完整藏文原文 · 德格版页 当前仅加载第 92 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་འགྲུབ་པར་འགྱུར་རོ། །རིང་བསྲེལ་གྱི་སྙིང་པོ་འདི་ཇི་ལྟ་བ་བཞིན་དུ་བུམ་པ་བཟང་པོ་འདི་ཡང་བལྟ་བར་བྱ་སྟེ། དེ་གཉིས་ཀ་ཡང་རྫུ་འཕྲུལ་མཛད་པར་སྣང་བ་མཐུན་པ་ཡིན་ཏེ། འདི་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། །བུམ་པ་སྒྲུབ་པ་དོན་ཡོད་པའི་ཆོ་གའོ།། །།
D686.092.0123b01.01དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པའི་ཕྱག་གསེར་གྱི་ཁ་དོག་ཅན་བརྒྱད་སྟེ་འཕགས་པ་སྤྱན་རས་གཟིགས་དབང་ཕྱུག་གི་དབུའི་སྤྱི་བོར་བཞག་སྟེ་བཀའ་སྩལ་པ། མཆོག་ཏུ་རྨད་དུ་བྱུང་བ་ཞེས་བྱ་བའི་ཆོ་ག་ཞིབ་མོ་གྲུབ་པ་བླ་ན་མེད་པ་དོན་ཡོད་པ་ཆེན་པོའི་བུམ་པ་སྒྲུབ་པ་རིག་
D686.092.0123b02.01པ་འཆང་བ་རྣམས་ཀྱིས་བཀླགས་པས་གྲུབ་པ་འཛམ་བུ་གླིང་བའི་རིགས་བཞིའི་འཇིག་རྟེན་ལ་ཕན་པ་དང་། བདེ་བའི་དོན་དུ་རབ་ཏུ་བྱིན་པ་དང་། སྒྲུབ་པ་ཤིན་ཏུ་བཀྲ་ཤིས་པ་བླ་ན་མེད་པ་རང་གི་བྱིན་གྱི་རླབས་ཀྱི་བྱིན་གྱིས་བརླབས་པ། དོན་ཡོད་པ་ཆེན་པོའི་ཆོ་འཕྲུལ་སངས་རྒྱས་དང་བྱང་
D686.092.0123b03.01ཆུབ་སེམས་དཔའ་བླ་ན་མེད་པ་གྲུབ་པ་ཡང་དག་པར་བསྒྲུབ་པ། ཆེ་ཞིང་ཆེ་བ་བྱང་ཆུབ་ཀྱི་སྙིང་པོའི་ཆོས་ཀྱི་འཁོར་ལོ་བསྐོར་བ། དེ་བཞིན་གཤེགས་པ་ཆེན་པོའི་བྱིན་གྱི་རླབས་ཀྱི་བྱིན་གྱིས་བརླབས་པ། སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་དབུགས་འབྱིན་པ་ཆེན་
D686.092.0123b04.01པོའི་འཇིག་རྟེན་དུ་བཞག་པ་ནི་སེམས་དཔའ་ཆེན་པོ་ལེགས་སོ་ལེགས་སོ། །མཆོག་ཏུ་གྲུབ་པ་བླ་ན་མེད་པ་བསྒྲུབ་པ་བཀླགས་པས་འགྲུབ་པ། རྟག་ཏུ་རྗེས་སུ་འབྲང་བར་འགྱུར་བ། རྟག་ཏུ་མཆོག་སྦྱིན་པར་མཛད་པ། རྟག་ཏུ་རྗེས་སུ་སྐྱོང་བར་མཛད་པ་ནི་སེམས་ཅན་གྱི་བསམ་
D686.092.0123b05.01པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་སྤྱན་རས་གཟིགས་དབང་ཕྱུག་ཁྱོད་ལ་ཡོངས་སུ་གཏད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མཆོག་ཏུ་ཡིད་དགའ་སྟེ། བཞིན་འཛུམ་ནས་བཅོམ་ལྡན་འདས་ག་ལ་བ་
D686.092.0123b06.01དེ་ལོགས་སུ་ཐལ་མོ་སྦྱར་ཏེ་བཏུད་ནས། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཕྱོགས་བཅུའི་སེམས་ཅན་ཐམས་ཅད་དང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སྲོག་
D686.092.0123b07.01