完整藏文原文 · 德格版页 当前仅加载第 92 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་གྱི་སྤྱན་སྔར་མཆོད་པའི་ཆར་གྱི་སྤྲིན་ཆེན་པོ་འབྱུང་བར་འགྱུར་རོ། །དེ་བཞིན་དུ་མཁོ་བའི་ཡོ་བྱད་ཐམས་ཅད་ཀྱི་མཆོད་པ་ཆེན་པོ་མ་ཚང་བ་མ་མཆིས་པར་འབྱུང་བར་འགྱུར་རོ། །དེ་བཞིན་དུ་མཐུ་ཆེན་པོའི་ནོར་བུ་རྒྱ་ཆེན་དོན་ཡོད་ལ་
D686.092.0048b01.01མཆོད་པའི་གཟུངས་བཟླས་ཤིང་། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འདི་ཡང་ཉིན་གཅིག་བཞིན་དུ་ཐུན་གསུམ་དུ་ལན་གསུམ་དུ་བཟླས་པར་བགྱིའོ། །དེ་ནས་རིག་སྔགས་འཆང་གིས་དུས་གསུམ་དུ་གཤེགས་པའི་འཁོར་གྱི་དཀྱིལ་འཁོར་དང་
D686.092.0048b02.01བཅས་པ་དེ་དག་མཉེས་པར་བགྱིས་པ་དང་། མཆོད་པ་བགྱིས་པ་དང་། རིམ་གྲོ་བགྱིས་པར་འགྱུར་རོ། །བསོད་ནམས་ཀྱི་ཕུང་པོའི་ཚོགས་ཆེན་པོ་དང་། དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །དུས་གསུམ་དུ་གཏོགས་པའི་དེ་བཞིན་གཤེགས་པ་འཁོར་གྱི་དཀྱིལ་འཁོར་
D686.092.0048b03.01དང་བཅས་པ་དེ་དག་ཐམས་ཅད་ཀྱིས་རིག་སྔགས་འཆང་ལ་དྲན་པ་དང་། བློ་གྲོས་དང་སྟོབས་དང་བརྩོན་འགྲུས་དང་གཟི་བརྗིད་སྩོལ་བར་འགྱུར་རོ། །ཉིན་གཅིག་བཞིན་དུ་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །རྟག་ཏུ་དེ་བཞིན་གཤེགས་པ་རྣམས་ཀྱིས་
D686.092.0048b04.01དགོངས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་མཆོག་སྦྱིན་པ་མཐོང་བར་འགྱུར་རོ། །མཐོང་བའི་ཆོས་ལ་འཁོར་བའི་སྡུག་བསྔལ་འཇིགས་པ་འཇིགས་སུ་རུང་བ་དང་། སྐྲག་པ་དང་། དངང་བ་རྣམས་ཞི་བར་
D686.092.0048b05.01འགྱུར་རོ། །ནད་ཀྱིས་ཀྱང་གནོད་པར་མི་འགྱུར་རོ། །རིམས་ཀྱིས་མ་ལགས། དུག་གིས་མ་ལགས། དུག་སྦྱར་མས་མ་ལགས། སྦྱོར་བས་མ་ལགས། མཚོན་གྱིས་མ་ལགས། མེས་མ་ལགས། ཆུས་མ་ལགས་ཏེ། ལུས་ལ་སེར་བ་འབབ་པར་མི་འགྱུར་རོ། །
D686.092.0048b06.01དགྲས་འཇིགས་པར་མི་འགྱུར་ཏེ། ཕ་རོལ་གྱི་དཔུང་གི་འཇིགས་པས་མ་ལགས། ཕ་རོལ་གྱི་སྡེའི་འཇིགས་པས་མ་ལགས། ཕས་ཀྱི་རྒོལ་བ་དང་མི་མཛའ་བའི་འཇིགས་པས་མ་ལགས། ལྷའི་འཇིགས་པས་མ་ལགས། ཀླུའི་འཇིགས་པས་མ་ལགས་ཏེ། གནོད་
D686.092.0048b07.01