完整藏文原文 · 德格版页 当前仅加载第 92 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
བསལ་བར་བགྱིའོ། །རྐུན་པོ་དང་། ཟོལ་པོ་དང་། མི་རྒོད་དང་། གཅན་གཟན་ཁྲོ་བོའི་འཇིགས་པ་རྣམས་བསལ་བར་བགྱིའོ། །དུས་མ་ཡིན་པར་འཆི་བའི་འཇིགས་པ་ལས་སོ་སོར་བཟློག་པར་བགྱིའོ། །རྨི་ལམ་ངན་པ་དང་། ལྟས་ངན་པ་དང་།
D686.092.0307a01.01བཀྲ་མི་ཤིས་པ་བྱུང་བ་ཐམས་ཅད་སོ་སོར་བཟློག་པར་བགྱིའོ། །ཆར་ཆེས་པ་དང་། ཆར་མི་འབབ་པ་དང་། དུས་མ་ཡིན་པའི་ཆར་དང་། སད་དང་། ཐན་པ་དང་། བྱི་བའི་འཇིགས་པ་རྣམས་སོ་སོར་བསལ་བར་བགྱིའོ། །དབེན་པ་དང་། ཉམས་དགའ་བ་དང་། ལོ་
D686.092.0307a02.01ལེགས་པ་དང་། འབྱོར་པ་སྦྱར་བར་བགྱིའོ། །སེམས་ཅན་མི་དགེ་བ་སྤྱོད་པ་ལས་བཟློག་པར་བགྱིའོ། །དགེ་བ་ལ་སྦྱོར་བར་བགྱིའོ། །སེམས་ཅན་དགེ་བ་སྤྱོད་པ་རྣམས་ཀྱི་གྲོགས་བདག་འཁོར་དང་བཅས་པས་བགྱིའོ། །ཡང་དག་པར་དད་པས་རྗེས་སུ་འབྲང་བར་
D686.092.0307a03.01བསྒྲུབ་པར་བགྱིའོ། །བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། སེམས་ཅན་ཐམས་ཅད་བུ་གཅིག་པ་བཞིན་དུ་ཡོངས་སུ་བསྐྱང་བར་བགྱིའོ། །ཆོས་ལ་ཞུགས་པའི་ཡིད་དང་། ངོ་ཚ་ཤེས་པ་དང་། ཁྲེལ་ཡོད་པས་གནས་
D686.092.0307a04.01པར་བགྱིའོ། །ཐམས་ཅད་དུ་བདག་མཆི་བར་བགྱིའོ། །ཇི་ལྟར་རང་གི་སྲོག་འདི་ཡོངས་སུ་བསྐྱང་བ་བཞིན་དུ་གཟུངས་དང་། རིག་སྔགས་གྲུབ་པ་འདི་ཡང་ཡོངས་སུ་བསྐྱང་བར་བགྱིའོ། །སྤྱི་བོས་བླང་བར་བགྱིའོ། །ཁུར་དུ་བཀུར་བར་བགྱིའོ། །སྒྲུབ་པར་འགྲུབ་པ་
D686.092.0307a05.01ཆེན་པོ་སྩལ་བར་བགྱིའོ། །བགེགས་དང་ལོག་འདྲེན་ཐམས་ཅད་དང་། སེམས་ཅན་མ་རུངས་པ་དང་། གནོད་སྦྱིན་ཆད་པས་སོ་སོར་བཟློག་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཁྲོ་བོའི་གད་
D686.092.0307a06.01རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེ་དཔོན་ཆེན་པོ་ལེགས་སོ་ལེགས་སོ། །ཁྱོད་ཀྱིས་དེ་བཞིན་དུ་བྱ་བར་རིགས་སོ། །སེམས་ཅན་ཐམས་ཅད་རྗེས་སུ་གཟུང་བ་ཆེན་པོས་གཟུང་བར་བྱའོ། །རིག་སྔགས་འཆང་
D686.092.0307a07.01