完整藏文原文 · 德格版页 当前仅加载第 92 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
བར་སྣང་ཞིང་ལུས་ལས་འབར་བ་སྣ་ཚོགས་འབྱུང་བར་སྣང་སྟེ། ཇི་སྲིད་དུ་ཡུངས་ཀར་ཁ་ན་ཡོད་པའི་བར་དུ་ལུས་ལས་འོད་ཟེར་འབར་བ་ཁ་དོག་རྣམ་པ་སྣ་ཚོགས་འབྱུང་ངོ་། །ཏིལ་མར་དང་ལྷན་ཅིག་བཏགས་པའི་སྙིང་པོར་བྱ། ཀོང་བུར་ཏིལ་མར་གྱི་རྒྱལ་པོས་
D686.092.0249a01.01བཀང་སྟེ་མར་མེ་འབུམ་སྟོན་པར་བྱེད་དོ། །མེ་ཐབ་ཁང་བུའི་ནང་དུ་བཅུག་ན་ཇི་སྲིད་དུ་མ་ཕྱུང་བ་དེ་སྲིད་དུ་མ་ཕྱུང་བ་དེ་སྲིད་དུ་མེ་འབར་བར་སྟོན་ཏོ། །མར་མེའི་སྡོང་བུའི་ནང་དུ་བཅུག་ལ་མ་ཕྱུང་ན་རྟག་ཏུ་འབར་རོ། །མགལ་མེ་འབར་བའི་ནང་དུ་བཅུག་ན་འབར་བའི་ཕྲེང་བ་འབུམ་སྙེད་དུ་སྣང་
D686.092.0249a02.01ངོ་། །གཏོར་མའི་རྫ་མ་དང་། བུམ་པའི་ནང་དུ་གཏོར་ན་གཏོར་མའི་རྫ་མ་དང་། བུམ་པ་ཐམས་ཅད་འབར་བར་སྣང་ངོ་། །ལག་ཆ་དང་། མཚོན་ཆ་ཐམས་ཅད་ལ་བྱུགས་ན་གཅིག་ཏུ་འབར་བར་འགྱུར་རོ། །བདག་ཉིད་ཀྱི་ལུས་ལ་བྱུགས་ལ་རིལ་བུ་གཙང་མ་སྤྱི་བོར་བཞག་ན་
D686.092.0249a03.01ལུས་ཐམས་ཅད་གཅིག་ཏུ་འབར་བར་སྣང་བ་ནས་ལུས་རིལ་བསྲེགས་པ་ལྟར་སྣང་ངོ་། །འོ་མ་དང་ཡུངས་ཀར་གྱིས་གཏོར་ན་ལུས་སླར་སྣང་བར་འགྱུར་རོ། །ལག་པ་དང་རྐང་པ་ལ་བསྐུས་ལ། རིལ་བུ་གཙང་མ་འབར་བ་ལག་པ་གཡས་པས་གཟུང་བའམ། །རྐང་པའི་མཐེ་
D686.092.0249a04.01བོས་བཟུང་ན་ལག་པ་དང་། །རྐང་པ་གཅིག་པུ་འབར་བ་དང་། འབྲེལ་བར་སྣང་ངོ་། །འདུས་པའི་ནང་ངམ། སྐྱེ་བོ་འདུས་པ་མང་པོའམ། རྒྱལ་པོའི་འཁོར་རམ། སྡེ་ཅན་གྱི་ནང་ངམ། རིག་བྱེད་བཞིའི་ནང་ཐམས་ཅད་དུ་ཡན་ལག་ཉམས་པར་སྣང་ངོ་། །དྲི་ཆབ་དང་།
D686.092.0249a05.01ཡུངས་ཀར་གྱིས་གཏོར་ན་ལུས་སླར་རྫོགས་པར་འགྱུར་རོ། །མཚན་མོ་མར་མེའི་རིལ་བུ་བསྲེགས་པ་ལམ་གྱི་བཞི་མདོར་བཞག་ནས་ཡུངས་ཀར་གྱིས་ཕྱོགས་བཞིར་གཏོར་ན་མར་མེ་འབུམ་ཕྲག་བྱེ་བ་སྣང་ངོ་། །ཀུན་ནས་ཕྱོགས་བཞིར་ཆུ་དང་ཡུངས་ཀར་གྱིས་བཟློག་པར་བྱ་བ་ཡིན་ནོ། །
D686.092.0249a06.01ཚལ་ཆེན་པོའི་མཐའ་དང་། ནང་དུ་གཏོར་ལ་ཤིང་གཅིག་ལ་རིལ་བུ་གཙང་མ་བཞག་ན་ཤིང་དང་། རྩྭ་དང་། ཤིང་གེལ་པ་དང་། འདབ་མ་དང་། ལོ་མ་ཐམས་ཅད་གཅིག་ཏུ་འབར་བར་སྣང་ངོ་། །རིའི་རྩེ་མོར་མར་མེ་བུས་ནས་རི་ཀུན་ཏུ་གཏོར་ན་རི་ཀུན་ནས་གཅིག་ཏུ་འབར་ཞིང་མཆེད་པར་སྣང་
D686.092.0249a07.01