完整藏文原文 · 德格版页 当前仅加载第 92 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །བུད་མེད་དང་། སྐྱེས་པ་དང་། ཁྱེའུ་དང་། བུ་མོའི་སྐྱེ་བོས་གང་བར་འགྱུར་རོ། །དེ་ནས་ལྷ་མོ་རྒྱན་ཐམས་ཅད་ཀྱིས་བརྒྱན་པ། བཟང་བ། མཛེས་པ། བལྟ་བར་འོས་པ་ཞིག་འོངས་ནས་རིན་པོ་ཆེ་བདུན་ལས་བྱས་པའི་སྣོད་བུམ་པ་གང་བ་ཞིག་ཐོགས་ཤིང་སྒོའི་ནང་
D686.092.0139a01.01དུ་འདུག་གོ། །དེ་ནས་ལྷ་མོ་དོན་རེ་རིག་སྔགས་འཆང་གི་ཁྱིམ་ཡིན་གྱིས་ནང་དུ་ཞུགས་ཤིག་ཅེས་སྨྲ་བར་འགྱུར་རོ། །རིག་སྔགས་འཆང་བས་སྙིང་པོ་མེད་པར་འགྱུར་བའི་ཁྱིམ་གཞལ་མེད་ཁང་འདིས་ཅི་ཞིག་བྱ་ཞེས་བརྗོད་པར་བྱའོ། །དེ་ན་དེ་སྣོད་གང་བ་འདི་ལོང་ཤིག་དང་། རྒྱ་ཆེར་
D686.092.0139a02.01འཕེལ་བར་འགྱུར་རོ་ཞེས་སྨྲ་བར་འགྱུར་རོ། །རིག་སྔགས་འཆང་བས་དྷིག་དྷིག་ཅེས་ཁྲོས་པ་བྱས་པ་དང་། ལྷ་མོ་དེ་དུས་ཏེ་ཇི་ལྟར་ཆར་པ་ཆེར་འབབས་པ་དེ་བཞིན་དུ་འདིའི་མིག་ནས་མཆི་མ་བྱུང་བ་དང་རིག་སྔགས་འཆང་བས་བླང་བར་བྱ་ཞིང་རང་གི་ལུས་ལ་བསྐུ་བར་བྱའོ། །བསྐུས་པ་ཙམ་
D686.092.0139a03.01གྱི་མོད་ལ་འཛམ་བུའི་གླིང་གི་གསེར་ལྟ་བུའི་ལུས་སུ་འགྱུར་རོ། །ཙནྡན་སྦྲུལ་གྱི་སྙིང་པོ་དང་། གོ་ཤིརྵའི་དྲི་ལུས་ལས་འབྱུང་བར་འགྱུར་རོ། །ཁར་བཅུག་ན་ལྟ་རྫས་ཀྱི་ཨུཏྤ་ལའི་དྲི་ཁ་ནས་འབྱུང་བར་འགྱུར་རོ། །མཆི་མ་དེ་མིག་ཏུ་བསྐུས་ན་ལྷ་རྫས་ཀྱི་ཨུཏྤལ་སྔོན་པོ་འདྲ་བའི་ལྷའི་མིག་ཏུ་འགྱུར་
D686.092.0139a04.01རོ། །སྐྲ་ལ་བསྐུས་ན་ལྷའི་རྨ་བྱའི་མདོག་འདྲ་བའི་སྐྲར་འགྱུར་ཞིང་སྐྲ་འཁྱིལ་ལ་འཁྱིལ་བར་འགྱུར་རོ། །རྣ་བའི་བུ་གར་བླུགས་ན་ལྷའི་སྙན་དུ་འགྱུར་ཏེ། དཔག་ཚད་སྟོང་ཕྲག་གསུམ་དུ་ཐོས་པར་འགྱུར་རོ། །དཔག་ཚད་སྟོང་ཕྲག་གསུམ་དུ་མཐོང་བར་འགྱུར་རོ། །འཐུངས་ན་བསྐལ་པ་
D686.092.0139a05.01སྟོང་ཕྲག་བཅུ་འཚོ་བར་འགྱུར་རོ། །བར་གྱི་བསྐལ་བ་རྗེས་སུ་དྲན་པར་འགྱུར་རོ། །གར་ཐབས་དང་། ཏྲོ་ཊ་ཀ་དང་། བརྡ་སྤྲོད་པ་དང་། བསྟན་བཅོས་དང་། བྷ་ར་ཏ་དང་། རཱ་མ་ཡ་ཎ་དང་། སྔོན་གྱི་གཏམ་རྙིང་དང་། ཚུལ་དང་། འདུལ་བ་དང་། སྐྱེས་རབས་དང་། སྙན་དང་གས་དང་བྱེ་བྲག་
D686.092.0139a06.01པ་ཐམས་ཅད་དང་། ཆོ་ག་ཞིབ་མོ་ཐམས་ཅད་དང་། དཀྱིལ་འཁོར་དང་། ཕྱག་རྒྱ་དང་། གསང་སྔགས་དང་། གཟུངས་དང་། མདོ་སྡེ་དང་། ཆོས་མངོན་པ་དང་། ཐེག་པ་ཆེན་པོ་དང་། དེ་དག་ཐམས་ཅད་མངོན་དུ་གྱུར་པར་གནས་སོ། །ཐམས་ཅད་དུ་རྟོགས་པ་ཁོང་དུ་ཆུད་པ་ཆེན་པོར་
D686.092.0139a07.01