完整藏文原文 · 德格版页 当前仅加载第 92 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །གལ་ཏེ་ལན་བདུན་བསྣུན་ན་ཀླུའི་རྒྱལ་པོ་ཐམས་ཅད་ལ་ཚུལ་མ་ཡིན་པའི་སྡུག་བསྔལ་འབྱུང་བར་འགྱུར་རོ། །ཀླུའི་རྒྱལ་པོ་ཐམས་ཅད་ཀྱི་རིགས་ཕུང་བར་བགྱིས་པར་འགྱུར་རོ། །གདོན་གྱིས་ཟིན་པ་ཐམས་ཅད་ཀྱི་མིག་ལ་བསྐུས་ན། བསྐུས་པ་ཙམ་གྱི་མོད་ལ་
D686.092.0070a01.01གདོན་བརྒྱད་ཁྲི་བཞི་སྟོང་རབ་ཏུ་ཞི་བར་འགྱུར་རོ། །རིམས་གྱིས་ཐེབས་པ་རྣམས་ཀྱི་དཔྲལ་བ་ལ་ཐིག་ལེ་བགྱིས་ན། རིམས་ཞག་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་བའི་རིམས་ཐམས་ཅད་ཞི་བར་འགྱུར་རོ། །ནད་ཀྱིས་ཟིན་པ་རྣམས་ལ་ཁྲུས་བགྱིས་
D686.092.0070a02.01ན་མོད་ལ་ནད་ཐམས་ཅད་ལས་ཐར་བར་འགྱུར་རོ། །ཤ་བཀྲ་དང་། མཛེ་དང་། རྐང་ཤུ་དང་། ཤུ་བ་དང་། གཡན་པ་དང་། འབྲུམ་བུ་རྣམས་ལས་ཐར་བར་འགྱུར་རོ། །ལྦ་བ་དང་། ལྷོག་པ་དང་། མཚན་བར་རྡོལ་བ་དང་། ཤུ་བ་མཆེད་པ་དང་། འབྲུམ་བུ་ཕྲ་མོ་མཆེད་པ་ལ་བྱུགས་
D686.092.0070a03.01པ་ཙམ་གྱིས་མི་གདུག་པར་འགྱུར་རོ། །དུག་གིས་མྱོས་པར་བགྱིས་པ་ཐམས་ཅད་ལ་འཚལ་བ་ཙམ་གྱི་མོད་ལ་ཐར་བར་འགྱུར་རོ། །ལྟོ་ན་བ་དང་། སྐྲན་དང་། དམུ་ཆུ་དང་། མཆིན་པ་ན་བ་དང་། རྩིབ་
D686.092.0070a04.01ལོགས་ན་པ་དང་། སྙིང་ན་བ་དང་། ཆུ་སོ་ན་བ་དང་། གཞང་ནད་དང་། ཚད་པ་དང་། གཅིན་སྲིབ་དང་། གསུད་པ་དང་། མ་ཞུ་བ་དང་། རྟུག་སྐམས་ལ་སྲོས་ན་འཚལ་བ་ཙམ་གྱི་མོད་ལ་ཞི་བར་འགྱུར་རོ། །ཕྱིས་ལན་འགའ་ཡང་གནོད་པར་བགྱིད་པར་མི་འགྱུར་རོ། མཆོག་
D686.092.0070a05.01མར་གི་ཝང་གི་རིལ་བུ་བགྱིས་ཏེ། ཕུག་གི་སྒོ་དང་ཉེ་བར་མཆིས་ནས་ལག་པ་གཡས་པ་ལ་བྱུགས་ཏེ། མགོ་ལ་ཐལ་མོ་བརྡབས་ན། ཕུག་གི་སྒོ་རྣམས་འབྱེ་བར་འགྱུར་རོ། །བག་ཚ་བ་མ་མཆིས་པར་འཇུག་སྟེ། སླར་ཅུང་ཟད་ཀྱང་བགེགས་བགྱིད་པར་མི་འགྱུར་རོ། །གནས་དེ་ན་
D686.092.0070a06.01གནས་པ་གང་ལགས་པ་དེ་དག་ཐམས་ཅད་དབང་དུ་གྱུར་ནས་མདུན་ན་མཆིས་པར་འགྱུར་རོ། །དགོས་པ་སྒྲུབ་པ་ཆེན་པོ་ཐམས་ཅད་འགྲུབ་པར་འགྱུར་རོ། །རྐང་པ་གཉིས་ལ་བྱུགས་ཏེ། མེ་འབར་བའི་ནང་དུ་ཞུགས་ན་མེ་ལྷ་རང་གི་གཟུགས་ཀྱིས་མདུན་ན་མཆིས་ནས་ལག་པ་ནས་བཟུང་
D686.092.0070a07.01