完整藏文原文 · 德格版页 当前仅加载第 92 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
བཟློག་པར་འདོད་ན་སྐེ་ཚེའི་འབྲུ་དང་། ཞོ་དང་སྦྲང་རྩི་རྣམས་མར་དང་སྦྱར་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱའོ། །འཐབ་པ་དང་། རྩོད་པ་དང་། འགྱེད་ཅིང་མཚང་འདྲུ་བ་ཐམས་ཅད་ལ་པྲི་ཡང་ཀུའི་མེ་ཏོག་དང་། ཞོ་དང་སྦྲང་རྩི་རྣམས་མར་དང་
D686.092.0316a01.01སྦྱར་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་ན་ཐམས་ཅད་དུ་རྒྱལ་བར་འགྱུར་རོ། །འཐབ་རྩོད་དང་། འགྱེད་པ་རྣམས་ཀྱི་སྨྲ་བའི་ལན་ཐེབས་པར་འགྱུར་རོ། །ནད་ཐམས་ཅད་ཞི་བར་བྱ་བ་ལ། སྲན་ཀུ་ལན་ཐ་དང་། ཞོ་དང་སྦྲང་རྩི་རྣམས་མར་དང་སྦྱར་ཏེ་སྦྱིན་སྲེག་ལན་ཉི་
D686.092.0316a02.01ཤུ་རྩ་གཅིག་བྱས་ན་ནད་ཐམས་ཅད་རབ་ཏུ་ཞི་བར་འགྱུར་རོ། །བུད་མེད་དབང་དུ་བྱ་ན་སུ་མ་ནའི་མེ་ཏོག་གིས་ལན་ཉི་ཤུ་རྩ་གཅིག་སྦྱིན་སྲེག་བྱས་ན་བུད་མེད་ཐམས་ཅད་མཆོག་ཏུ་དབང་དུ་བྱེད་པའི་དམ་པ་ཡིན་ཞིང་ཐམས་ཅད་དུ་མཆོག་གྲུབ་པར་འགྱུར་རོ། །དེ་ནས་སྡིག་པ་
D686.092.0316a03.01ཐམས་ཅད་རྣམ་པར་སྦྱང་བར་འདོད་ན་རིག་སྔགས་འཆང་བ་དེས་འབྲས་སཱ་ལུ་དང་། ཏིལ་དང་། ཡུངས་ཀར་དང་། པདྨའི་འདབ་མ་དང་། ཞོ་དང་། སྦྲང་རྩི་རྣམས་མར་དང་སྦྱར་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་ན་སྡིག་པ་དང་སྒྲིབ་པ་ཐམས་ཅད་རྣམ་པར་
D686.092.0316a04.01དག་པར་འགྱུར་རོ། །འོན་ཏེ་ཁྲོ་བོའི་རྒྱལ་པོ་སྒྲུབ་པར་འདོད་ན་སེང་ལྡེང་གི་ཕྱེ་མ་དང་། ཡུངས་ཀར་དང་། གུ་གུལ་རྣམས་མར་དང་སྦྱར་ཏེ་སྦྱིན་སྲེག་བྱས་ན་ཐམས་ཅད་དུ་ཁྲོ་བོའི་གསང་སྔགས་གྲུབ་པ་ཆེན་པོ་འགྲུབ་པར་འགྱུར་ཞིང་ཁྲོ་བོའི་གསང་སྔགས་ཐམས་ཅད་སྤྱན་དྲངས་
D686.092.0316a05.01པར་འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་བཞི་པ་རྫོགས་སོ།། །།ཤུ་བྷམསྟུ།། །།
D686.092.0316a06.01