完整藏文原文 · 德格版页 当前仅加载第 92 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བགོས་ལ་གསོ་སྦྱོང་དང་ལྡན་པར་བྱས་པས། ཚོན་ལྷག་མ་མ་ཡིན་པ་སྣོད་སར་པར་བཞག་ལ་བྲི་བར་བྱ་སྟེ། དབུས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཐོར་ཚུགས་ཀྱིས་བཞུགས་ཤིང་། རྒྱལ་བ་འོད་དཔག་མེད་ཀྱིས་བརྒྱན་པ་ཐོར་ཚུགས་ཀྱི་
D686.092.0100a01.01གཡས་སུ་ཟླ་ཚེས་ཀྱིས་བརྒྱན་པ། {རི་དགས་,རི་དྭགས་}ཨེ་ནེ་ཡའི་པགས་པ་གྱོན་པ། ཕྱུགས་བདག་གི་ཆུ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། དབུ་གསུམ་སྤྱན་གསུམ་ཕྱག་བཞི་པ། རིའི་སྟེང་ན་པདྨའི་གདན་ལ་བཞུགས་པ། ཞལ་དབུས་མ་ཞི་བའི་ཞལ་བཞིན་འཛུམ་པ།
D686.092.0100a02.01ཞལ་གཡས་པ་འཇིགས་སུ་རུང་བ་ཁྲོ་གཉེར་ཅན། ཐོར་ཚུགས་འོད་དཔག་མེད་ཀྱིས་བརྒྱན་པ། དབུ་ཟླ་ཚེས་ཀྱིས་བརྒྱན་པ། ཞལ་གཡོན་པ་འཇིགས་སུ་རུང་བ་བཞིན་བསྒྱུར་ཅིང་མཆེ་བ་གཙིགས་པ། རྒྱལ་བ་འོད་དཔག་མེད་དབུལ་བཞུགས་པ། ཕྱག་གཅིག་ན་པདྨ་ཐོགས་པ། གཉིས་པ་རྩེ་གསུམ་ཐོགས་པ།
D686.092.0100a03.01གསུམ་པ་དོན་ཡོད་ཞགས་པ་སྐུའི་ཕྱེད་ན་འཛིན་པ་ལ། བཅོམ་ལྡན་འདས་ཞལ་ཁྲོ་གཉེར་ཅན་དོན་ཡོད་ཞགས་པའི་ཕྱག་རྒྱ་བཅིངས་པའི་ཕྱག་ལ་སྤྱན་གཏོད་པར་བྱ་ཞིང་། བཞི་བ་དབུགས་འབྱིན་པའི་ཕྱག་ཏུ་བྱ་ཞིང་འོད་འདོམ་གང་བ་ཁོར་ཡུག་འབར་བ་དང་ལྡན་པར་བྱའོ། །གཡས་ཕྱོགས་ན་ལྷ་མོ་
D686.092.0100a04.01སྒྲོལ་མ་འགྱིང་བག་དང་བཅས་ཤིང་ལུས་བཏུད་པར་མཆོག་སྦྱིན་པའི་ཕྱག་ལ་མིག་གཏོད་པར་བྱའོ། །གཡོན་དུ་པདྨའི་རིགས་མཛེས་མ་འཛེམ་བག་དང་བཅས་པ་གསང་སྔགས་ཀྱི་ཚུལ་དང་རྗེས་སུ་མཐུན་ཞིང་དོན་ཡོད་པའི་ཞགས་པ་ལ་མིག་གཏོད་པར་བྱའོ། །ལྷ་མོ་སྒྲོལ་མའི་བར་དུ་གནོད་
D686.092.0100a05.01སྦྱིན་མོ་རལ་པ་གཅིག་མ་བྱའོ། །པདྨའི་རིགས་མཛེས་མའི་བར་དུ་ཁྲོ་གཉེར་ཅན་བྱའོ། །ཕྱོགས་གཉིས་པར་ལྷ་མོ་དཀར་མོ་ལག་ན་པདྨ་ཐོགས་པ་བྱའོ། །པདྨའི་རིགས་མཛེས་མའི་འོག་ཏུ་ཕོ་ཉ་མོ་གསང་སྔགས་ཀྱི་རྗེས་སུ་འབྲང་བར་བྱའོ། །རལ་གཅིག་མའི་འོག་ཏུ་ལྷ་མོ་ཆེན་མོ་
D686.092.0100a06.01འཇིགས་བྱེད་མ་བྱའོ། །གང་དུ་གནས་གཙང་མའི་རིགས་ཀྱི་ལྷའི་བུ་དང་བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་མེ་ཏོག་སྣ་ཚོགས་ཐོགས་ཏེ་བཅོམ་ལྡན་འདས་ལ་མཆོད་པ་བྱེད་པར་བྱའོ། །འོག་ཏུ་རྒྱལ་པོ་ཆེན་པོ་བཞི་བྱའོ། །འཕགས་པ་སྤྱན་རས་གཟིགས་
D686.092.0100a07.01