་སྟེ། ཕྱག་རྒྱ་རྣམས་ཀྱི་དོན་ཡོད་པའི་འཁོར་ལོས་སྒྱུར་བ་ཕྱག་རྒྱ་ཆེན་པོ་བླ་ན་མེད་པ་འཇིག་རྟེན་དབང་ཕྱུག་གི་རྒྱས་བཏབ་པ། སེམས་ཅན་ཐམས་ཅད་ལ་ཕན་པར་བྱེད་པ་དོན་
D686.092.0205b02.01ཡོད་པའི་ཕྱག་རྒྱ་ཐམས་ཅད་དང་སྒྲུབ་ཐབས་ཐམས་ཅད་ཀྱི་དངོས་གྲུབ་བླ་ན་མེད་པ། སྡིག་པ་ཐམས་ཅད་ཟད་པར་བྱེད་པ་ཉིད་དང་ཕྱག་རྒྱའི་དམ་ཚིག་གི་དངོས་གྲུབ་བླ་ན་མེད་པ། ཕྱག་རྒྱ་གཟུང་བ་ཙམ་གྱིས་མནར་མེད་པ་ཡང་སྐེམས་པར་བྱེད་པ་དམྱལ་བ་པ་རྣམས་སྐེམས་པར་བྱེད་པ་སྟེ།
D686.092.0205b03.01གང་གིས་གཟུང་བ་ཙམ་ལ་སོགས་པས་དམྱལ་བ་པའི་སེམས་ཅན་ཐམས་ཅད་གྲོལ་བར་བྱེད་ཅིང་སྐེམས་པར་བྱེད་དོ། །དུས་གསུམ་པའི་དེ་བཞིན་གཤེགས་པ་ཐམས་ཅད་དང་རྒྱལ་བ་དེ་རྣམས་ཐམས་ཅད་ཀྱིས་དགོངས་པར་འགྱུར་རོ། །ཕྱོགས་བཅུ་ཀུན་དུ་གཟིགས་པར་འགྱུར་
D686.092.0205b04.01ཏེ་ཐེ་ཚོམ་མེད་དོ། །དུས་གསུམ་པའི་རྒྱལ་བ་དང་བྱང་ཆུབ་སེམས་དཔའི་ཚོགས་ཐམས་ཅད་དང་། དེ་བཞིན་དུ་པདྨའི་ཕྱག་གི་རྟག་ཏུ་མཆོག་སྦྱིན་པ་དང་རྟག་ཏུ་མཐོང་བར་འདོད་པ་དང་། ལྷ་རྣམས་ཀྱིས་རྟག་ཏུ་སྲུང་བར་བྱེད་ཅིང་དགའ་བ་དང་། འོག་མིན་གྱི་ལྷ་དང་ལྷའི་དབང་པོ་བརྒྱ་
D686.092.0205b05.01བྱིན་དང་སུམ་ཅུ་རྩ་གསུམ་པའི་ལྷ་ཐམས་ཅད་ཀྱིས་སྲུང་བར་བྱེད་ཅིང་ཀུན་ནས་ཡོངས་སུ་སྐྱོང་བར་བྱེད་དེ། ཐམས་ཅད་ལ་ཆོ་ག་བཞིན་དུ་བདག་ཉིད་ཀྱི་སྙིང་ལས་སྐྱེས་པའི་བུ་བཞིན་དུ་དགེ་བ་དང་ཞི་བ་དང་། སྟོབས་དང་། བརྩོན་འགྲུས་ཉིད་དང་། མདངས་ཀྱང་རབ་ཏུ་འཇུག་པར་
D686.092.0205b06.01བྱེད་ཅིང་དེ་བཞིན་དུ་ཡང་ཚེ་འཕེལ་ལོ། །ཕྱག་རྒྱ་འདི་རྣམས་བཟུང་བས་བཀྲ་མི་ཤིས་པ་ཐམས་ཅད་ཉམས་པར་བྱེད་དོ། །བགེགས་ཐམས་ཅད་ཉམས་པར་བྱེད་ཅིང་། བདུད་དང་། ལོག་པར་འདྲེན་པ་དང་། གདུག་པའི་གནོད་སྦྱིན་རྣམ་པར་ཉམས་པར་བྱེད་དོ། །གདུག་པའི་སྲིན་པོ་
D686.092.0205b07.01