完整藏文原文 · 德格版页 当前仅加载第 92 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པར་བགྱིད་དོ། །ཇི་ལྟར་ཡིད་ལ་བགྱིད་ཅིང་བསམས་པའི་མཆོག་སྩོལ་བར་བགྱིད་དོ། །དེ་ནས་རིག་སྔགས་འཆང་གིས་ཅི་ལྟར་ཡིད་ལ་བགྱིས་ཤིང་བསམས་པའི་མཆོག་སྨྲས་པ་དང་། དེའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་གིས་
D686.092.0066a01.01ཐམས་ཅད་སྩོལ་བར་བགྱིད་དོ། །དེ་ནས་མིག་སྨན་བསྒྲུབ་པར་འཚལ་ན། རིག་སྔགས་འཆང་དེ། ལེགས་པར་བཀྲུས་ཏེ། གཙང་མས་གོས་གཙང་མ་བགོ་བར་བགྱིའོ། །ནུབ་གཅིག་སྨྱུང་བ་བགྱིས་ཏེ། དེས་ཟངས་ཀྱི་ཟ་མ་ཏོག་བགྱིས་ལ་དེ་ནས་མིག་སྨན་སོའི་བིར་དང་ཡུངས་ཀར་
D686.092.0066a02.01ཉིས་འགྱུར་དུ་བསྲེས་པས་དགང་བར་བགྱིའོ། །དེ་ནས་སྟོང་རྩ་བརྒྱད་བཟླས་བརྗོད་བགྱིས་ནས། ཐབ་ཀྱི་དབུས་སུ་གཞག་པར་བགྱིའོ། །དེའི་སྟེང་དུ་ཨུ་ཤྀ་ར་དང་། ཡུངས་ཀར་དང་། ཙནྡན་དང་། ཞོ་དང་སྦྲང་རྩི་དང་། མར་བསྲེས་པས་ལན་སྟོང་རྩ་བརྒྱད་སྦྱིན་སྲེག་བགྱིའོ། །ཤིང་ཨརྐའི་མེ་
D686.092.0066a03.01སྦར་བར་བགྱིའོ། །ལན་སྟོང་རྩ་བརྒྱད་ཚང་བ་དང་། དེ་ནས་མིག་སྨན་བླངས་ལ་གཏུན་གྱི་སྟེང་དུ་ལེགས་པར་ཞིབ་ཏུ་བཏགས་ལ་ལྡོང་རོས་དང་། ག་པུར་དང་གླ་རྩིར་བསྲེས་ནས་སླར་ཡང་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་དོན་ཡོད་ལྕགས་ཀྱུའི་རིག་
D686.092.0066a04.01སྔགས་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་པ་ནི་ཐམས་ཅད་དུ་མགུལ་ལ་ལེགས་པར་སྦྱར་ཏེ། དེ་ནས་དོན་ཡོད་རྒྱལ་པོས་དབང་བསྐུར་བར་བགྱིའོ། །དོན་ཡོད་ཞགས་པའི་ཕྱག་རྒྱས་ལན་བདུན་ཕྱག་རྒྱ་བཅིང་ངོ་། །དེ་ནས་མིག་སྨན་གྱིས་བྱུགས་ན་ནམ་མཁའ་ལ་འཕུར་ནས་རིག་
D686.092.0066a05.01སྔགས་འཆང་ཐམས་ཅད་ཀྱི་དཔོན་པོར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །བསྐལ་པ་ཁྲིར་འཚོ་བར་འགྱུར་རོ། །དབྲལ་བར་ཐིག་ལེ་བགྱིས་ན་མི་གདའ་བར་འགྱུར་རོ། །མིག་ལ་བསྐུས་ཏེ་ཚིག་གཞན་མི་སྨྲ་བར་རྒྱལ་པོའི་ཕོ་བྲང་དུ་ཞུགས་ན། རྒྱལ་པོ་བཙུན་མོའི་འཁོར་
D686.092.0066a06.01དང་བཅས་པ་དབང་དུ་གྱུར་ནས་མཆིས་པར་འགྱུར་རོ། །མཆོད་པ་ཕལ་པོ་ཆེས་ཆེར་མཆོད་པར་འགྱུར་རོ། །ནོར་འདུ་པ་གྲུབ་པ་ཆེན་པོ་ཐོབ་པར་འགྱུར་རོ། །སྒྲུབ་པའི་དུས་སམ། བཟླས་བརྗོད་ཀྱི་དུས་སུ་མིག་ལ་བསྐུས་ན་བགེགས་དང་ལོག་འདྲེན་དང་། བདུད་ཀྱི་རིས་ཀྱི་ལྷ་རྣམས་ཐམས་ཅད་ཀྱིས་
D686.092.0066a07.01