完整藏文原文 · 德格版页 当前仅加载第 92 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཀུན་དུ་མཚན་མའི་ཕྱག་རྒྱ་སྣ་ཚོགས་ཀྱང་བྲི་བར་བགྱིའོ། །དཀྱིལ་འཁོར་གྱི་གྲྭ་བཞིར་རྣམ་པར་ཕྱེ་བར་རྒྱལ་པོ་ཆེན་པོ་བཞི་འབར་བའི་ནང་ན་གོ་ཆ་བགོས་པ། དྲག་ཤུལ་གྱི་གཟུགས་ཅན་འཇིགས་པར་བགྱིད་པ་བྲིའོ། །སྒོ་བཞི་རྣམ་པར་ཕྱེ་བར་ཡང་དཀྱིལ་འཁོར་གྱི་ལྷ་བྲི་བར་
D686.092.0284b01.01བགྱི་སྟེ། ཤར་ཕྱོགས་ཀྱི་སྒོར་རྡོ་རྗེ་འཆང་ཞི་བའི་གཟུགས་ཅན་བཞིན་འཛུམ་པ། རྡོ་རྗེ་འགྱིང་བག་ཅན་དུ་འཛིན་པ། རི་རབ་ཀྱི་སྟེང་ན་འབར་བའི་ནང་ན་མཆིས་པ་བྲིའོ། །ལྷོ་ཕྱོགས་ཀྱི་སྒོར་ཁྲོ་བོའི་རྒྱལ་པོ་དྲག་ཤུལ་གྱི་གཟུགས་ཅན་འཇིགས་པར་བགྱི་དང་། པདྨ་དང་ཞགས་པ་ཐོགས་
D686.092.0284b02.01པ། མེ་ཏོག་ཁ་ཕྱེ་བའི་སྟེང་ན་འབར་བའི་ནང་ན་མཆིས་པའོ། །ནུབ་ཕྱོགས་ཀྱི་སྒོར་དབང་པོ་རྡོ་རྗེ་ཐོགས་པ། མིག་གསུམ་པ་རིའི་སྟེང་ན་འབར་བའི་ནང་ན་མཆིས་པ་བྲིའོ། །བྱང་ཕྱོགས་ཀྱི་སྐོར་དོན་ཡོད་པའི་ཞགས་པ་གདོང་ཁྲོ་གཉེར་ཅན། པདྨ་དང་ཞགས་པ་ཐོགས་པ། པདྨའི་འདབ་
D686.092.0284b03.01མའི་སྟེང་ན་འབར་བའི་ནང་ན་ལྕགས་ཀྱུ་དང་ལྷན་ཅིག་མཆིས་པ་བྲིའོ། །དཀྱིལ་འཁོར་ཁོ་ར་ཁོར་ཡུག་ཏུ་གོས་དང་། བ་དན་དང་། མདའ་དང་། རྒྱལ་མཚན་ཀུན་གྱིས་བརྒྱན་པར་བགྱིའོ། །ཚོན་སྣ་ལྔའི་སྐུད་པས་ཁོ་ར་ཁོར་ཡུག་ཏུ་དཀྲི་བར་བགྱིའོ། །གཏོར་མ་ཐམས་ཅད་དཀར་པོ་གཞག་
D686.092.0284b04.01གོ། །དཀྱིལ་འཁོར་གྱི་ཕྱི་རོལ་ཀུན་དུ་དངུལ་དང་གསེར་གྱི་སྣོད་རྣམ་པ་སྣ་ཚོགས་པ་གཞག་གོ། །སྙིང་པོའི་དཀྱིལ་འཁོར་ཁོ་ར་ཁོར་ཡུག་ཏུ་དངུལ་གྱི་སྣོད་བཀང་བ་བཞི་དང་། འོ་མས་བཀང་བ་བཞི་དང་། མཆོད་ཡོན་དང་། ཞབས་བསིལ་བའི་སྣོད་བཞི་དང་། དྲིའི་སྣོད་བཞི་དང་། དྲིས་
D686.092.0284b05.01བཀང་བའི་སྣོད་བཞི་དང་། དངུལ་གྱི་ཕོག་པོར་ཨ་ག་རུ་དང་། ཙནྡན་དང་། དུ་རུ་སྐའི་བདུག་སྤོས་བསྲེགས་པ་བཞི་གཞག་གོ། །ཕྱི་རོལ་གྱི་དཀྱིལ་འཁོར་ཁོ་ར་ཁོར་ཡུག་ཏུ་ས་ལས་བྱས་པའི་སྣོད་བཀང་བ་དང་། གཏོར་མའི་སྣོད་བུམ་པ་ཡོངས་སུ་བཀང་བ་དྲུག་ཅུ་རྩ་བཞི་དང་། བདུག་
D686.092.0284b06.01པ་སྣ་ཚོགས་བསྲེགས་པའི་པོག་ཕོར་བརྒྱད་འཇིགས་པ་མེད་པར་གཞག་པར་བགྱིའོ། །དེ་ནས་རིག་སྔགས་འཆང་གིས་ཚེས་བཅུ་བཞི་ནས་ཟླ་བ་ཉ་ཚེས་{བཅྭ་,བཅོ་}ལྔའི་བར་གྱི་ཉིན་ཞག་གཅིག་སྨྱུང་བ་བགྱིས་པས་འབྲས་ཡོས་དང་། ཡུངས་ཀར་ལ་དོན་ཡོད་པའི་རྒྱལ་པོའི་སྙིང་པོས་ལན་བརྒྱ་
D686.092.0284b07.01