完整藏文原文 · 德格版页 当前仅加载第 92 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་པ། འཕགས་པ་སྤྱན་རས་གཟིགས་དབང་ཕྱུག་དགེ་ཞིང་ཤིན་ཏུ་དུལ་བ། རབ་ཏུ་ཞི་བའི་རྣམ་པར་ཤིན་ཏུ་མཛེས་པར་བྱའོ། །གསང་སྔགས་བརྒྱད་སྟོང་བཟླས་བརྗོད་བྱས་པས། ལན་ཅིག་བསྒྲུབས་པ་ནི་མཆོག་ཡིན་ཏེ། འདི་ཡོངས་སུ་རྫོགས་ནས་ཁྲོ་བོའི་རྒྱལ་
D686.092.0261b01.01པོས་ཐམས་ཅད་ལ་མངོན་དུ་གཏོར་ཏེ་དེ་ནས་རིག་སྔགས་འཆང་གིས་ལས་བརྩམ་མོ། །དེ་ནས་རིག་སྔགས་འཆང་གཙང་མར་གྱུར་པས་གོས་གཙང་མ་བགོས་ཏེ། ཤིན་ཏུ་ཁྲུས་བྱས་ལ་དྲིས་བྱུགས་པས་དཀྱིལ་འཁོར་གྲུ་བཞི་ཤིན་ཏུ་མཛེས་པ་གསལ་བ། ཀོ་ལའི་
D686.092.0261b02.01ཚད་ཙམ་གྱི་དཀྱིལ་འཁོར་བཟང་པོ་ལེགས་པར་བྱུགས་པ་ཤིན་ཏུ་གསལ་བ་བྱའོ། །དྲི་སྣ་ཚོགས་ཀྱིས་བྱུགས་པ་ཤིན་ཏུ་འཇམ་པ་ལ་ཙནྡན་དཀར་པོ་དང་། གུར་གུམ་གྱིས་དབུས་སུ་ལས་ཀྱི་དཀྱིལ་འཁོར་རྣམ་པར་ཕྱེ་བ་བྲི་བར་བྱའོ། །འདིར་ནི་པདྨའང་བྱས་ཏེ། །
D686.092.0261b03.01འདབ་མ་བརྒྱ་རྩ་བརྒྱད་པ་གེ་སར་དང་སྙིང་པོར་བཅས་པ། ཤིན་ཏུ་མཛེས་པ། ཤིན་ཏུ་བཟང་བ། ཙནྡན་དང་གུར་གུམ་གྱིས་བྲི་བར་བྱ་སྟེ། དེར་ཚོན་རྩི་གཞན་ནི་སྤྱད་པར་མི་བྱའོ། །བུམ་པ་སྤོས་ཆུས་བཀང་བ་དང་། དེ་བཞིན་དུ་དྲི་ཆུ་དང་། གཏོར་མ་ཐམས་ཅད་
D686.092.0261b04.01དྲི་སྣ་ཚོགས་ཀྱིས་བསྒོས་པ་དང་། ཅི་ཡོད་པའི་གཏོར་མ་གཞག་སྟེ། དེ་ནས་འདིར་དཀྱིལ་འཁོར་བྱ་བ་ནི་གནས་སམ་དགོན་པའམ། ཁྱིམ་མམ་གང་དུ་གནས་པར་གྱུར་པ་དེར་ཁྲུ་གང་ཚད་དམ་ཁྲུ་དོའམ་ཁྲུ་གསུམ་མམ་ལྷག་པར་ཡང་བྱའོ། །དེ་བཞིན་དུ་བདུག་སྤོས་དང་།
D686.092.0261b05.01ཙནྡན་དང་། ཨ་ག་རུ་དང་། དུ་རུ་སྐ་དང་། ཀུན་ཏུ་རུའོ། །བ་དན་ཁ་དོག་སྣ་ཚོགས་པས་དཀྱིལ་འཁོར་ཀུན་ནས་བརྒྱན་པར་བྱའོ། །མེ་ཏོག་ཕྲེང་བ་དགྲམ་བྱ་ཞིང་། །དྲི་དང་བྱུག་པ་དེ་ཉིད་དང་། །ཀུན་དུ་མར་མེའི་ཕྲེང་བའོ། །དེ་ནས་དྲི་ལས་བྱས་པའི་འཕགས་
D686.092.0261b06.01པ་སྤྱན་རས་གཟིགས་དབང་ཕྱུག་དཀྱིལ་འཁོར་གྱི་དབུས་སུ་པདྨའི་གེ་སར་གྱི་སྟེང་དུ་བཞག་པ་ལ། རིག་སྔགས་འཆང་མངོན་དུ་ཕྱོགས་པར་སྐྱིལ་མོ་ཀྲུང་བཅས་ཏེ་འདུག་ནས་གཞན་མི་སྨྲ་བར་བཟླས་བརྗོད་བརྒྱད་སྟོང་བརྩམ་པར་བྱའོ། །བརྒྱད་སྟོང་རྫོགས་པ་དང་
D686.092.0261b07.01